<!-- Pramāṇa, a library of Indian primary sources · https://indike.org/pramana/in.bauddha.theravada.sp.digha.24.1.18 -->

[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [The Pāli Canon](https://indike.org/pramana/in.bauddha.theravada) › [Basket of Discourses](https://indike.org/pramana/in.bauddha.theravada.sp) › [Dīghanikāya](https://indike.org/pramana/in.bauddha.theravada.sp.digha) › [Pathikasutta](https://indike.org/pramana/in.bauddha.theravada.sp.digha.24) › 1.18

# Pathikasutta 1.18

Pāthikasutta 1.18

- **Language:** Pāli

### [1.18.1](https://indike.org/pramana/in.bauddha.theravada.sp.digha.24.1.18.1)

‘Api nu, sunakkhatta, tathāgato taṃ vācaṃ bhāseyya yā sā vācā dvayagāminī’ti?

> ‘Sunakkhatta, would the Realized One make an ambiguous statement?’  
> — About Pāṭikaputta

### [1.18.2](https://indike.org/pramana/in.bauddha.theravada.sp.digha.24.1.18.2)

‘Kiṃ pana, bhante, bhagavatā acelo pāthikaputto cetasā ceto paricca vidito—

> ‘But sir, did you make that statement after encompassing Pāṭikaputta’s mind with your mind?  
> — About Pāṭikaputta

### [1.18.3](https://indike.org/pramana/in.bauddha.theravada.sp.digha.24.1.18.3)

abhabbo acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ.

### [1.18.4](https://indike.org/pramana/in.bauddha.theravada.sp.digha.24.1.18.4)

Sacepissa evamassa—

### [1.18.5](https://indike.org/pramana/in.bauddha.theravada.sp.digha.24.1.18.5)

ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyāti?

### [1.18.6](https://indike.org/pramana/in.bauddha.theravada.sp.digha.24.1.18.6)

Udāhu, devatā bhagavato etamatthaṃ ārocesuṃ—

> Or did deities tell you about it?’  
> — About Pāṭikaputta

### [1.18.7](https://indike.org/pramana/in.bauddha.theravada.sp.digha.24.1.18.7)

abhabbo, bhante, acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā bhagavato sammukhībhāvaṃ āgantuṃ.

### [1.18.8](https://indike.org/pramana/in.bauddha.theravada.sp.digha.24.1.18.8)

Sacepissa evamassa—

### [1.18.9](https://indike.org/pramana/in.bauddha.theravada.sp.digha.24.1.18.9)

ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyā’ti?

### [1.18.10](https://indike.org/pramana/in.bauddha.theravada.sp.digha.24.1.18.10)

‘Cetasā ceto paricca vidito ceva me, sunakkhatta, acelo pāthikaputto—

> ‘Both, Sunakkhatta.  
> — About Pāṭikaputta

### [1.18.11](https://indike.org/pramana/in.bauddha.theravada.sp.digha.24.1.18.11)

abhabbo acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ.

### [1.18.12](https://indike.org/pramana/in.bauddha.theravada.sp.digha.24.1.18.12)

Sacepissa evamassa—

### [1.18.13](https://indike.org/pramana/in.bauddha.theravada.sp.digha.24.1.18.13)

ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyāti.

### [1.18.14](https://indike.org/pramana/in.bauddha.theravada.sp.digha.24.1.18.14)

Devatāpi me etamatthaṃ ārocesuṃ—

### [1.18.15](https://indike.org/pramana/in.bauddha.theravada.sp.digha.24.1.18.15)

abhabbo, bhante, acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā bhagavato sammukhībhāvaṃ āgantuṃ.

### [1.18.16](https://indike.org/pramana/in.bauddha.theravada.sp.digha.24.1.18.16)

Sacepissa evamassa—

### [1.18.17](https://indike.org/pramana/in.bauddha.theravada.sp.digha.24.1.18.17)

ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyāti.

### [1.18.18](https://indike.org/pramana/in.bauddha.theravada.sp.digha.24.1.18.18)

Ajitopi nāma licchavīnaṃ senāpati adhunā kālaṅkato tāvatiṃsakāyaṃ upapanno.

> For Ajita the Licchavi general has recently passed away and been reborn in the host of the thirty-three.  
> — About Pāṭikaputta

### [1.18.19](https://indike.org/pramana/in.bauddha.theravada.sp.digha.24.1.18.19)

Sopi maṃ upasaṅkamitvā evamārocesi—

> He came and told me this,  
> — About Pāṭikaputta

### [1.18.20](https://indike.org/pramana/in.bauddha.theravada.sp.digha.24.1.18.20)

alajjī, bhante, acelo pāthikaputto;

> “The naked ascetic Pāṭikaputta is shameless, sir,  
> — About Pāṭikaputta

### [1.18.21](https://indike.org/pramana/in.bauddha.theravada.sp.digha.24.1.18.21)

musāvādī, bhante, acelo pāthikaputto.

> he is a liar.  
> — About Pāṭikaputta

### [1.18.22](https://indike.org/pramana/in.bauddha.theravada.sp.digha.24.1.18.22)

Mampi, bhante, acelo pāthikaputto byākāsi vajjigāme—

> For he has declared of me in the Vajjian capital:  
> — About Pāṭikaputta

### [1.18.23](https://indike.org/pramana/in.bauddha.theravada.sp.digha.24.1.18.23)

ajito licchavīnaṃ senāpati mahānirayaṃ upapannoti.

