[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [Buddhist Sanskrit literature](https://indike.org/pramana/in.bauddha.sanskrit) › [Mahāyāna sūtras](https://indike.org/pramana/in.bauddha.sanskrit.mahayanasutra) › [The Sūtra of Golden Light](https://indike.org/pramana/in.bauddha.sanskrit.mahayanasutra.suvarnaprabhasa) › 6.30.p3 # The Sūtra of Golden Light 6.30.p3 Suvarṇaprabhāsottamasūtra 6.30.p3 - **Language:** Sanskrit ### [6.30.p3](https://indike.org/pramana/in.bauddha.sanskrit.mahayanasutra.suvarnaprabhasa.6.30.p3) atha khalu vaiśravaṇo mahārājo dhṛtarāṣṭro mahārājo virūḍhako mahārājo virūpākṣo mahārāja utthāyasanebhya ekāṃsena cīvarāṇi prāvṛtya dakṣiṇajānumaṇḍalāni pṛthivyāṃ pratiṣṭhāpya yena bhagavāṃstenāñjaliṃ praṇamya bhagavantametadavocan / ayaṃ bhagavan, suvarṇaprabhāsottamasūtrendrarājaḥ sarvatathāgatabhāṣitaḥ sarvatathāgatāvalokitaḥ sarvatathāgatasamanvāgataḥ sarvabodhisattvagaṇanamaskṛtaḥ sarvadevagaṇapūjitaḥ sarvedevendragaṇasaṃpraharṣakaḥ sarvalokapālastutaḥ stavito varṇitaḥ praśaṃsitaḥ sarvadevabhavanāvabhāsitaḥ sarvasattvānāṃ paramasukhapradāyakaḥ sarvanarakatiryagyoniyamalokaduḥkhasaṃśodhakaḥ sarvabhayapratiśamanaḥ sarvaparacakrapratinivartako durbhikṣakāntārapraśamano vyādhikāntārapraṇāśako jñānaprakāśakaḥ paramaśāntikaraḥ śokāyāsapraśamano vividhanānopadravyapraśamayitopadravaśatasahasrapraṇāśayitā / imamasya bhadanta bhagavan suvarṇaprabhāsottamasūtrendrarājasya vistareṇa parṣadi saṃprakāśyamānasyāsmākaṃ catūrṇāṃ mahārājānāṃ sabalaparivārāṇām / etena ca dharmaśravaṇena dharmāmṛtarasena ca divyātmabhāvamahātejasā vivardhayiṣyanti // asmākaṃ kāyeṣu vīryaṃ ca balaṃ sthāma ca saṃjanitaṃ bhaviṣyanti / tejaśca śriyaṃ ca lakṣmīṃ cāsmākaṃ kāyeṣvāviśanti / vayaṃ bhagavaṃścatvāro mahārājā dhārmikāśca dharmavādinaśca dharmarājā dharmeṇa vayaṃ bhadanta bhagavan devanāgayakṣagandharvāsuragaruḍanaramahoragāṇāṃ rājatvaṃ kārayiṣyāmaḥ / te vayaṃ bhagavan, catvāro mahārājāḥ sārdhamaṣṭāviṃśatiyakṣasenāpatibhiranekaiśca yakṣaśatasahasraiḥ satatasamitaṃ sarve jambudvīpaṃ divyena viśuddhenātikrāntamānuṣyakeṇa vyavalokayiṣyāma ārakṣayiṣyāmaḥ paripācayiṣyāmaḥ / tena hetunā bhadanta bhagavannasmākaṃ caturṇāṃ mahārājānāṃ lokapāla iti saṃjñotpāditā // - [Previous: 6.30.p2](https://indike.org/pramana/in.bauddha.sanskrit.mahayanasutra.suvarnaprabhasa.6.30.p2) - [Next: 6.30.p4](https://indike.org/pramana/in.bauddha.sanskrit.mahayanasutra.suvarnaprabhasa.6.30.p4) - [Up: 6.30](https://indike.org/pramana/in.bauddha.sanskrit.mahayanasutra.suvarnaprabhasa.6.30) ## Linked texts (2) - [འཕགས་པ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ཞེས་བྱ་བ་ཐེག་པ་ཆེན་པོའི་མདོ](https://indike.org/pramana/in.bauddha.sanskrit.mahayanasutra.suvarnaprabhasa*bo-d556.125) — Classical Tibetan - [འཕགས་པ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ཞེས་བྱ་བ་ཐེག་པ་ཆེན་པོའི་མདོ](https://indike.org/pramana/in.bauddha.sanskrit.mahayanasutra.suvarnaprabhasa*bo-d557.3.3) — Classical Tibetan --- Source: [https://indike.org/pramana/in.bauddha.sanskrit.mahayanasutra.suvarnaprabhasa.6.30.p3](https://indike.org/pramana/in.bauddha.sanskrit.mahayanasutra.suvarnaprabhasa.6.30.p3) · Pramāṇa