[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [Buddhist Sanskrit literature](https://indike.org/pramana/in.bauddha.sanskrit) › [Mahāyāna sūtras](https://indike.org/pramana/in.bauddha.sanskrit.mahayanasutra) › [Samādhirājasūtra](https://indike.org/pramana/in.bauddha.sanskrit.mahayanasutra.samadhiraja) › [འཕགས་པ་ཆས་ཐམས་ཅད་ཀྱ་རང་བཞན་མཉམ་པ་ཉད་རྣམ་པར་སྤྲས་པ་ཏང་ང་འཛན་གྱ་རྒྱལ་པ་ཞས་བྱ་བ་ཐག་པ་ཆན་པའ་མད](https://indike.org/pramana/in.bauddha.sanskrit.mahayanasutra.samadhiraja*bo) › 9.1-2 # Samadhirajasutra 9.1-2 འཕགས་པ་ཆོས་ཐམས་ཅད་ཀྱི་རང་བཞིན་མཉམ་པ་ཉིད་རྣམ་པར་སྤྲོས་པ་ཏིང་ངེ་འཛིན་གྱི་རྒྱལ་པོ་ཞེས་བྱ་བ་ཐེག་པ་ཆེན་པོའི་མདོ 9.1-2 - **Language:** Classical Tibetan ### [9.1](https://indike.org/pramana/in.bauddha.sanskrit.mahayanasutra.samadhiraja*bo.9.1) རྒྱས་པར་བྱེད། །བྱང་ཆུབ་སེམས་དཔའ་དེ་ནི་ཤི་འཕོས་ནས། །བདེ་བ་ཅན་གྱི་འཇིག་རྟེན་ཁམས་སུ་འགྲོ། །ཚེ་དཔག་མེད་ལས་ཆོས་བཟང་མཆོག་ཐོས་ནས། །སྐྱེ་བ་མེད་པའི་ཆོས་ལ་བཟོད་པ་འཐོབ།། །།འཕགས་པ་ཏིང་ངེ་འཛིན་གྱི་རྒྱལ་པོའི་མདོ། བམ་པོ་དགུ་པ། གཞོན་ནུ་བྱང་ཆུབ་སེམས་དཔའ་སེམས་དཔའ་ཆེན་པོ་དགོན་པར་གནས་པ་ལྷུར་བྱེད་པ་དག་གི་ཕན་ཡོན་ནི་འདི་བཅུ་སྟེ། བཅུ་གང་ཞེ་ན། འདི་ལྟ་སྟེ། བྱ་བ་ཉུང་བར་གནས་པ་དང་འདུ་འཛི་རིང་བ་ནས་ཀྱང་རིང་དུ་སྤོང་བ་དང་དེ་ལ་རྩོད་པ་མེད་པར་འགྱུར་བ་དང་། གནོད་པ་མེད་པར་གནས་པ་དང་ཟག་པ་འཕེལ་བར་མི་བྱེད་པ་དང་རྩོད་པའི་གཞིར་མི་བྱེད་པ་དང་ཤིན་ཏུ་ཞི་བར་སྤྱོད་པ་དང་ཤིན་ཏུ་བསྡམས་པར་གནས་པ་དང་ཐར་པ་དང་འཐུན་པའི་སེམས་ཀྱི་རྒྱུད་དུ་འགྱུར་བ་དང་། མྱུར་དུ་རྣམ་པར་གྲོལ་བ་མངོན་སུམ་དུ་བྱེད་པ་སྟེ། གཞོན་ནུ་བཅུ་པོ་འདི་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་དགོན་པར་གནས་པ་ལྷུར་བྱེད་པའི་ཕན་ཡོན་ནོ། །དེ་ལ་འདི་སྐད་ཅེས་བྱ་སྟེ། རྟག་ཏུ་བྱ་བ་ཉུང་བར་འགྱུར། །འདུ་འཛི་དག་ཀྱང་རིང་དུ་སྤོང་། །ནགས་ཁྲོད་གཅིག་པུ་གནས་པ་ནི། །རྩོད་པ་དག་ཀྱང་དེ་ལ་མེད། །གནོད་པ་མེད་པའི་སེམས་ཀྱིས་ནི། །ཟག་པ་རྣམ་པར་འཕེལ་མི་བྱེད། །དེ་ལ་རྩོད་གཞི་མི་འབྱུང་སྟེ། །དགོན་པར་གནས་པའི་ཡོན་ཏན་འདི། །ལུས་དང་ངག་ཡིད་རབ་བསྡམས་ཏེ། །དེ་ནི་ཉེ་བར་ཞི་བར་སྤྱོད། །ཐར་པ་དང་ནི་འཐུན་གྱུར་ཅིང་། །རྣམ་པར་གྲོལ་བ་མྱུར་དུ་རིག །རྣལ་འབྱོར་པ་ནི་རྟག་ཏུ་བྱ་བ་ཉུང་། །འདུ་འཛི་མང་པོའི་ཉེས་པ་ཀུན་སྤངས་ཏེ། །རྣལ་འབྱོར་པ་དག་ནམ་ཡང་རྩོད་མི་བྱེད། །དགོན་པར་གནས་པའི་ཕན་ཡོན་འདི་དག་གོ། །ནམ་ཞིག་དེ་ནི་འདུས་བྱས་སྐྱོ་གྱུར་ཅིང་། །འཇིག་རྟེན་དུ་ནི་གང་ལའང་འདོད་པ་མེད། །ཟག་པ་དག་ཀྱང་འཕེལ་བར་མི་བྱེད་པ། །ནགས་ཁྲོད་གནས་པ་དེ་ཡི་ཕན་ཡོན་ཡིན། །དེ་ལ་རྩོད་གཞི་ནམ་ཡང་མི་ > They live in solitude, delighting in peace. > Their body, speech, and mind are