Mahāparinibbānasutta 6.15
Mahāparinibbānasutta 6.15
- Language
- Pāli
6.15.1
“Kathaṃ pana, bhante, devatānaṃ adhippāyo”ti?
“But sir, what is the deities’ plan?”
6.15.2
“Tumhākaṃ kho, vāseṭṭhā, adhippāyo:
“You plan to
6.15.3
‘mayaṃ bhagavato sarīraṃ naccehi gītehi vāditehi mālehi gandhehi sakkarontā garuṃ karontā mānentā pūjentā dakkhiṇena dakkhiṇaṃ nagarassa haritvā bāhirena bāhiraṃ dakkhiṇato nagarassa bhagavato sarīraṃ jhāpessāmā’ti;
carry the Buddha’s corpse to the south of the town while venerating it with dance and song and music and garlands and fragrances, and cremate it there outside the town.
6.15.4
devatānaṃ kho, vāseṭṭhā, adhippāyo:
The deities plan to
6.15.5
‘mayaṃ bhagavato sarīraṃ dibbehi naccehi gītehi vāditehi mālehi gandhehi sakkarontā garuṃ karontā mānentā pūjentā uttarena uttaraṃ nagarassa haritvā uttarena dvārena nagaraṃ pavesetvā majjhena majjhaṃ nagarassa haritvā puratthimena dvārena nikkhamitvā puratthimato nagarassa makuṭabandhanaṃ nāma mallānaṃ cetiyaṃ ettha bhagavato sarīraṃ jhāpessāmā’”ti.
carry the Buddha’s corpse to the north of the town while venerating it with heavenly dance and song and music and garlands and fragrances. Then they plan to enter the town by the northern gate, carry it through the center of the town, leave by the eastern gate, and cremate it there at the Mallian shrine named Coronation.”
6.15.6
“Yathā, bhante, devatānaṃ adhippāyo, tathā hotū”ti.
“Sir, let it be as the deities plan.”