Vinayasutra 3
Vinayasūtra 3
- Language
- Sanskrit
Contents
3.1
varṣā upagacchet* /
3.2
/ traimāsīm* /
3.3
/ pratipadi /
3.4
/ āṣāḍhyānantarāyām* /
3.5
/ śrāvaṇāyā vā /
3.6
/ vihāraṃ kelāyeyuḥ daśāhārdhamāsena bhaviṣyat tāyāṃ /
3.7
/ saptāṣṭair ity aparam* /
3.8
/ pūrve hni śayanāsanasya pāta<<na>>m* /
3.9
/ [42a1] / / āpādakaṭhillakāta /
3.9.p1
// tadgrāhakasaṃmatiḥ // 1 //
3.10
/ apāraṇe nekasya /
3.11
/ so ktagandhaiś cāṅgerīpaṭalakagate śukle vāsasy upanikṣiptāḥ śalākā vṛddhānte niveśyā yañ cāyaṃ cāsminn āvāse kriyākāro yo yusmākam utsahate tena kriyākāreṇāsminn āvāse varṣāvastuṃ sa śalākāṃ grihṇātu na ca vaḥ kenacid antarvarṣe saṃghamadhye raṇam utpā[42a2]dayitavyo yo vaḥ kasyacit kiñcij jānāti sa idānīṃ* vadanta yo <<vo>> ntarvarṣe saṃghe raṇam utpādayiṣyati tasya saṃgha uttara upaparīkṣitavyaṃ matsyata iti bhikṣūn vedayeta /
3.12
/ grahaṇopaśamanaṃ prati saṃghaṃ jñapayed anyaḥ /
3.12.p1
// śalākāñ cāraṇaṃ // 2 //
3.13
/ śāstur agre grahaṇaṃ /
3.14
/ ardham uktenāsanenānyeḥ /
3.15
/ ācāryopādhyāyaiḥ śrāmaṇerāṇāṃ /
3.16
/ naivāsikānā[42a3]m asy etad ante śanaiḥ sthāpanama /
3.17
/ gaṇayitvā pravedanam iyadbhir bhikṣubhir asminn āvāse śalākā gṛhīteti /
3.17.p1
// vāsavastugrahaṇam* // 3 //
3.18
/ anta tasya tattāḍakakuñjikena purataḥ sthitvā rocanopakramaṃ
sthavirāmuko vihāraḥ salābhaḥ sacīvariko gṛhāṇeti yathāguṇam* /
3.18.p1
// pātratadgrahaṇādi // 4 //
3.19
/ jñātvoddeśam astūpasaṃghārthe gatasya gantryā bhāgitvaṃ [42a4] vṛkṣamūlaharitasārdhalasthaṇḍileṣv api yathāvṛddhikoddeśaḥ /
3.20
/ dvādibhyo <<'>>saṃbhāvane layanasyāntato niṣyadanaprāmāṇye<<nā>>sya bhūmeḥ /
3.21
/ pātrakarakoṣā[ṭ]ukadantakoṣṭhasthānasyāpekṣaṇaṃ /
3.22
/ dvārakoṣṭhakasopānakoṣṭhikāprāsādopasthānabhaktajentākaśālā noddiśeyuḥ /
3.23
/ na rātro śayanāsanam* /
3.24
/ nādhyuṣitaṃ glānenānyasmai layanama /
3.25
/ [42a5] naitat tv āprāptyabhāve na dadīran* /
3.26
/ nainam upasthāyakam vāsya karma kārayeran /
3.27
/ na kuṣṭhī sāṃghikaṃ śayanāsanaṃ paribhuñjīta /
3.28
/ pratyante sya vihāraṃ dadyuḥ /
3.29
/ na sasave py atra sāṃghike tiṣṭhed āprāsādapuṣkiriṇīdvārakoṣṭhakapariṣaṇḍacaṃkramasthānavṛkṣāt* /
3.30
/ na varcaḥprasrāvakuṭyoḥ praviśeta /
3.31
/ upāsthāya<<ka>>dānenainam anukampayeran* /
3.32
/ [42a6] pātracīvarasthāpanārtham āraṇyakebhyaḥ sarvadā layanam uddiśeyuḥ /
3.33
/ varṣopagamane syuḥ kecid āgantava iti vastu śayanāsanañ ca sthāpayeyuḥ /
3.34
/ prabhūtāgatāv upagateḥ punar uddeśaḥ /
3.35
/ nordham upanāyikātaḥ /
3.36
/ dvyāder asaṃbhāvanā bhūm[n]y ekasya /
3.37
/ naikāhasyārthe śayanāsanaṃ gṛhṇīt* /
