Mahagovindasutta 34.1-14
Mahāgovindasutta 34.1-14
- Language
- Pāli
34.1
Atha kho, bho, ahorattānaṃ accayena rājā disampati kālamakāsi.
In due course King Disampati passed away.
34.2
Disampatimhi raññe kālaṅkate rājakattāro reṇuṃ rājaputtaṃ rajje abhisiñciṃsu.
At his passing, the king-makers anointed Prince Reṇu as king.
34.3
Abhisitto reṇu rajjena pañcahi kāmaguṇehi samappito samaṅgībhūto paricāreti.
But after being anointed, King Reṇu amused himself, supplied and provided with the five kinds of sensual stimulation.
34.4
Atha kho, bho, mahāgovindo brāhmaṇo yena te cha khattiyā tenupasaṅkami; upasaṅkamitvā te cha khattiye etadavoca:
Then the Great Steward went to the six aristocrats and said,
34.5
“disampati kho, bho, rājā kālaṅkato.
“King Disampati has passed away.
34.6
Abhisitto reṇu rajjena pañcahi kāmaguṇehi samappito samaṅgībhūto paricāreti.
But after being anointed, King Reṇu amused himself, supplied and provided with the five kinds of sensual stimulation.
34.7
Ko nu kho pana, bho, jānāti, madanīyā kāmā?
Who knows the intoxicating power of sensual pleasures?
34.8
Āyantu, bhonto, yena reṇu rājā tenupasaṅkamatha; upasaṅkamitvā reṇuṃ rājānaṃ evaṃ vadetha:
Come, sirs, go to King Reṇu and say,
34.9
‘disampati kho, bho, rājā kālaṅkato, abhisitto bhavaṃ reṇu rajjena, sarati bhavaṃ taṃ vacanan’”ti?
‘Worthy sir, King Disampati has passed away, and you have been anointed as king. Do you remember what you said?’”
34.10
“Evaṃ, bho”ti kho, bho, te cha khattiyā mahāgovindassa brāhmaṇassa paṭissutvā yena reṇu rājā tenupasaṅkamiṃsu; upasaṅkamitvā reṇuṃ rājānaṃ etadavocuṃ:
“Yes, worthy sir,” replied the six aristocrats. They went to King Reṇu and said,
34.11
“disampati kho, bho, rājā kālaṅkato, abhisitto bhavaṃ reṇu rajjena, sarati bhavaṃ taṃ vacanan”ti?
“Worthy sir, King Disampati has passed away, and you have been anointed as king. Do you remember what you said?”
34.12
“Sarāmahaṃ, bho, taṃ vacanaṃ.
“I remember, sirs.
34.13
Ko nu kho, bho, pahoti imaṃ mahāpathaviṃ uttarena āyataṃ dakkhiṇena sakaṭamukhaṃ sattadhā samaṃ suvibhattaṃ vibhajitun”ti?
Who is able to neatly divide into seven equal parts this great land, so broad in the north and narrow as the front of a cart in the south?”
34.14
“Ko nu kho, bho, añño pahoti, aññatra mahāgovindena brāhmaṇenā”ti?
“Who else, sir, if not the Great Steward?”
Translations (3)
- Mahāgovinda — sr
- Der Große Verwalter — German
- The Great Steward — English
Commentaries (1)
- Sumaṅgalavilāsinī — Buddhaghosa, Pāli