[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [Buddhist Sanskrit literature](https://indike.org/pramana/in.bauddha.sanskrit) › [Monastic discipline of the Indian schools](https://indike.org/pramana/in.bauddha.sanskrit.vinaya) › [The Vinaya of the Mūlasarvāstivādins](https://indike.org/pramana/in.bauddha.sanskrit.vinaya.mulasarvastivada) › [Vinayavastu](https://indike.org/pramana/in.bauddha.sanskrit.vinaya.mulasarvastivada.vinayavastu) › [Sanghabhedavastu](https://indike.org/pramana/in.bauddha.sanskrit.vinaya.mulasarvastivada.vinayavastu.sanghabheda) › 84.2 # Sanghabhedavastu 84.2 Saṅghabhedavastu 84.2 - **Language:** Sanskrit ### [84.2](https://indike.org/pramana/in.bauddha.sanskrit.vinaya.mulasarvastivada.vinayavastu.sanghabheda.84.2) tatra bhagavān pañcakān bhikṣūn āmantrayate sma: 1) idaṃ duḥkham āryasatyam iti bhikṣavaḥ pūrvam ananuśruteṣu dharmeṣu yoniśo manasi kurvataś cakṣur udapādi; jñānaṃ vidyā buddhir udapādi; ayaṃ duḥkhasamudayaḥ, ayaṃ duḥkhanirodhaḥ; iyaṃ duḥkhanirodhagāminī pratipat āryasatyam iti bhikṣavaḥ pūrvam ananuśruteṣu dharmeṣu yoniśo manasi kurvataś cakṣur udapādi jñānaṃ vidyā buddhir udapādi; tat khalu duḥkham āryasatyam abhijñayā parijñeyaṃ mayeti bhikṣavaḥ pūrvam ananuśruteṣu dharmeṣu yoniśo manasi kurvataś cakṣur udapādi, jñānaṃ vidyā buddhir udapādi; tat khalu duḥkhasamudayam āryasatyam abhijñayā prahātavyaṃ mayeti bhikṣavaḥ pūrvam (A 391b) ananuśruteṣu dharmeṣu yoniśo manasi kurvataś cakṣur udapādi, jñānaṃ vidyā buddhir udapādi; tat khalu duḥkhanirodham āryasatyam abhijñayā sākṣātkartavyaṃ mayeti bhikṣavaḥ pūrvam ananuśruteṣu dharmeṣu yoniśo manasi kurvataś cakṣur udapādi, jñānaṃ vidyā buddhir udapādi; tat khalu duḥkhanirodhagāminī pratipad āryasatyam abhijñayā bhāvayitavyaṃ mayeti bhikṣavaḥ pūrvam ananuśruteṣu dharmeṣu yoniśo manasi kurvataś cakṣur udapādi, jñānaṃ vidyā buddhir udapādi tat khalu duḥkham āryasatyam abhijñāyā parijñātaṃ mayeti bhikṣavaḥ pūrvam ananuśruteṣu dharmeṣu yoniśo manasi kurvataś cakṣur udapādi, jñānaṃ vidyā buddhir udapādi; tat khalu duḥkhasamudayam āryasatyam abhijñayā prahīṇaṃ mayeti bhikṣavaḥ pūrvam ananuśruteṣu dharmeṣu yoniśo manasi kurvataś cakṣur udapādi, jñānaṃ vidyā buddhir udapādi; tat khalu duḥkhanirodham āryasatyam abhijñayā sākṣātkṛtaṃ mayeti bhikṣavaḥ pūrvam ananuśruteṣu yoniśo manasi kurvataś cakṣur udapādi, jñānaṃ vidyā buddhir udapādi; tat khalu duḥkhanirodhagāminī pratipad āryasatyam abhijñayā bhāvitaṃ mayeti bhikṣavaḥ pūrvam ananuśruteṣu dharmeṣu yoniśo manasi kurvataś cakṣur udapādi, jñānaṃ vidyā buddhir udapādi; yāvac ca (SBV I 136) mama bhikṣava eṣu caturṣv āryasatyeṣv evaṃ triparivartaṃ dvādaśākāraṃ na cakṣur udapādi, na jñānaṃ \ vidyā na buddhir udapādi, na tāvad aham asmād bhikṣavaḥ sadevakāl lokāt, samārakāt, sabrahmakāt, saśramaṇabrāhmaṇikāyāḥ prajāyāḥ sadevamānuṣāyā mukto nisṛto visaṃyukto vipramukto viparyāsāpagatena cetasā bahulaṃ vyāhārṣam; na tāvad ahaṃ bhikṣavaḥ anuttarāṃ samyaksaṃbodhim abhisaṃbuddho 'smīty adhyajñāsiṣam; yataś ca mama bhikṣava eṣu caturṣv āryasatyeṣv evaṃ triparivartaṃ dvādaśākāraṃ cakṣur udapādi, jñānaṃ vidyā buddhir udapādi, tato 'ham asmāt sadevakāl lokāt samārakāt sabrahmakāt, saśramaṇabrāhmaṇikāyāḥ prajāyāḥ sadevamānuṣāyā mukto nisṛto visaṃyukto vipramukto viparyāsāpagatena cetasā bahulaṃ vyāhārṣam; bhikṣavaḥ anuttarāṃ samyaksaṃbodhim abhisaṃbuddho 'smīty adhyajñāsiṣaṃ - [Previous: 84.1](https://indike.org/pramana/in.bauddha.sanskrit.vinaya.mulasarvastivada.vinayavastu.sanghabheda.84.1) - [Next: 85.1](https://indike.org/pramana/in.bauddha.sanskrit.vinaya.mulasarvastivada.vinayavastu.sanghabheda.85.1) - [Up: 84](https://indike.org/pramana/in.bauddha.sanskrit.vinaya.mulasarvastivada.vinayavastu.sanghabheda.84) ## Linked texts (6) - [འདུལ་བ་གཞི](https://indike.org/pramana/in.bauddha.sanskrit.vinaya.mulasarvastivada.vinayavastu*bo.17.160) — Classical Tibetan - [འདུལ་བ་ཕྲན་ཚེགས་ཀྱི་གཞི](https://indike.org/pramana/in.bauddha.sanskrit.vinaya.mulasarvastivada.ksudrakavastu*bo.493) — Classical Tibetan - [ལས་བརྒྱ་ཐམ་པ་པ](https://indike.org/pramana/in.bauddha.sanskrit.avadana.karmasataka*bo.8.14) — Classical Tibetan - [ཆོས་མངོན་པའི་མཛོད་ཀྱི་འགྲེལ་བཤད་ཉེ་བར་མཁོ་བ་ཞེས་བྱ་བ](https://indike.org/pramana/in.bauddha.sanskrit.darsana.abhidharma.abhidharmakosa!bhasya!upayika*bo.627) — Classical Tibetan - [མངོན་པར་འབྱུང་བའི་མདོ](https://indike.org/pramana/in.bauddha.sanskrit.avadana.abhiniskramanasutra-d301*bo.118) — Classical Tibetan - [ཆོས་ཀྱི་འཁོར་ལོའི་མདོ](https://indike.org/pramana/in.bauddha.sanskrit.agama.samyukta.dharmacakrapravartanasutra*bo-d337.2) — Classical Tibetan --- Source: [https://indike.org/pramana/in.bauddha.sanskrit.vinaya.mulasarvastivada.vinayavastu.sanghabheda.84.2](https://indike.org/pramana/in.bauddha.sanskrit.vinaya.mulasarvastivada.vinayavastu.sanghabheda.84.2) · Pramāṇa