[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [Buddhist Sanskrit literature](https://indike.org/pramana/in.bauddha.sanskrit) › [Mahāyāna sūtras](https://indike.org/pramana/in.bauddha.sanskrit.mahayanasutra) › [The Rice Seedling Sūtra](https://indike.org/pramana/in.bauddha.sanskrit.mahayanasutra.salistamba) › 22 # The Rice Seedling Sūtra 22 Śālistambasūtra 22 - **Language:** Sanskrit ### [22](https://indike.org/pramana/in.bauddha.sanskrit.mahayanasutra.salistamba.22) tatra ādhyātmikaḥ pratītyasamutpādaḥ pañcabhirākārairdraṣṭavyaḥ | katamaiḥ pañcabhiḥ? na śāśvatataḥ, nocchedataḥ, na saṃkrāntitaḥ, parīttahetuto vipulaphalābhinirvṛttataḥ, tatsadṛśānuprabandhataśceti | kathaṃ na śāśvatataḥ? yasmādanye māraṇāntikāḥ skandhāḥ, anye aupapattyaṃśikāḥ (ŚālSū, Vaidya 106) skandhāḥ, na tu ya evaṃ māraṇāntikāḥ skandhāḥ, ta eva aupapattyaṃśikāḥ | api tu māraṇāntikāḥ skandhā nirudhyante, tasminneva ca samaye aupapattyaṃśikāḥ skandhāḥ prādurbhavanti | ato na śāśvatataḥ || kathaṃ nocchedataḥ? na ca pūrvaniruddheṣu māraṇāntikeṣu skandheṣu aupapattyaṃśikāḥ skandhāḥ prādurbhavanti, nāpyaniruddheṣu | api tu māraṇāntikāḥ skandhā nirudhyante, tasminneva ca samaye aupapattyaṃśikāḥ skandhāḥ prādurbhavanti tulādaṇḍonnāmāvanāmavat | ato nocchedataḥ || kathaṃ na saṃkrāntitaḥ? visadṛśāḥ sattvanikāyāḥ sabhāgāyāṃ jātyāṃ jātimabhinirvartayanti | ato na saṃkrāntitaḥ | kathaṃ parīttahetuto vipulaphalābhinirvṛttitaḥ? parīttaṃ karma kriyate, vipulaḥ phalavipāko 'nubhūyate | ataḥ parīttahetuto vipulaphalābhinirvṛttitaḥ || kathaṃ tatsadṛśānuprabandhataḥ? yathāvedanīyaṃ karma kriyate, tathāvedanīyo vipāko 'nubhūyate | atastatsadṛśānuprabandhataśca || evamādhyātmikaḥ pratītyasamutpādaḥ pañcabhirākārairdraṣṭavyaḥ || - [Previous: 21](https://indike.org/pramana/in.bauddha.sanskrit.mahayanasutra.salistamba.21) - [Next: 23](https://indike.org/pramana/in.bauddha.sanskrit.mahayanasutra.salistamba.23) ## Linked texts (6) - [Input by M. Rozehnal and J. Braarvig (after Bendall 1897–1902)](https://indike.org/pramana/in.bauddha.sanskrit.marga.siksasamuccaya*bendall.1126) — Sanskrit - [བྱང་ཆུབ་ཀྱི་སྤྱོད་པ་ལ་འཇུག་པའི་དཀའ་འགྲེལ](https://indike.org/pramana/in.bauddha.sanskrit.marga.bodhicaryavatara!panjika*bo.393) — Classical Tibetan - [དབུ་མ་རྩ་བའི་འགྲེལ་པ་ཚིག་གསལ་བ་ཞེས་བྱ་བ](https://indike.org/pramana/in.bauddha.sanskrit.darsana.madhyamaka.mmk!prasannapada*bo.377) — Classical Tibetan - [བསླབ་པ་ཀུན་ལས་བཏུས་པ](https://indike.org/pramana/in.bauddha.sanskrit.marga.siksasamuccaya*bo.249) — Classical Tibetan - [Madhyamakaśālistambasūtra](https://indike.org/pramana/in.bauddha.sanskrit.mahayanasutra.madhyamakasalistamba.16) — Sanskrit - [འཕགས་པ་སཱ་ལུའི་ལྗང་པ་ཞེས་བྱ་བ་ཐེག་པ་ཆེན་པོའི་མདོ](https://indike.org/pramana/in.bauddha.sanskrit.mahayanasutra.salistamba*bo.12) — Classical Tibetan --- Source: [https://indike.org/pramana/in.bauddha.sanskrit.mahayanasutra.salistamba.22](https://indike.org/pramana/in.bauddha.sanskrit.mahayanasutra.salistamba.22) · Pramāṇa