Lakshmistotra (Lakṣmīstotra)
लक्ष्मीस्तोत्र
- Language
- Sanskrit
- Date
- 100 BCE – 1300 CE
- Author
- Amṛta
- Extent
- 16 passages, 145 words
- Text
- complete digital text
- Source
- ambuda · Ambuda proofreading edition (no printed source named) · CC0 1.0 Universal (public domain dedication) — "Distributed by Ambuda under a Creative Commons CC0 1.0…
Contents
Text
1
kṣamasvabhagavatyaṃba kṣamāśīle parātpare |
śuddhasatvasvarūpe ca kopādiparivarjite || 1 ||
2
upame sarvasādhvīnāṃ devīnāṃ devapūjite |
tvayā vinā jagatsarve mṛtatulyaṃ ca niṣphalam || 2 ||
3
sarvasaṃpatsvarūpā tvaṃ sarveṣāṃ sarvarūpiṇī |
rāseśvaryadhidevī tvaṃ tvatkalāḥ sarvayoṣitaḥ || 3 ||
4
kailāse pārvatī tvaṃ ca kṣīrode sindhukanyakā
svarge tvaṃ ca mahālakṣmīmartyalakṣmīśca bhūtale || 4 ||
5
vaikuṃṭhe ca mahālakṣmīrdevadevī sarasvatī |
gaṃgā ca tulasī tvaṃ ca sāvitrī brahmalokataḥ || 5 ||
6
kṛṣṇaprāṇādhidevī tvaṃ goloke rādhikā svayam
rāse rāseśvarī tvaṃ ca vṛṃdāvanavane vane || 6 ||
7
kṛṣṇapriyāṃ tvaṃ bhāṃḍīre candrā candana kānane |
virajā caṃpakavane śataśṛge ca sundarī || 7 ||
8
padmāvatī padmavane mālatī mālatīvane |
kundadantī kundavane suśīlā ketakīvane || 8 ||
9
kadaṃbamālā tvaṃ devī kadaṃbakānane'pi ca |
rājalakṣmī rājagṛhe gṛhalakṣmī gṛhegṛhe || 6 ||
10
ityuktvā devatāḥ sarvā munayomanavastathā |
rurudurnamravadanāḥ śuṣkakaṃṭhoṣṭha tālukāḥ || 10 ||
11
iti lakṣmīstavaṃ puṇyaṃ sarvadevaiḥ kṛtaṃ śubham |
yaḥ paṭhetprātarutthāya sa vai sarvaṃ labhed dhruvam || 11 ||
12
abhāryo labhate bhāryā vinītāṃ susṛtāṃ satīm |
suśīlāṃ sundarīṃ ramyāmatisupriyavādinīm || 12 ||
13
putrapautravatīṃ śuddhāṃ kulajāṃ komalāṃvarām |
aputro labhate putraṃ vaiṣṇavaṃ cirajīvanam || 13 ||
14
paramairśyayuktaṃ ca vidyāvaṃtaṃ yaśasvinam |
bhraṣṭarājyo labhedrājyaṃ bhraṣṭaśrīrlabhate śriyam || 14 ||
15
hatabandhurlabhedbandhuṃ dhanabhraṣṭo dhanaṃ labhet |
kīrtihīno labhetkīrti pratiṣṭhā ca labhed dhuvam || 15 ||
16
sarvamaṃgaladaṃstotraṃ śokasaṃtāpanāśanam |
harṣānaṃdakaraṃśaśvaddharmamokṣa suhṛtpradam || 16 ||