Mahaparinibbanasutta 5.24

5.24.1

Atha kho subhaddo paribbājako yena upavattanaṃ mallānaṃ sālavanaṃ, yenāyasmā ānando tenupasaṅkami; upasaṅkamitvā āyasmantaṃ ānandaṃ etadavoca:

Then Subhadda went to the Mallian sal grove at Upavattana, approached Ānanda, and said to him,

5.24.2

“sutaṃ metaṃ, bho ānanda, paribbājakānaṃ vuḍḍhānaṃ mahallakānaṃ ācariyapācariyānaṃ bhāsamānānaṃ:

“Worthy Ānanda, I have heard that brahmins of the past who were elderly and senior, the tutors of tutors, said:

5.24.3

‘kadāci karahaci tathāgatā loke uppajjanti arahanto sammāsambuddhā’ti.

‘Only rarely do Realized Ones arise in the world, perfected ones, fully awakened Buddhas.’

5.24.4

Ajjeva rattiyā pacchime yāme samaṇassa gotamassa parinibbānaṃ bhavissati.

And this very day, in the last watch of the night, will be the full extinguishment of the ascetic Gotama.

5.24.5

Atthi ca me ayaṃ kaṅkhādhammo uppanno—

This state of uncertainty has come up in me.

5.24.6

evaṃ pasanno ahaṃ samaṇe gotame ‘pahoti me samaṇo gotamo tathā dhammaṃ desetuṃ, yathāhaṃ imaṃ kaṅkhādhammaṃ pajaheyyan’ti.

I am quite confident that the Buddha is capable of teaching me so that I can give up this state of uncertainty.

5.24.7

Sādhāhaṃ, bho ānanda, labheyyaṃ samaṇaṃ gotamaṃ dassanāyā”ti.

Worthy Ānanda, please let me see the ascetic Gotama.”

5.24.8

Evaṃ vutte, āyasmā ānando subhaddaṃ paribbājakaṃ etadavoca:

When he had spoken, Ānanda said,

5.24.9

“alaṃ, āvuso subhadda, mā tathāgataṃ viheṭhesi, kilanto bhagavā”ti.

“Enough, Reverend Subhadda, do not trouble the Realized One. He is tired.”

5.24.10

Dutiyampi kho subhaddo paribbājako …pe…

For a second time …

5.24.11

tatiyampi kho subhaddo paribbājako āyasmantaṃ ānandaṃ etadavoca:

For a third time, Subhadda asked Ānanda, and a third time Ānanda refused.

5.24.12

“sutaṃ metaṃ, bho ānanda, paribbājakānaṃ vuḍḍhānaṃ mahallakānaṃ ācariyapācariyānaṃ bhāsamānānaṃ:

5.24.13

‘kadāci karahaci tathāgatā loke uppajjanti arahanto sammāsambuddhā’ti.

5.24.14

Ajjeva rattiyā pacchime yāme samaṇassa gotamassa parinibbānaṃ bhavissati.

5.24.15

Atthi ca me ayaṃ kaṅkhādhammo uppanno—

5.24.16

evaṃ pasanno ahaṃ samaṇe gotame, ‘pahoti me samaṇo gotamo tathā dhammaṃ desetuṃ, yathāhaṃ imaṃ kaṅkhādhammaṃ pajaheyyan’ti.

5.24.17

Sādhāhaṃ, bho ānanda, labheyyaṃ samaṇaṃ gotamaṃ dassanāyā”ti.

5.24.18

Tatiyampi kho āyasmā ānando subhaddaṃ paribbājakaṃ etadavoca:

5.24.19

“alaṃ, āvuso subhadda, mā tathāgataṃ viheṭhesi, kilanto bhagavā”ti.