<!-- Pramāṇa, a library of Indian primary sources · https://indike.org/pramana/in.bauddha.theravada.sp.digha.14.3.4 -->

[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [The Pāli Canon](https://indike.org/pramana/in.bauddha.theravada) › [Basket of Discourses](https://indike.org/pramana/in.bauddha.theravada.sp) › [Dīghanikāya](https://indike.org/pramana/in.bauddha.theravada.sp.digha) › [Mahapadanasutta](https://indike.org/pramana/in.bauddha.theravada.sp.digha.14) › 3.4

# Mahapadanasutta 3.4

Mahāpadānasutta 3.4

- **Language:** Pāli

### [3.4.1](https://indike.org/pramana/in.bauddha.theravada.sp.digha.14.3.4.1)

Evaṃ vutte, bhikkhave, vipassī bhagavā arahaṃ sammāsambuddho taṃ mahābrahmānaṃ etadavoca:

> When he said this, the Buddha Vipassī said to him,  
> — The Great Discourse on Traces Left Behind

### [3.4.2](https://indike.org/pramana/in.bauddha.theravada.sp.digha.14.3.4.2)

‘mayhampi kho, brahme, etadahosi:

> ‘I too thought this, Divinity,  
> — The Great Discourse on Traces Left Behind

### [3.4.3](https://indike.org/pramana/in.bauddha.theravada.sp.digha.14.3.4.3)

“yannūnāhaṃ dhammaṃ deseyyan”ti.

> “Why don’t I teach the Dhamma?”  
> — The Great Discourse on Traces Left Behind

### [3.4.4](https://indike.org/pramana/in.bauddha.theravada.sp.digha.14.3.4.4)

Tassa mayhaṃ, brahme, etadahosi:

> Then it occurred to me,  
> — The Great Discourse on Traces Left Behind

### [3.4.5](https://indike.org/pramana/in.bauddha.theravada.sp.digha.14.3.4.5)

“adhigato kho myāyaṃ dhammo gambhīro duddaso duranubodho santo paṇīto atakkāvacaro nipuṇo paṇḍitavedanīyo.

### [3.4.6](https://indike.org/pramana/in.bauddha.theravada.sp.digha.14.3.4.6)

Ālayarāmā kho panāyaṃ pajā ālayaratā ālayasammuditā.

### [3.4.7](https://indike.org/pramana/in.bauddha.theravada.sp.digha.14.3.4.7)

Ālayarāmāya kho pana pajāya ālayaratāya ālayasammuditāya duddasaṃ idaṃ ṭhānaṃ yadidaṃ idappaccayatāpaṭiccasamuppādo.

### [3.4.8](https://indike.org/pramana/in.bauddha.theravada.sp.digha.14.3.4.8)

Idampi kho ṭhānaṃ duddasaṃ yadidaṃ sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānaṃ.

### [3.4.9](https://indike.org/pramana/in.bauddha.theravada.sp.digha.14.3.4.9)

Ahañceva kho pana dhammaṃ deseyyaṃ, pare ca me na ājāneyyuṃ; so mamassa kilamatho, sā mamassa vihesā”ti.

> “If I were to teach this principle, others might not understand me, which would be wearying and troublesome for me.”  
> — The Great Discourse on Traces Left Behind

### [3.4.10](https://indike.org/pramana/in.bauddha.theravada.sp.digha.14.3.4.10)

Apissu maṃ, brahme, imā anacchariyā gāthāyo paṭibhaṃsu pubbe assutapubbā:

### [3.4.11](https://indike.org/pramana/in.bauddha.theravada.sp.digha.14.3.4.11)

“Kicchena me adhigataṃ,

### [3.4.12](https://indike.org/pramana/in.bauddha.theravada.sp.digha.14.3.4.12)

halaṃ dāni pakāsituṃ;

### [3.4.13](https://indike.org/pramana/in.bauddha.theravada.sp.digha.14.3.4.13)

Rāgadosaparetehi,

### [3.4.14](https://indike.org/pramana/in.bauddha.theravada.sp.digha.14.3.4.14)

nāyaṃ dhammo susambudho.

### [3.4.15](https://indike.org/pramana/in.bauddha.theravada.sp.digha.14.3.4.15)

Paṭisotagāmiṃ nipuṇaṃ,

### [3.4.16](https://indike.org/pramana/in.bauddha.theravada.sp.digha.14.3.4.16)

gambhīraṃ duddasaṃ aṇuṃ;

### [3.4.17](https://indike.org/pramana/in.bauddha.theravada.sp.digha.14.3.4.17)

Rāgarattā na dakkhanti,

### [3.4.18](https://indike.org/pramana/in.bauddha.theravada.sp.digha.14.3.4.18)

tamokhandhena āvuṭā”ti.

### [3.4.19](https://indike.org/pramana/in.bauddha.theravada.sp.digha.14.3.4.19)

Itiha me, brahme, paṭisañcikkhato appossukkatāya cittaṃ nami, no dhammadesanāyā’ti.

> So, as I reflected like this, my mind inclined to remaining passive, not to teaching the Dhamma.’  
> — The Great Discourse on Traces Left Behind

## Translations (3)

- [Dugi govor o velikom podvigu](https://indike.org/pramana/in.bauddha.theravada.sp.digha.14~sr-brankokovacevic.3.4.1) — sr
- [Die große Lehrrede über hinterlassene Spuren](https://indike.org/pramana/in.bauddha.theravada.sp.digha.14~de-sabbamitta.3.4.1) — German
- [The Great Discourse on Traces Left Behind](https://indike.org/pramana/in.bauddha.theravada.sp.digha.14~en-sujato.3.4.1) — English

## Linked texts (2)

- [長阿含經](https://indike.org/pramana/in.bauddha.sanskrit.agama.dirghagama*zh-buddhayasas.1.111) — Classical Chinese
- [Mahāvagga](https://indike.org/pramana/in.bauddha.theravada.vp.khandhaka.mahavagga.1.5.8.5) — Pāli

---
Source: [https://indike.org/pramana/in.bauddha.theravada.sp.digha.14.3.4](https://indike.org/pramana/in.bauddha.theravada.sp.digha.14.3.4) · Pramāṇa