[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [Buddhist Sanskrit literature](https://indike.org/pramana/in.bauddha.sanskrit) › [Dharmapada anthologies](https://indike.org/pramana/in.bauddha.sanskrit.dharmapada) › [Udānavarga](https://indike.org/pramana/in.bauddha.sanskrit.dharmapada.udanavarga) › [Sanskrit text (after Bernhard 1965; input M. Tokunaga)](https://indike.org/pramana/in.bauddha.sanskrit.dharmapada.udanavarga*sa) › 8 # Udanavarga 8: 8 vācavarga Sanskrit text (after Bernhard 1965; input M. Tokunaga) 8 - **Language:** Sanskrit ### 8 vācavarga ### [8.1](https://indike.org/pramana/in.bauddha.sanskrit.dharmapada.udanavarga*sa.8.1) abhūta vādī narakān upaiti yaś ca anyad apy ācarati iha karma / ubhau hi tau pretya samau niruktau nihīna dharmau manujau paratra // ### [8.2](https://indike.org/pramana/in.bauddha.sanskrit.dharmapada.udanavarga*sa.8.2) puruṣasya hi jātasya kuṭhārī jāyate mukhe / yayā chinatti ha ātmānam vācā durbhāṣitam vadan // ### [8.3](https://indike.org/pramana/in.bauddha.sanskrit.dharmapada.udanavarga*sa.8.3) yo nindiyām praśaṃsati tān api nindati ye praśaṃsiyāḥ / sa cinoti mukhena tam kalim kalinā tena sukham na vindati // ### [8.4](https://indike.org/pramana/in.bauddha.sanskrit.dharmapada.udanavarga*sa.8.4) alpa mātro hy ayam kalir ya;ihha akṣeṇa dhanam parājayet / ayam atra mahattaraḥ kalir yaḥ sugateṣu manaḥ pradūṣayet // ### [8.5](https://indike.org/pramana/in.bauddha.sanskrit.dharmapada.udanavarga*sa.8.5) śatam sahasrāṇi nirarbudāni ṣaṭ triṃśatim pañca tathā arbudāni / yān ārya garhī narakān upaiti vācam manaś ca praṇidhāya pāpakam // ### [8.6](https://indike.org/pramana/in.bauddha.sanskrit.dharmapada.udanavarga*sa.8.6) asatam hi vadanti pāpa cittā narakam vardhayate vadhāya nityam / anavadya balas titīkṣate tām manaso hy āvilatām vivarjayitvā //\[.titikṣate.\] ### [8.7](https://indike.org/pramana/in.bauddha.sanskrit.dharmapada.udanavarga*sa.8.7) yaḥ śāsanam hy arhatām āryāṇām dharma jīvinām / pratikrośati durmedhā dṛṣṭim nihśritya pāpikām / ### [8.8](https://indike.org/pramana/in.bauddha.sanskrit.dharmapada.udanavarga*sa.8.8) kalyāṇikām vimuñceta na eva muñceta pāpikām / muktā kalyāṇikī śreyo muktā tapati pāpikā // ### [8.9](https://indike.org/pramana/in.bauddha.sanskrit.dharmapada.udanavarga*sa.8.9) na ca mukte pramuñcet tām muñcamāno hi bādhyate / na evam āryāḥ pramuñcanti muktā bālair hi pāpikā // ### [8.10](https://indike.org/pramana/in.bauddha.sanskrit.dharmapada.udanavarga*sa.8.10) mukhena samyato bhikṣur manda bhāṣī hy anuddhataḥ / artham dharmam ca deśayati madhuram tasya bhāṣitam // ### [8.11](https://indike.org/pramana/in.bauddha.sanskrit.dharmapada.udanavarga*sa.8.11) subhāṣitam hy uttamam āhur āryā dharmam vaden na adharmam tad dvitīyam / priyam vaden na apriyam tat tṛtīyam satyam vaden na asatyam tac caturtham // ### [8.12](https://indike.org/pramana/in.bauddha.sanskrit.dharmapada.udanavarga*sa.8.12) tām eva vācam bhāṣeta yayā ātmānam na tāpayet / parāṃś ca na vihiṃseta sā hi vāk sādhu bhāṣitā // ### [8.13](https://indike.org/pramana/in.bauddha.sanskrit.dharmapada.udanavarga*sa.8.13) priya udyam eva bhāṣeta yā hi vācā abhinanditā / na ādadāti yayā pāpam bhāṣamāṇaḥ sadā priyam // ### [8.14](https://indike.org/pramana/in.bauddha.sanskrit.dharmapada.udanavarga*sa.8.14) satyā syād amṛtā vācā satya vācā hy anuttarā / satyam arthe ca dharme ca vācam āhuḥ pratiṣṭhitām // ### [8.15](https://indike.org/pramana/in.bauddha.sanskrit.dharmapada.udanavarga*sa.8.15) yām buddho bhāṣate vācam kṣemām nirvāṇa prāptaye / duhkhasya anta kriyā yuktām sā hi vāk sādhu bhāṣitā // ## Linked texts (1) - [Āyuḥparyantasūtra](https://indike.org/pramana/in.bauddha.sanskrit.agama.ayuhparyantasutra.3.42) — Sanskrit --- Source: [https://indike.org/pramana/in.bauddha.sanskrit.dharmapada.udanavarga*sa.8](https://indike.org/pramana/in.bauddha.sanskrit.dharmapada.udanavarga*sa.8) · Pramāṇa