[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [Buddhist Sanskrit literature](https://indike.org/pramana/in.bauddha.sanskrit) › [Mahāyāna sūtras](https://indike.org/pramana/in.bauddha.sanskrit.mahayanasutra) › [Saddharmapuṇḍarīkasūtra](https://indike.org/pramana/in.bauddha.sanskrit.mahayanasutra.saddharmapundarika) › [Nepalese recension (Kern & Nanjio 1908–1912; DSBC input)](https://indike.org/pramana/in.bauddha.sanskrit.mahayanasutra.saddharmapundarika*kern-nanjio) › 7.17.p2 # The Lotus Sūtra 7.17.p2 Nepalese recension (Kern & Nanjio 1908–1912; DSBC input) 7.17.p2 - **Language:** Sanskrit ### [7.17.p2](https://indike.org/pramana/in.bauddha.sanskrit.mahayanasutra.saddharmapundarika*kern-nanjio.7.17.p2) tena khalu punarbhikṣavaḥ samayena tena bhagavatā mahābhijñājñānābhibhuvā tathāgatenārhatā samyaksaṃbuddhena anuttarāṃ samyaksaṃbodhimabhisaṃbudhyamānena daśasu dikṣvaikaikasyāṃ diśi pañcāśallokadhātukoṭīnayutaśatasahasrāṇi ṣaḍvikāraṃ prakampitānyabhūīvan, mahatā cāvabhāsena sphuṭānyabhūvan | sarveṣu ca teṣu lokadhātuṣu yā lokāntarikāstāsu ye akṣaṇāḥ saṃvṛtā andhakāratamisrāḥ yatra imāvapi candrasūryau evaṃmaharddhikau evaṃmahānubhāvau evaṃmahaujaskau ābhayāpyābhāṃ nānubhavataḥ, varṇenāpi varṇaṃ tejasāpi tejo nānubhavataḥ, tāsvapi tasmin samaye mahato 'vabhāsasya prādurbhāvo 'bhūt | ye 'pi tāsu lokāntarikāsu sattvā upapannāḥ, te 'pyanyonyamevaṃ paśyanti anyonyamevaṃ saṃjānanti - anye 'pi bata bhoḥ sattvāḥ santīhopapannāḥ | anye 'pi bata bhoḥ sattvāḥ santīhopapannāḥ iti | sarveṣu ca teṣu lokadhātuṣu yāni devabhavanāni devavimānāni ca, yāvad brahmalokād ṣaḍvikāraṃ prakampitānyabhūvan, mahatā cāvabhāsena sphuṭānyabhūvan atikramya devānāṃ devānubhāvam | iti hi bhikṣavastasmin samaye teṣu lokadhātuṣu mahataḥ pṛthivīcālasya mahataśca audārikasyāvabhāsasya loke prādurbhāvo 'bhūt || - [Previous: 7.17.p1](https://indike.org/pramana/in.bauddha.sanskrit.mahayanasutra.saddharmapundarika*kern-nanjio.7.17.p1) - [Next: 7.17.p3](https://indike.org/pramana/in.bauddha.sanskrit.mahayanasutra.saddharmapundarika*kern-nanjio.7.17.p3) - [Up: 7.17](https://indike.org/pramana/in.bauddha.sanskrit.mahayanasutra.saddharmapundarika*kern-nanjio.7.17) ## Linked texts (1) - [དམ་པའི་ཆོས་པད་མ་དཀར་པོ་ཞེས་བྱ་བ་ཐེག་པ་ཆེན་པོའི་མདོ](https://indike.org/pramana/in.bauddha.sanskrit.mahayanasutra.saddharmapundarika*bo.4.23) — Classical Tibetan --- Source: [https://indike.org/pramana/in.bauddha.sanskrit.mahayanasutra.saddharmapundarika*kern-nanjio.7.17.p2](https://indike.org/pramana/in.bauddha.sanskrit.mahayanasutra.saddharmapundarika*kern-nanjio.7.17.p2) · Pramāṇa