<!-- Pramāṇa, a library of Indian primary sources · https://indike.org/pramana/in.bauddha.theravada.sp.digha.17.1.25 -->

[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [The Pāli Canon](https://indike.org/pramana/in.bauddha.theravada) › [Basket of Discourses](https://indike.org/pramana/in.bauddha.theravada.sp) › [Dīghanikāya](https://indike.org/pramana/in.bauddha.theravada.sp.digha) › [King Mahāsudassana](https://indike.org/pramana/in.bauddha.theravada.sp.digha.17) › 1.25

# King Mahāsudassana 1.25

Mahāsudassanasutta 1.25

- **Language:** Pāli

### [1.25.1](https://indike.org/pramana/in.bauddha.theravada.sp.digha.17.1.25.1)

Atha kho, ānanda, sakko devānamindo rañño mahāsudassanassa cetasā cetoparivitakkamaññāya vissakammaṃ devaputtaṃ āmantesi:

> And then Sakka, lord of gods, knowing the king’s train of thought, addressed the godling Vissakamma,  
> — King Mahāsudassana

### [1.25.2](https://indike.org/pramana/in.bauddha.theravada.sp.digha.17.1.25.2)

‘ehi tvaṃ, samma vissakamma, rañño mahāsudassanassa nivesanaṃ māpehi dhammaṃ nāma pāsādan’ti.

> ‘Come, dear Vissakamma, build a palace named Principle as a home for King Mahāsudassana.’  
> — King Mahāsudassana

### [1.25.3](https://indike.org/pramana/in.bauddha.theravada.sp.digha.17.1.25.3)

‘Evaṃ, bhaddantavā’ti kho, ānanda, vissakammo devaputto sakkassa devānamindassa paṭissutvā seyyathāpi nāma balavā puriso samiñjitaṃ vā bāhaṃ pasāreyya pasāritaṃ vā bāhaṃ samiñjeyya; evameva—devesu tāvatiṃsesu antarahito rañño mahāsudassanassa purato pāturahosi.

> ‘Yes, lord,’ replied Vissakamma. Then, as easily as a strong person would extend or contract their arm, he vanished from the gods of the thirty-three and appeared in front of King Mahāsudassana.  
> — King Mahāsudassana

### [1.25.4](https://indike.org/pramana/in.bauddha.theravada.sp.digha.17.1.25.4)

Atha kho, ānanda, vissakammo devaputto rājānaṃ mahāsudassanaṃ etadavoca:

> Vissakamma said to the king,  
> — King Mahāsudassana

### [1.25.5](https://indike.org/pramana/in.bauddha.theravada.sp.digha.17.1.25.5)

‘nivesanaṃ te, deva, māpessāmi dhammaṃ nāma pāsādan’ti.

> ‘I shall build a palace named Principle as a home for you, Your Majesty.’  
> — King Mahāsudassana

### [1.25.6](https://indike.org/pramana/in.bauddha.theravada.sp.digha.17.1.25.6)

Adhivāsesi kho, ānanda, rājā mahāsudassano tuṇhībhāvena.

> King Mahāsudassana consented with silence.  
> — King Mahāsudassana

### [1.25.7](https://indike.org/pramana/in.bauddha.theravada.sp.digha.17.1.25.7)

Māpesi kho, ānanda, vissakammo devaputto rañño mahāsudassanassa nivesanaṃ dhammaṃ nāma pāsādaṃ.

> And so that’s what Vissakamma did.  
> — King Mahāsudassana

### [1.25.8](https://indike.org/pramana/in.bauddha.theravada.sp.digha.17.1.25.8)

Dhammo, ānanda, pāsādo puratthimena pacchimena ca yojanaṃ āyāmena ahosi. Uttarena dakkhiṇena ca aḍḍhayojanaṃ vitthārena.

> The Palace of Principle stretched for a league from east to west, and half a league from north to south.  
> — King Mahāsudassana

### [1.25.9](https://indike.org/pramana/in.bauddha.theravada.sp.digha.17.1.25.9)

Dhammassa, ānanda, pāsādassa tiporisaṃ uccatarena vatthu citaṃ ahosi catunnaṃ vaṇṇānaṃ iṭṭhakāhi—

> It was lined with tiles of four colors, three fathoms high,  
> — King Mahāsudassana

### [1.25.10](https://indike.org/pramana/in.bauddha.theravada.sp.digha.17.1.25.10)

ekā iṭṭhakā sovaṇṇamayā, ekā rūpiyamayā, ekā veḷuriyamayā, ekā phalikamayā.

> made of gold, silver, beryl, and crystal.  
> — King Mahāsudassana

## Translations (4)

- [Kralj Mahasudassana](https://indike.org/pramana/in.bauddha.theravada.sp.digha.17~sr-brankokovacevic.1.25.1) — sr
- [Der König Mahāsudassana](https://indike.org/pramana/in.bauddha.theravada.sp.digha.17~de-sabbamitta.1.25.1) — German
- [King Mahāsudassana](https://indike.org/pramana/in.bauddha.theravada.sp.digha.17~en-sujato.1.25.1) — English
- [Legend of the Great King of Glory (Mahâ-sudassana-sutta)](https://indike.org/pramana/in.bauddha.theravada.sp.digha.17~en-rhysdavids1881.1.67) — English

## Commentaries (1)

- [Sumaṅgalavilāsinī](https://indike.org/pramana/in.bauddha.theravada.sp.digha!sumangalavilasini.17.256) — Buddhaghosa, Pāli

## Linked texts (1)

- [中阿含經](https://indike.org/pramana/in.bauddha.sanskrit.agama.madhyamagama*zh-sanghadeva.68.13) — Classical Chinese

---
Source: [https://indike.org/pramana/in.bauddha.theravada.sp.digha.17.1.25](https://indike.org/pramana/in.bauddha.theravada.sp.digha.17.1.25) · Pramāṇa