3.38
/ na lābhalobhāt* [42b1] vihāram* /
3.39
/ sarvaṃ paribhuñjīta /
3.40
/ pūrvāhṇe kvacit pāṭhasvādhyāyāvasthānacaṃkramāṇāṃ kvacid madhyāhne paratrānyatra <<pātra>>cīvarasthāpanam āvāso paratra rātrāv ity asya yogaḥ /
3.41
/ khaṇḍaphullam upagato vāsavastunaḥ pratisaṃskurvīta /
3.42
/ varṣakasya varṣoṣitābhir bhikṣuṇībhir abhisaṃskaraṇaṃ /
3.43
/ kalikaraniveśāsaṃpatyartham* /
3.44
/ hemantikagraiṣmāv api śayanāsana[42b2]grāho kurvīran* /
3.45
/ kārsnena coddauśam* /
3.46
/ tadyathā sāmantakasyāpi vihāraparigaṇayoḥ /
3.47
/ prāsādasyāpi saitadaḥ /
3.48
/ nordhvam enāṃ prakrāntatvād eṣām anuvarttayeran* /
3.49
/ na prakṛtisthārthe ghaṭṭaṃ kurvīran* /
3.50
/ na bhāvinārthena /
3.51
/ ayam amutrartāv ahaurātre tadavayave vā bhaviṣyaty ayam amutrāyām ācāryasya bhaviṣyaty ayam upādhyāyasya sā[42b3]rdham vihāriṇo yam ayam antevāsina ālaptakāder ayam iti vihārān nuddiśeyuḥ /
3.52
/ na pratīcchet* /
3.53
/ latāvārikasyālayapratividhānārtham* sammatiḥ /
3.54
/ <<ni>>raṇḍānāṃ sātanam* /
3.55
/ kṣaudrāṇāṃ sūtrakeṇāvṛddhye veṣṭanaṃ /
3.55.p1
// śayanāsanādidānam // 5 //
3.56
/ satve nekasya vṛddhapīṭhānām apy uddeśatvaṃ /
3.57
/ saṃstarāṇāṃ ca /
3.58
/ na sāṃghikam ava[42b4]naddhaṃ nāśanadharmaṇe śucinā śrāmaṇerāya śayanāsanaṃ kaścid dadyāt* /
3.59
/ na bhikṣuṇyai /
3.60
/ dānam asyai vihārasyātra vāsasampattau paryante /
3.61
/ śayanāsanasya ca śiṣṭasyāpraṇītasya /
3.62
/ na vaṣ kenacit sāṃghikaṃ śayanāsanam vinā pratyāstaraṇena paribhoktavyaṃ na kalpapratyāstaraṇena na malapratyāstaraṇeneti vedayeta /
3.63
/ anvardhamāsa ca pratyavekṣet* /
3.64
/ [42b5] samayam utkramya paribhuktāvāchindyād ārocya niḥśraye niḥśritasyānyasya saṃghe /
3.65
/ amukena dānapatināmukena vaiyyapṛtyakareṇāmukena gocaragrāmakena svaḥ saṃgho varṣā upagamiṣyatīty ārocayet* /
3.66
/ anunmāditvaprativinoditvayoḥ kaukṛtyasyānyasya ca duḥkhadaurmanasyasya
sukhasaumanasyasya cotyāditvānurakṣitvayoḥ
glānopasthāyakatvasya ca [42b6] sabrahmacāriṣu bhūteḥ
pratyāśaṃsanenāvāsaṃ gocarañ ca piṇḍakabhaiṣajyadātror
avalokyopagamanam* /
3.67
/ channe bhikṣoḥ purastāt* /
3.68
/ nānekatra vihāre /
3.69
/ na yasminn abhikṣukatvam akapāṭakatvañ ca sahitam* /
3.70
/ satve dānapativaiyyāpṛtyakaragocaragramikopasthāyakānām utkīrtanam* /
3.71
/ na vahiḥsīmny aruṇodgamayed anadhiṣṭhitam* /
3.72
/ [43a1] saptāham adhiṣṭhitam* /
3.73
/ saptāham atitiṣṭhe rthe dharmye /
3.74
/ tadyathā nāma niryātanavihārapratiṣṭhāpanaśayanāsanadānadhruvabhikṣāprajñapanacaityapratiṣṭhāpayaṣṭidhvajāropaṇapūjākaraṇālacandanakuṃkumasek
