[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [Buddhist Sanskrit literature](https://indike.org/pramana/in.bauddha.sanskrit) › [Mahāyāna sūtras](https://indike.org/pramana/in.bauddha.sanskrit.mahayanasutra) › [Karandavyuhasutra](https://indike.org/pramana/in.bauddha.sanskrit.mahayanasutra.karandavyuha) › 24.8 # Karandavyuhasutra 24.8 Kāraṇḍavyūhasūtra 24.8 - **Language:** Sanskrit ### [24.8](https://indike.org/pramana/in.bauddha.sanskrit.mahayanasutra.karandavyuha.24.8) atha sarvanīvaraṇaviṣkambhī tamāha - kathaṃ vayaṃ ṣaḍakṣarīṃ mahāvidyārājñīṃ labhemahi yena vayaṃ kṣipravarā bhavāmaḥ? dharmabhāṇakastamuvāca - tadyathāpi nāma sarvanīvaraṇaviṣkambhin prajñāpāramitānirjātāḥ sarvatathāgatāḥ / tatprajñāpāramitā sarvatathāgatānāṃ ca netrītyākhyāyate / sāpi ca ṣaḍakṣarīṃ mahāvidyārājñīṃ praṇamate kṛtāñjalipuṭā bhavantī, prāgeva tathāgatā arhantaḥ samyaksaṃbuddhā bodhisattvagaṇāḥ / ida kulaputra taṇḍulavatsāraṃ mahāyānasya kiṃcidasau bahumahāyānasūtraṃ geyaṃ vyākaraṇagāthānidānetivṛttajātakavaipulyādbhutadharmopadeśakaḥ prāpyante(?) (Vaidya 300) kulaputra japitamātreṇa śivaṃ mokṣam, kiṃbahunā anyakuśalamiti / kiṃvā tu samadhyagataṃ sāramupagṛhṇanti śālinastathā sāramityanugṛhṇanti, nītvā svakīye niveśane bhāṇḍāni paripūrṇāni kṛtvā sthāpayitvā divasānurūpeṇa sūryatāpena pariśoṣayitvā musalaprahārairvibhedayanti, tataścaturvarṣāṇi parityajanti / kiṃ sāramiti vyavasthitam? taṇḍulasāramiti / evamevānye yogāḥ tuṣasadṛśāḥ / sarvayogānāṃ ceyaṃ ṣaḍakṣarī mahāvidyā rājñī taṇḍulamiti bhūtā draṣṭavyā / yasyāḥ kāraṇena kulaputra bodhisattvāḥ śrāvayanto bhramanti dānapāramitārthinaḥ, śīlapāramitārthinaḥ, kṣāntipāramitārthinaḥ vīryapāramitārthinaḥ, dhyānapāramitārthinaḥ, prajñāpāramitārthinaḥ / ekajāpena kulaputra ṣaṭpāramitāḥ paripūrayanti / yasya kasyacidvastrasparśanenāpi avaivartikabhūmiṃ pratilabhante / evamevāsyāḥ ṣaḍakṣarī mahāvidyā rājñī, durlabhamasyā nāmagrahaṇam / ekavāranāmagrahaṇena sarve tathāgatāścīvarapiṇḍapātraśayyāsanaglānapratyayabhaiṣajyapariṣkaraiḥ sarvopasthānairupasthitā bhavanti // - [Previous: 24.7](https://indike.org/pramana/in.bauddha.sanskrit.mahayanasutra.karandavyuha.24.7) - [Next: 24.9](https://indike.org/pramana/in.bauddha.sanskrit.mahayanasutra.karandavyuha.24.9) - [Up: 24](https://indike.org/pramana/in.bauddha.sanskrit.mahayanasutra.karandavyuha.24) ## Linked texts (1) - [འཕགས་པ་ཟ་མ་ཏོག་བཀོད་པ་ཞེས་བྱ་བ་ཐེག་པ་ཆེན་པོའི་མདོ](https://indike.org/pramana/in.bauddha.sanskrit.mahayanasutra.karandavyuha*bo.3.31) — Classical Tibetan --- Source: [https://indike.org/pramana/in.bauddha.sanskrit.mahayanasutra.karandavyuha.24.8](https://indike.org/pramana/in.bauddha.sanskrit.mahayanasutra.karandavyuha.24.8) · Pramāṇa