> ‘Ajita the Licchavi general has been reborn in the Great Hell.’  
> — About Pāṭikaputta

### [1.18.24](https://indike.org/pramana/in.bauddha.theravada.sp.digha.24.1.18.24)

Na kho panāhaṃ, bhante, mahānirayaṃ upapanno;

> But that is not true—  
> — About Pāṭikaputta

### [1.18.25](https://indike.org/pramana/in.bauddha.theravada.sp.digha.24.1.18.25)

tāvatiṃsakāyamhi upapanno.

> I have been reborn in the host of the thirty-three.  
> — About Pāṭikaputta

### [1.18.26](https://indike.org/pramana/in.bauddha.theravada.sp.digha.24.1.18.26)

Alajjī, bhante, acelo pāthikaputto;

> The naked ascetic Pāṭikaputta is shameless, sir,  
> — About Pāṭikaputta

### [1.18.27](https://indike.org/pramana/in.bauddha.theravada.sp.digha.24.1.18.27)

musāvādī, bhante, acelo pāthikaputto;

> he is a liar.  
> — About Pāṭikaputta

### [1.18.28](https://indike.org/pramana/in.bauddha.theravada.sp.digha.24.1.18.28)

abhabbo ca, bhante, acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā bhagavato sammukhībhāvaṃ āgantuṃ.

> Pāṭikaputta is not capable of meeting the Buddha face to face, otherwise  
> — About Pāṭikaputta

### [1.18.29](https://indike.org/pramana/in.bauddha.theravada.sp.digha.24.1.18.29)

Sacepissa evamassa—

### [1.18.30](https://indike.org/pramana/in.bauddha.theravada.sp.digha.24.1.18.30)

ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyāti.

> his head may explode.”  
> — About Pāṭikaputta

### [1.18.31](https://indike.org/pramana/in.bauddha.theravada.sp.digha.24.1.18.31)

Iti kho, sunakkhatta, cetasā ceto paricca vidito ceva me acelo pāthikaputto abhabbo acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ.

> Thus I both made that statement after encompassing Pāṭikaputta’s mind with my mind,  
> — About Pāṭikaputta

### [1.18.32](https://indike.org/pramana/in.bauddha.theravada.sp.digha.24.1.18.32)

Sacepissa evamassa—

### [1.18.33](https://indike.org/pramana/in.bauddha.theravada.sp.digha.24.1.18.33)

ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyāti.

### [1.18.34](https://indike.org/pramana/in.bauddha.theravada.sp.digha.24.1.18.34)

Devatāpi me etamatthaṃ ārocesuṃ—

> and deities told me about it.  
> — About Pāṭikaputta

### [1.18.35](https://indike.org/pramana/in.bauddha.theravada.sp.digha.24.1.18.35)

abhabbo, bhante, acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā bhagavato sammukhībhāvaṃ āgantuṃ.

### [1.18.36](https://indike.org/pramana/in.bauddha.theravada.sp.digha.24.1.18.36)

Sacepissa evamassa—

### [1.18.37](https://indike.org/pramana/in.bauddha.theravada.sp.digha.24.1.18.37)

ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti, muddhāpi tassa vipateyyāti.

### [1.18.38](https://indike.org/pramana/in.bauddha.theravada.sp.digha.24.1.18.38)

So kho panāhaṃ, sunakkhatta, vesāliyaṃ piṇḍāya caritvā pacchābhattaṃ piṇḍapātapaṭikkanto yena acelassa pāthikaputtassa ārāmo tenupasaṅkamissāmi divāvihārāya.

> So Sunakkhatta, I’ll wander for alms in Vesālī. After the meal, on my return from almsround, I’ll go to Pāṭikaputta’s monastery for the day’s meditation.  
> — About Pāṭikaputta

### [1.18.39](https://indike.org/pramana/in.bauddha.theravada.sp.digha.24.1.18.39)

Yassadāni tvaṃ, sunakkhatta, icchasi, tassa ārocehī’ti.

> Now you may tell him, if you so wish.’  
> — About Pāṭikaputta

## Translations (3)

- [O Pāṭhikaputti](https://indike.org/pramana/in.bauddha.theravada.sp.digha.24~sr-brankokovacevic.1.18.1) — sr
- [About Pāṭikaputta](https://indike.org/pramana/in.bauddha.theravada.sp.digha.24~en-sujato.1.18.1) — English
- [Über Pāṭikaputta](https://indike.org/pramana/in.bauddha.theravada.sp.digha.24~de-sabbamitta.1.18.1) — German

## Commentaries (1)

- [Sumaṅgalavilāsinī](https://indike.org/pramana/in.bauddha.theravada.sp.digha!sumangalavilasini.24.18) — Buddhaghosa, Pāli

## Linked texts (1)

- [長阿含經](https://indike.org/pramana/in.bauddha.sanskrit.agama.dirghagama*zh-buddhayasas.15.22) — Classical Chinese

---
Source: [https://indike.org/pramana/in.bauddha.theravada.sp.digha.24.1.18](https://indike.org/pramana/in.bauddha.theravada.sp.digha.24.1.18) · Pramāṇa