[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [The Pāli Canon](https://indike.org/pramana/in.bauddha.theravada) › [Basket of Discourses](https://indike.org/pramana/in.bauddha.theravada.sp) › [Dīghanikāya](https://indike.org/pramana/in.bauddha.theravada.sp.digha) › [Mahapadanasutta](https://indike.org/pramana/in.bauddha.theravada.sp.digha.14) › 1.14 # Mahapadanasutta 1.14 Mahāpadānasutta 1.14 - **Language:** Pāli ### [1.14.1](https://indike.org/pramana/in.bauddha.theravada.sp.digha.14.1.14.1) Atha kho bhagavā sāyanhasamayaṃ paṭisallānā vuṭṭhito yena karerimaṇḍalamāḷo tenupasaṅkami; upasaṅkamitvā paññatte āsane nisīdi. > Then in the late afternoon, the Buddha came out of retreat and went to the pavilion by the kareri tree, where he sat down on the seat spread out > — The Great Discourse on Traces Left Behind ### [1.14.2](https://indike.org/pramana/in.bauddha.theravada.sp.digha.14.1.14.2) Nisajja kho bhagavā bhikkhū āmantesi: > and addressed the mendicants: > — The Great Discourse on Traces Left Behind ### [1.14.3](https://indike.org/pramana/in.bauddha.theravada.sp.digha.14.1.14.3) “kāya nuttha, bhikkhave, etarahi kathāya sannisinnā; kā ca pana vo antarākathā vippakatā”ti? > “Mendicants, what were you sitting talking about just now? What conversation was left unfinished?” > — The Great Discourse on Traces Left Behind ### [1.14.4](https://indike.org/pramana/in.bauddha.theravada.sp.digha.14.1.14.4) Evaṃ vutte, te bhikkhū bhagavantaṃ etadavocuṃ: > The mendicants told him what had happened, adding, > — The Great Discourse on Traces Left Behind ### [1.14.5](https://indike.org/pramana/in.bauddha.theravada.sp.digha.14.1.14.5) “idha, bhante, amhākaṃ acirapakkantassa bhagavato ayaṃ antarākathā udapādi: ### [1.14.6](https://indike.org/pramana/in.bauddha.theravada.sp.digha.14.1.14.6) ‘acchariyaṃ, āvuso, abbhutaṃ, āvuso, tathāgatassa mahiddhikatā mahānubhāvatā. ### [1.14.7](https://indike.org/pramana/in.bauddha.theravada.sp.digha.14.1.14.7) Yatra hi nāma tathāgato atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte jātitopi anussarissati, nāmatopi anussarissati, gottatopi anussarissati, āyuppamāṇatopi anussarissati, sāvakayugatopi anussarissati, sāvakasannipātatopi anussarissati: ### [1.14.8](https://indike.org/pramana/in.bauddha.theravada.sp.digha.14.1.14.8) “evaṃjaccā te bhagavanto ahesuṃ itipi, evaṃnāmā evaṅgottā evaṃsīlā evaṃdhammā evaṃpaññā evaṃvihārī evaṃvimuttā te bhagavanto ahesuṃ itipī”ti. ### [1.14.9](https://indike.org/pramana/in.bauddha.theravada.sp.digha.14.1.14.9) Kiṃ nu kho, āvuso, tathāgatasseva nu kho esā dhammadhātu suppaṭividdhā, yassā dhammadhātuyā suppaṭividdhattā tathāgato atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte jātitopi anussarati, nāmatopi anussarati, gottatopi anussarati, āyuppamāṇatopi anussarati, sāvakayugatopi anussarati, sāvakasannipātatopi anussarati: ### [1.14.10](https://indike.org/pramana/in.bauddha.theravada.sp.digha.14.1.14.10) “evaṃjaccā te bhagavanto ahesuṃ itipi, evaṃnāmā evaṅgottā evaṃsīlā evaṃdhammā evaṃpaññā evaṃvihārī evaṃvimuttā te bhagavanto ahesuṃ itipī”ti. ### [1.14.11](https://indike.org/pramana/in.bauddha.theravada.sp.digha.14.1.14.11) Udāhu devatā tathāgatassa etamatthaṃ ārocesuṃ, yena tathāgato atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte jātitopi anussarati, nāmatopi anussarati, gottatopi anussarati, āyuppamāṇatopi anussarati, sāvakayugatopi anussarati, sāvakasannipātatopi anussarati: ### [1.14.12](https://indike.org/pramana/in.bauddha.theravada.sp.digha.14.1.14.12) “evaṃjaccā te bhagavanto ahesuṃ itipi, evaṃnāmā evaṅgottā evaṃsīlā evaṃdhammā evaṃpaññā evaṃvihārī evaṃvimuttā te bhagavanto ahesuṃ itipī”’ti? ### [1.14.13](https://indike.org/pramana/in.bauddha.theravada.sp.digha.14.1.14.13) Ayaṃ kho no, bhante, antarākathā vippakatā, atha bhagavā anuppatto”ti. > “This was our conversation that was unfinished when the Buddha arrived.” > — The Great Discourse on Traces Left Behind ## Translations (4) - [Dugi govor o velikom podvigu](https://indike.org/pramana/in.bauddha.theravada.sp.digha.14~sr-brankokovacevic.1.14.1) — sr - [Die große Lehrrede über hinterlassene Spuren](https://indike.org/pramana/in.bauddha.theravada.sp.digha.14~de-sabbamitta.1.14.1) — German - [The Great Discourse on Traces Left Behind](https://indike.org/pramana/in.bauddha.theravada.sp.digha.14~en-sujato.1.14.1) — English - [Mahapadana Sutta (Dialogues of the Buddha)](https://indike.org/pramana/in.bauddha.theravada.sp.digha.14~en-rhysdavids.1.14) — English ## Commentaries (1) - [Sumaṅgalavilāsinī](https://indike.org/pramana/in.bauddha.theravada.sp.digha!sumangalavilasini.14.14) — Buddhaghosa, Pāli ## Linked texts (4) - [增壹阿含經](https://indike.org/pramana/in.bauddha.sanskrit.agama.ekottaragama*zh-sanghadeva.48.4.34) — Classical Chinese - [長阿含經](https://indike.org/pramana/in.bauddha.sanskrit.agama.dirghagama*zh-buddhayasas.1.44) — Classical Chinese - [七佛經](https://indike.org/pramana/in.bauddha.sanskrit.agama.mahavadanasutra*zh-dharmadeva.1.33) — Classical Chinese - [七佛父母姓字經](https://indike.org/pramana/in.bauddha.sanskrit.agama.mahavadanasutra*zh-t4.1.15) — Classical Chinese --- Source: [https://indike.org/pramana/in.bauddha.theravada.sp.digha.14.1.14](https://indike.org/pramana/in.bauddha.theravada.sp.digha.14.1.14) · Pramāṇa