[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [Buddhist Sanskrit literature](https://indike.org/pramana/in.bauddha.sanskrit) › [Mahāyāna sūtras](https://indike.org/pramana/in.bauddha.sanskrit.mahayanasutra) › [Buddhāvataṃsakasūtra](https://indike.org/pramana/in.bauddha.sanskrit.mahayanasutra.avatamsaka) › [སངས་རྒྱས་ཕལ་པ་ཆ་ཞས་བྱ་བ་ཤན་ཏ་རྒྱས་པ་ཆན་པའ་མད](https://indike.org/pramana/in.bauddha.sanskrit.mahayanasutra.avatamsaka*bo) › 44.267 # The Flower Ornament Sūtra 44.267 སངས་རྒྱས་ཕལ་པོ་ཆེ་ཞེས་བྱ་བ་ཤིན་ཏུ་རྒྱས་པ་ཆེན་པོའི་མདོ 44.267 - **Language:** Classical Tibetan ### [44.267](https://indike.org/pramana/in.bauddha.sanskrit.mahayanasutra.avatamsaka*bo.44.267) གདུགས་ཏེ་ཡེ་ཤེས་རྒྱལ་མཚན་བསྒྲེང་། །དེ་དང་དེ་དག་བཟོད་པའི་སྟོབས་ཀྱིས་བདུད་ཀྱི་དཔུང་དང་སྡེ་རྣམས་འདུས་པ་འཇོམས། །གཟུངས་ནི་ས་སྟེ་བྱང་ཆུབ་སྤྱོད་པ་ཆུ་ཀླུང་ཡེ་ཤེས་ལུ་མ་ཤེས་རབ་ཤིང་། །མེ་ཏོག་བྱང་ཆུབ་ཡན་ལག་ཏིང་ངེ་འཛིན་ནི་རྟ་སྟེ་རྫུ་འཕྲུལ་རྣམ་པར་བརྒྱན། །སྟོང་པ་རྣམ་ཐར་བརྒྱད་པ་རྫིང་བུ་ཡིན་ཏེ་རྣམ་པར་དཔྱོད་པ་བཟང་མོ་བཙུན་མོ་ཡིན། །ཐར་བ་བདུད་རྩི་བཟའ་བ་ཡིན་ཏེ་ཆོས་ནི་བཏུང་བ་ཐེག་པ་གསུམ་གྱིས་རྩེ། །དེ་དག་སྤྱོད་པ་དེ་འདྲ་ཡིད་འོང་ཁྱད་པར་འཕགས་ཏེ་དེ་བས་གོང་དུ་མང་། །གང་གིས་བསྐལ་པ་བྱེ་བ་ཁྲག་ཁྲིག་སྟོང་དུ་སྐྱོ་བ་ཡོངས་སུ་མྱི་སྐྱོ་བར། །སྟོན་པ་མཆོད་ཅིང་རྣམ་དག་ཞིང་ལ་བརྩོན་པས་འགྲོ་བ་ཡེ་ཤེས་མཆོག་ལ་འགོད། །ཁ་ན་མ་ཐོ་ཀུན་མྱེད་ཡེ་ཤེས་རབ་གནས་ཐམས་ཅད་མཁྱེན་པ་ཉིད་རྒྱས་བྱེད། །ཞིང་རྣམས་རྡུལ་གྱི་འབྲུར་བླགས་རེ་རེ་ནས་ཀྱང་བགྲང་ཞིང་བརྩི་བར་ནུས་གྱུར་ལ། །བར་སྣང་མཁའ་ཆེན་འདི་ཡང་སྐྲ་ཡིས་གཞལ་ཏེ་ཟད་པར་བྱ་བར་ནུས་སྲིད་དེ། །སྐད་ཅིག་གཅིག་ལ་འགྲོ་བ་རྣམས་ཀྱི་སེམས་ནི་བགྲང་ཚུལ་ཤེས་པར་ནུས་སྲིད་ཀྱི། །སངས་རྒྱས་སྲས་རྣམས་སྤྱོད་པ་དག་ནི་བསྐལ་པ་བརྒྱར་བརྗོད་ཟད་པར་མྱི་ནུས་སོ། །གང་ཞིག་ཡོན་ཏན་རྣམ་དག་འདི་དག་འཐོབ་པར་འདོད་ཅིང་གོང་དུ་གཞན་འདོད་དང་། །གང་ཞིག་སྡུག་བསྔལ་རྣམས་ལས་འགྲོ་བར་ཐར་བྱས་བདེ་ལ་འགོད་པ་དང་། །གང་ཞིག་བདེ་བར་གཤེགས་པའི་སྐུ་གསུང་ཐུགས་དང་མཉམ་དུ་འགྱུར་བར་འདོད་པ་དག །དེས་ནི་རྡོ་རྗེ་ལྟ་བུར་བརྟན་པའི་སེམས་སུ་གྱིས་ཏེ་ཡོན་ཏན་བསླབ་པར་བྱོས། །ཤིན་ཏུ་རྒྱས་པ་ཆེན་པོའི་མདོ་སངས་རྒྱས་ཕལ་པོ་ཆེ་ཞེས་བྱ་བ་ལས། འཇིག་རྟེན་ལས་འདས་པའི་ལེའུ་སྟེ། བཞི་བཅུ་རྩ་བཞི་པའོ།། །། > The Bhagavat was in Śrāvastī, in a greatly adorned kūṭāgāra in Jetavana, Anāthapiṇḍada’s park, together with the bodhisattvas > > The Bhagavat was in Śrāvastī, in a greatly adorned kūṭāgāra in Jetavana, Anāthapiṇḍada’s park, together with the bodhisattvas > — Peter Alan Roberts & Lowell Cook, The Ten Bhūmis; The Chapter on the Scale of Life; The Dwellings of Bodhisattvas; The Stem Array; The Stem Array - [Previous: 44.266](https://indike.org/pramana/in.bauddha.sanskrit.mahayanasutra.avatamsaka*bo.44.266) - [Next: 45.1](https://indike.org/pramana/in.bauddha.sanskrit.mahayanasutra.avatamsaka*bo.45.1) - [Up: 44](https://indike.org/pramana/in.bauddha.sanskrit.mahayanasutra.avatamsaka*bo.44) ## Translations (1) - [The Ten Bhūmis; The Chapter on the Scale of Life; The Dwellings of Bodhisattvas; The Stem Array; The Stem Array](https://indike.org/pramana/in.bauddha.sanskrit.mahayanasutra.avatamsaka*bo~en-84000.44.267) — Peter Alan Roberts & Lowell Cook, English --- Source: [https://indike.org/pramana/in.bauddha.sanskrit.mahayanasutra.avatamsaka*bo.44.267](https://indike.org/pramana/in.bauddha.sanskrit.mahayanasutra.avatamsaka*bo.44.267) · Pramāṇa