Udanavarga 7: 7 sucaritavarga

Sanskrit text (after Bernhard 1965; input M. Tokunaga) 7

kāya pradoṣam rakṣeta syāt kāyena susaṃvṛtaḥ /
kāya duścaritam hitvā kāyena sukṛtam caret //

vācaḥ pradoṣam rakṣeta vacasā saṃvṛto bhavet /
vāco duścaritam hitvā vācā sucaritam caret //

manaḥ pradoṣam rakṣeta manasā saṃvṛto bhavet /
mano duścaritam hitvā manaḥ sucaritam caret //

kāya duścaritam hitvā vaco duścaritāni ca /
mano duścaritam hitvā yac ca anyad doṣa saṃhitam //

kāyena kuśalam kuryād vacasā kuśalam bahu /
manasā kuśalam kuryād apramāṇam niraupadhim //

kāyena kuśalam kṛtvā vacasā cetasā api ca /
iha ca atha paratra asau sukham samadhigacchati //

ahiṃsakā vai munayo nityam kāyena saṃvṛtāḥ /
te yānti hy acyutam sthānam yatra gatvā na śocati //

ahiṃsakā vai munayo nityam vācā susaṃvṛtāḥ /
te yānti hy acyutam sthānam yatra gatvā na śocati //

ahiṃsakā vai munayo manasā nitya saṃvṛtāḥ /
te yānti hy acyutam sthānam yatra gatvā na śocati //

kāyena saṃvṛtā dhīrā dhīrā vācā susaṃvṛtāḥ /
manasā saṃvṛtā dhīrā dhīrāḥ sarvatra saṃvṛtāḥ /
te yānti hy acyutam sthānam yatra gatvā na śocati //

kāyena saṃvaraḥ sādhu sādhu vācā ca saṃvaraḥ /
manasā saṃvaraḥ sādhu sādhu sarvatra saṃvaraḥ /
sarvatra saṃvṛto bhikṣuḥ sarva duhkhāt pramucyate //

vācā anurakṣī manasā susaṃvṛtaḥ kāyena caiva akuśalam na kuryāt /
etām śubhām karma pathām viśodhayann ārādhayen mārgam ṛṣi praveditam //

Linked texts (2)