[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [The Pāli Canon](https://indike.org/pramana/in.bauddha.theravada) › [Basket of Discourses](https://indike.org/pramana/in.bauddha.theravada.sp) › [Dīghanikāya](https://indike.org/pramana/in.bauddha.theravada.sp.digha) › [Pathikasutta](https://indike.org/pramana/in.bauddha.theravada.sp.digha.24) › 1.16 # Pathikasutta 1.16 Pāthikasutta 1.16 - **Language:** Pāli ### [1.16.1](https://indike.org/pramana/in.bauddha.theravada.sp.digha.24.1.16.1) Atha kho, bhaggava, sunakkhatto licchaviputto yenāhaṃ tenupasaṅkami; upasaṅkamitvā maṃ abhivādetvā ekamantaṃ nisīdi. Ekamantaṃ nisinno kho, bhaggava, sunakkhatto licchaviputto maṃ etadavoca: > Then Sunakkhatta came to me, bowed, sat down to one side, and told me of all this. > — About Pāṭikaputta ### [1.16.2](https://indike.org/pramana/in.bauddha.theravada.sp.digha.24.1.16.2) ‘acelo, bhante, pāthikaputto vesāliyaṃ paṭivasati lābhaggappatto ceva yasaggappatto ca vajjigāme. ### [1.16.3](https://indike.org/pramana/in.bauddha.theravada.sp.digha.24.1.16.3) So vesāliyaṃ parisati evaṃ vācaṃ bhāsati: ### [1.16.4](https://indike.org/pramana/in.bauddha.theravada.sp.digha.24.1.16.4) “samaṇopi gotamo ñāṇavādo, ahampi ñāṇavādo. ### [1.16.5](https://indike.org/pramana/in.bauddha.theravada.sp.digha.24.1.16.5) Ñāṇavādo kho pana ñāṇavādena arahati uttari manussadhammā iddhipāṭihāriyaṃ dassetuṃ. ### [1.16.6](https://indike.org/pramana/in.bauddha.theravada.sp.digha.24.1.16.6) Samaṇo gotamo upaḍḍhapathaṃ āgaccheyya, ahampi upaḍḍhapathaṃ gaccheyyaṃ. ### [1.16.7](https://indike.org/pramana/in.bauddha.theravada.sp.digha.24.1.16.7) Te tattha ubhopi uttari manussadhammā iddhipāṭihāriyaṃ kareyyāma. ### [1.16.8](https://indike.org/pramana/in.bauddha.theravada.sp.digha.24.1.16.8) Ekañce samaṇo gotamo uttari manussadhammā iddhipāṭihāriyaṃ karissati, dvāhaṃ karissāmi. ### [1.16.9](https://indike.org/pramana/in.bauddha.theravada.sp.digha.24.1.16.9) Dve ce samaṇo gotamo uttari manussadhammā iddhipāṭihāriyāni karissati, cattārāhaṃ karissāmi. ### [1.16.10](https://indike.org/pramana/in.bauddha.theravada.sp.digha.24.1.16.10) Cattāri ce samaṇo gotamo uttari manussadhammā iddhipāṭihāriyāni karissati, aṭṭhāhaṃ karissāmi. ### [1.16.11](https://indike.org/pramana/in.bauddha.theravada.sp.digha.24.1.16.11) Iti yāvatakaṃ yāvatakaṃ samaṇo gotamo uttari manussadhammā iddhipāṭihāriyaṃ karissati, taddiguṇaṃ taddiguṇāhaṃ karissāmī”’ti. ### [1.16.12](https://indike.org/pramana/in.bauddha.theravada.sp.digha.24.1.16.12) Evaṃ vutte, ahaṃ, bhaggava, sunakkhattaṃ licchaviputtaṃ etadavocaṃ: > I said to him, > — About Pāṭikaputta ### [1.16.13](https://indike.org/pramana/in.bauddha.theravada.sp.digha.24.1.16.13) ‘abhabbo kho, sunakkhatta, acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ. > ‘Sunakkhatta, the naked ascetic Pāṭikaputta is not capable of meeting me face to face, unless he gives up that statement and that intention, and lets go of that view. > — About Pāṭikaputta ### [1.16.14](https://indike.org/pramana/in.bauddha.theravada.sp.digha.24.1.16.14) Sacepissa evamassa— > If he thinks he can > — About Pāṭikaputta ### [1.16.15](https://indike.org/pramana/in.bauddha.theravada.sp.digha.24.1.16.15) ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyā’ti. > meet me face to face without giving up those things, his head may explode.’ > — About Pāṭikaputta ## Translations (3) - [O Pāṭhikaputti](https://indike.org/pramana/in.bauddha.theravada.sp.digha.24~sr-brankokovacevic.1.16.1) — sr - [About Pāṭikaputta](https://indike.org/pramana/in.bauddha.theravada.sp.digha.24~en-sujato.1.16.1) — English - [Über Pāṭikaputta](https://indike.org/pramana/in.bauddha.theravada.sp.digha.24~de-sabbamitta.1.16.1) — German ## Commentaries (1) - [Sumaṅgalavilāsinī](https://indike.org/pramana/in.bauddha.theravada.sp.digha!sumangalavilasini.24.16) — Buddhaghosa, Pāli ## Linked texts (1) - [長阿含經](https://indike.org/pramana/in.bauddha.sanskrit.agama.dirghagama*zh-buddhayasas.15.21) — Classical Chinese --- Source: [https://indike.org/pramana/in.bauddha.theravada.sp.digha.24.1.16](https://indike.org/pramana/in.bauddha.theravada.sp.digha.24.1.16) · Pramāṇa