dānapāṭhakokṛtyaprativinodanadṛṣṭigatapratinisargapakṣasaṃpattyavasāraṇaparivāsādicatuṣkadānāvarttanaglānapraśvasaneṣu bhikṣoḥ /
3.75
/ [43a2] bhikṣuṇyā gurudharmamānāpyadāne ca /
3.76
/ brahmacaryopasthānasamvṛteḥ śikṣamāṇāyāḥ /
3.77
/ upasaṃpādane ca /
3.78
/ atra śrāmaṇerasya /
3.79
/ śrāmaṇerikāyāḥ śikṣāsaṃvṛtidāne /
3.80
/ śiroveṣṭanarajoharaṇasīmantonnayanajaṭāpaharaṇakuṇḍalabandhaneṣu gṛhigṛhiṇyoḥ /
3.81
/ <<vi>>saṃghāvaśeṣagatam anupasaṃpannānāṃ pūrvaṃ /
3.82
/ unmajjanam a[43a3]vasāraṇe gṛhigṛhiṇyoḥ /
3.83
/ laṅghayed etad bhaktabhaiṣajyopasthāyakābhāve śaktau tair vinā yāpayitum* /
3.84
/ śrāmaṇyajīvitabrahmacaryāntarāyasaṃbhāvane /
3.85
/ anu<<nava>>lomikacittotpādanapāpikavāgniścāraṇayoḥ bhedāya parākramamāṇe saṃghasya /
3.86
/ naitac chāntyai sasambhāvano na gacchet* /
3.87
/ gato na laṅghayet* /
3.88
/ na prati<<śūtā>> varṣāvāse [43a4] nāvāsasya sambandhanam* /
3.89
/ na kurvīt* nāsty asyaikapoṣadhatāyām āvāsayor utthānam* /
3.90
/ asty ekalābhatāyāṃ /
3.90.p1
// vārṣikavastu // 6 //
3.91
/ pañcānām api nikāyānām upagantavyatvaṃ /
3.92
/ na śuddhānāṃ srāmaṇerāṇāṃ /
3.93
/ avārṣikānāñ ca /
3.94
/ naiṣām eva rūḍhir upagateḥ /
3.95
/ na grāhyatvaṃ śayanāsanasya /
3.96
/ [43a5] nāsatve grāhakasya /
3.97
/ nāsaṃmatena grāhaṇaṃ /
3.98
/ nānutpāditādau piṭakadharakālikṛtsa<<dasa>>tvayor asaṃśritatvaṃ /
3.99
/ uṣitatvam anupagatasya sthānāmokṣe /
3.100
/ nākāśe rūḍhir upagateḥ /
3.101
/ na nāvyutsṛjya prāptapṛthivīm upanibaddhām vā bhūmisthe sthire saṃjanato ntarāpayāyitvam* /
3.102
/ dhvansas tad dṛśam abhiniḥsṛtyādharmapakṣasaṃkrāntāv aruṇodgatau [43a6] na saṃdigdhatāyām* /
3.103
/ nāntye dhiṣṭhānasya ṣaḍahe rūḍhiḥ /
3.104
/ dhvanso vagataniṣkārya <<ta>>syāpratinirvṛtyavasthānayoḥ /
3.105
/ paryantaṃ param atra saptāhatvaṃ /
3.106
/ alabdhaṃ saṃvṛter eṣa paryantaḥ /
3.107
/ anyasya catvāri ṣaḍrātraḥ /
3.108
/ dānam asyāḥ /
3.109
/ nāta ūrddhaṃ bahivastavyatā /
3.110
/ pañcānām api nikāyānām etat* /
3.111
/ antaḥsī[43b1]mny asya rūḍhiḥ /
3.112
/ bhikṣoḥ purastāt* /
3.113
/ anāśaṃkyam anākṣiptatvaṃ tīrthyasya dṛṣṭer vivecanārthaṃ jñāteḥ karaṇīyenāgamādhigamayor ātmanaḥ kāṃkṣāvinodanārthaṃ gamanāyaitatkṛteḥ /
3.114
/ anu<<t*>>kṣaipyatvam upagatatāsthasya /
3.115
/ nidarśanaṃ vāsaḥ /
3.115.p1
// nidānādigatam* // 7 //
// samāptañ ca vārṣikavastu // 3 //
3.115.p2
** pravāraṇāvidhiḥ /
Commentaries (4)
- Vinayasūtravṛtti Abhidhānasvavyākhyāna — Guṇaprabha, Classical Tibetan
- Vinayasūtraṭīkā — Classical Tibetan
- Vinayasūtravṛtti — Classical Tibetan
- Vinayasūtravyākhyāna — Classical Tibetan