restrained. > The ones who live in solitude will have many qualities. {75} > > “They are prepared for liberation. > They will quickly attain the peace of liberation. > They dwell in the forest and are close to liberation. > Those who dwell in solitude will have all these qualities. {76} > > “Young man, there are ten benefits for bodhisattva mahāsattvas who live by receiving alms in the austerity of the disciplines of mendicancy. What are the ten benefits? They are: \[1\] they have no desire for a reputation; \[2\] they have no desire for fame; \[3\] they have no desire for honors or gains; \[4\] they remain within the four noble families;⁹⁴⁵ \[5\] they have no hypocrisy or boasting; \[6\] they do not praise themselves; \[7\] they do not criticize others; \[8\] they engage with households without aversion or attachment;⁹⁴⁶ \[9\] they give the Dharma without expectation of a reward;⁹⁴⁷ and \[10\] the Dharma they teach while remaining in the austerity of the disciplines of mendicancy will be remembered. > > “Young man, those are the ten benefits for bodhisattva mahāsattvas who live by receiving alms in the austerity of the disciplines of mendicancy.” > > On this topic, it was said: > > “They have no desire for a reputation. > They do not wish for fame. > Those who remain in the disciplines of mendicancy > Are indifferent to gain and loss. {77} > > “They do not abandon the noble family. > They have no hypocrisy or boastfulness. > They do not praise themselves > And they do not criticize others. {78} > > “They have no attachment or aversion, > And teach the Dharma with no thought of reward. > The words they speak will be remembered. > Recipients of alms will have those qualities.⁹⁴⁸ {79} > > “They do not seek reputation, fame, or gain. > They remain within the four noble families. > The wise ones are neither hypocritical nor boastful. > Those are the qualities of dedication to mendicancy. {80} > > “They do not praise themselves or criticize others. > They are not upset when spoken to harshly. > They are not delighted when they hear themselves praised. > — Peter Alan Roberts, The King of Samādhis Sūtra ### [9.2](https://indike.org/pramana/in.bauddha.sanskrit.mahayanasutra.samadhiraja*bo.9.2) འབྱུང་སྟེ། །རྟག་ཏུ་ཞི་ལ་དགའ་ཞིང་དབེན་པར་སྤྱོད། །ལུས་དང་ངག་དང་ཡིད་ཀྱང་བསྡམས་པ་སྟེ། །དགོན་པར་གནས་པ་དེ་ལ་ཡོན་ཏན་མང་། །དེ་ནི་ཐར་པ་དང་ཡང་འཐུན་གྱུར་ཏེ། །ནགས་ཁྲོད་གནས་ཤིང་རྣམ་གྲོལ་དེ་སྟེན་པས། །རྣམ་གྲོལ་ཞི་བ་མྱུར་དུ་དེས་རྟོགས་འགྱུར། །འདི་ཀུན་དགོན་པར་གནས་པའི་ཡོན་ཏན་ཡིན། །གཞོན་ནུ་བྱང་ཆུབ་སེམས་དཔའ་སེམས་དཔའ་ཆེན་པོ་བསོད་སྙོམས་སྤྱོད་པ་སྦྱངས་པའི་ཡོན་ཏན་ཡོ་བྱད་བསྙུངས་པ་ལ་གནས་པའི་ཕན་ཡོན་ནི་འདི་བཅུ་སྟེ། བཅུ་གང་ཞེ་ན། འདི་ལྟ་སྟེ། དེ་ཤེས་ཀྱི་ཁེ་འདོད་པ་མ་ཡིན་པ་དང་། དེ་སྙན་པ་འདོད་པ་མ་ཡིན་པ་དང་། དེ་རྙེད་པ་དང་བཀུར་སྟི་འདོད་པ་མ་ཡིན་པ་དང་། དེ་འཕགས་པའི་རིགས་བཞི་ལ་གནས་པ་དང་། དེ་ཚུལ་འཆོས་པ་དང་ཁ་གསག །མེད་པར་འགྱུར་བ་དང་། དེ་བདག་ལ་མི་སྟོད་གཞན་ལ་མི་སྨོད་པ་དང་། དེ་རྗེས་སུ་ཆགས་པ་དང་ཁོང་ཁྲོ་བ་སྤངས་པས་གཞན་གྱི་ཁྱིམ་དུ་སྤྱོད་པ་དང་། ཟང་ཟིང་མེད་པར་ཆོས་ཀྱི་སྦྱིན་པ་སྦྱིན་པར་བྱེད་པ་དང་དེ་སྦྱངས་པའི་ཡོན་ཏན་ཡོ་བྱད་བསྙུངས་པ་ལ་གནས་ཤིང་ཆོས་བསྟན་པ་གཟུང་བར་འགྱུར་བ་ཡིན་ཏེ། གཞོན་ནུ་བཅུ་པོ་འདི་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་བསོད་སྙོམས་སྤྱོད་པ་སྦྱངས་པའི་ཡོན་ཏན་ཡོ་བྱད་བསྙུངས་པ་ལ་གནས་པའི་ཕན་ཡོན་ནོ། །དེ་ལ་འདི་སྐད་ཅེས་བྱ་སྟེ། སྦྱངས་པ་དག་ལ་གང་གནས་པ། །ཤེས་ཀྱི་ཁེ་ཡང་མི་འདོད་ཅིང་། །སྙན་པ་ལ་ཡང་མི་སྨོན་ཏེ། །རྙེད་དང་མ་རྙེད་མཚུངས་པའི་ཡིད། །སྦྱངས་པ་དག་ལ་གང་གནས་པ། །འཕགས་པའི་རིགས་ནི་མི་གཏོང་ཞིང་། །ཚུལ་འཆོས་པ་དང་ཁ་གསག་རྣམས། །ཐམས་ཅད་རིང་དུ་རྣམ་པར་སྤོང་། །བདག་ཉིད་ལ་ནི་མི་སྟོད་ཅིང་། །གཞན་དག་ལ་ཡང་སྨོད་མི་བྱེད། །ཁོང་ཁྲོ་རྗེས་སུ་ཆགས་མེད་ཅིང་། །ཟང་ཟིང་མེད་པར་ཆོས་སྟོན་ཏེ། །དེ་ཡི་ཚིག་ཀྱང་གཟུང་བར་འགྱུར། །བསོད་སྙོམས་ཡོན་ཏན་འདི་དག་གོ། །ཤེས་ཀྱི་ཁེ་དང་སྙན་དང་རྙེད་མི་ཚོལ། །འཕགས་པའི་རིགས་བཞི་ལ་ནི་གནས་འགྱུར་ཏེ། །མཁས་པ་ཚུལ་འཆོས་ཁ་གསག་མེད་པ་ཡིན། །སྦྱངས་ལ་བརྩོན་པའི་ཡོན་ཏན་འདི་འདྲའོ། །བདག་ལ་མི་སྟོད་གཞན་ལ་མི་སྨོད་ཅིང་། །རྩུབ་པོར་སྨྲས་ཀྱང་འཁྲུག་པར་ཡོང་མི་འགྱུར། །བསྔགས་པ་ཐོས་ཀྱང་དགའ་ ## Translations (2) - [The King of Samādhis Sūtra](https://indike.org/pramana/in.bauddha.sanskrit.mahayanasutra.samadhiraja*bo~en-84000.9.2) — Peter Alan Roberts, English - [English (machine translation)](https://indike.org/pramana/in.bauddha.sanskrit.mahayanasutra.samadhiraja*bo~en-mt.9.1) — English, machine translation ## Linked texts (1) - [Samādhirājasūtra (ed. P L Vaidya)](https://indike.org/pramana/in.bauddha.sanskrit.mahayanasutra.samadhiraja*vaidya.28.76) — Sanskrit --- Source: [https://indike.org/pramana/in.bauddha.sanskrit.mahayanasutra.samadhiraja*bo.9.1-2](https://indike.org/pramana/in.bauddha.sanskrit.mahayanasutra.samadhiraja*bo.9.1-2) · Pramāṇa