Vibhanga 17.311
Vibhaṅga 17.311
- Language
- Pāli
17.311.1
Tattha katame nava taṇhāmūlakā dhammā?
17.311.2
Taṇhaṃ paṭicca pariyesanā, pariyesanaṃ paṭicca lābho, lābhaṃ paṭicca vinicchayo, vinicchayaṃ paṭicca chandarāgo, chandarāgaṃ paṭicca ajjhosānaṃ, ajjhosānaṃ paṭicca pariggaho, pariggahaṃ paṭicca macchariyaṃ, macchariyaṃ paṭicca ārakkho, ārakkhādhikaraṇaṃ daṇḍādānasatthādānakalahaviggahavivādatuvaṃtuvaṃpesuññamusāvādā aneke pāpakā akusalā dhammā sambhavanti—
17.311.3
ime nava taṇhāmūlakā dhammā.
Linked texts (2)
- Chaṭṭha Saṅgāyana edition — Pāli
- Dasuttarasutta — Pāli