Vibhanga 16.343
Vibhaṅga 16.343
- Language
- Pāli
16.343.1
Tattha katamo pañcañāṇiko sammāsamādhi?
16.343.2
“Ayaṃ samādhi paccuppannasukho ceva āyatiñca sukhavipāko”ti paccattaññeva ñāṇaṃ uppajjati.
16.343.3
“Ayaṃ samādhi ariyo nirāmiso”ti paccattaññeva ñāṇaṃ uppajjati.
16.343.4
“Ayaṃ samādhi akāpurisasevito”ti paccattaññeva ñāṇaṃ uppajjati.
16.343.5
“Ayaṃ samādhi santo paṇīto paṭippassaddhaladdho ekodibhāvādhigato na sasaṅkhāraniggayhavāritagato”ti paccattaññeva ñāṇaṃ uppajjati.
16.343.6
“So kho panāhaṃ imaṃ samādhiṃ sato samāpajjāmi sato vuṭṭhahāmī”ti paccattaññeva ñāṇaṃ uppajjati.
16.343.7
Ayaṃ pañcañāṇiko sammāsamādhi.
16.343.8
Evaṃ pañcavidhena ñāṇavatthu.
Linked texts (3)
- Dasuttarasutta — Pāli
- Samādhisutta — Pāli
- Nettippakaraṇa — Mahākaccāna, Pāli