[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [The Pāli Canon](https://indike.org/pramana/in.bauddha.theravada) › [Basket of Discourses](https://indike.org/pramana/in.bauddha.theravada.sp) › [Dīghanikāya](https://indike.org/pramana/in.bauddha.theravada.sp.digha) › [Pathikasutta](https://indike.org/pramana/in.bauddha.theravada.sp.digha.24) › 1.19 # Pathikasutta 1.19: 5. Iddhipāṭihāriyakathā Pāthikasutta 1.19 - **Language:** Pāli ### 5. Iddhipāṭihāriyakathā ### [1.19.1](https://indike.org/pramana/in.bauddha.theravada.sp.digha.24.1.19.1) Atha khvāhaṃ, bhaggava, pubbaṇhasamayaṃ nivāsetvā pattacīvaramādāya vesāliṃ piṇḍāya pāvisiṃ. > Then, Bhaggava, I robed up in the morning and, taking my bowl and robe, entered Vesālī for alms. > — About Pāṭikaputta ### [1.19.2](https://indike.org/pramana/in.bauddha.theravada.sp.digha.24.1.19.2) Vesāliyaṃ piṇḍāya caritvā pacchābhattaṃ piṇḍapātapaṭikkanto yena acelassa pāthikaputtassa ārāmo tenupasaṅkamiṃ divāvihārāya. > After the meal, on my return from almsround, I went to Pāṭikaputta’s monastery for the day’s meditation. > — About Pāṭikaputta ### [1.19.3](https://indike.org/pramana/in.bauddha.theravada.sp.digha.24.1.19.3) Atha kho, bhaggava, sunakkhatto licchaviputto taramānarūpo vesāliṃ pavisitvā yena abhiññātā abhiññātā licchavī tenupasaṅkami; upasaṅkamitvā abhiññāte abhiññāte licchavī etadavoca: > Then Sunakkhatta rushed into Vesālī to see the very well-known Licchavis and said to them, > — About Pāṭikaputta ### [1.19.4](https://indike.org/pramana/in.bauddha.theravada.sp.digha.24.1.19.4) ‘esāvuso, bhagavā vesāliyaṃ piṇḍāya caritvā pacchābhattaṃ piṇḍapātapaṭikkanto yena acelassa pāthikaputtassa ārāmo tenupasaṅkami divāvihārāya. > ‘Respectable sirs, after his almsround, the Buddha has gone to Pāṭikaputta’s monastery for the day’s meditation. > — About Pāṭikaputta ### [1.19.5](https://indike.org/pramana/in.bauddha.theravada.sp.digha.24.1.19.5) Abhikkamathāyasmanto abhikkamathāyasmanto, sādhurūpānaṃ samaṇānaṃ uttari manussadhammā iddhipāṭihāriyaṃ bhavissatī’ti. > Come forth, good sirs, come forth! There will be a superhuman demonstration of psychic power by the holy ascetics!’ > — About Pāṭikaputta ### [1.19.6](https://indike.org/pramana/in.bauddha.theravada.sp.digha.24.1.19.6) Atha kho, bhaggava, abhiññātānaṃ abhiññātānaṃ licchavīnaṃ etadahosi: > So the very well-known Licchavis thought, > — About Pāṭikaputta ### [1.19.7](https://indike.org/pramana/in.bauddha.theravada.sp.digha.24.1.19.7) ‘sādhurūpānaṃ kira, bho, samaṇānaṃ uttari manussadhammā iddhipāṭihāriyaṃ bhavissati; > ‘It seems there will be a superhuman demonstration of psychic power by the holy ascetics! > — About Pāṭikaputta ### [1.19.8](https://indike.org/pramana/in.bauddha.theravada.sp.digha.24.1.19.8) handa vata, bho, gacchāmā’ti. > Let’s go!’ > — About Pāṭikaputta ### [1.19.9](https://indike.org/pramana/in.bauddha.theravada.sp.digha.24.1.19.9) Yena ca abhiññātā abhiññātā brāhmaṇamahāsālā gahapatinecayikā nānātitthiyā samaṇabrāhmaṇā tenupasaṅkami. upasaṅkamitvā abhiññāte abhiññāte nānātitthiye samaṇabrāhmaṇe etadavoca: > Then he went to see the very well-known well-to-do brahmins, rich householders, and ascetics and brahmins who follow various other religions, and said the same thing. > — About Pāṭikaputta ### [1.19.10](https://indike.org/pramana/in.bauddha.theravada.sp.digha.24.1.19.10) ‘esāvuso, bhagavā vesāliyaṃ piṇḍāya caritvā pacchābhattaṃ piṇḍapātapaṭikkanto yena acelassa pāthikaputtassa ārāmo tenupasaṅkami divāvihārāya. ### [1.19.11](https://indike.org/pramana/in.bauddha.theravada.sp.digha.24.1.19.11) Abhikkamathāyasmanto abhikkamathāyasmanto, sādhurūpānaṃ samaṇānaṃ uttari manussadhammā iddhipāṭihāriyaṃ bhavissatī’ti. ### [1.19.12](https://indike.org/pramana/in.bauddha.theravada.sp.digha.24.1.19.12) Atha kho, bhaggava, abhiññātānaṃ abhiññātānaṃ nānātitthiyānaṃ samaṇabrāhmaṇānaṃ etadahosi: > They all said, > — About Pāṭikaputta ### [1.19.13](https://indike.org/pramana/in.bauddha.theravada.sp.digha.24.1.19.13) ‘sādhurūpānaṃ kira, bho, samaṇānaṃ uttari manussadhammā iddhipāṭihāriyaṃ bhavissati; > ‘It seems there will be a superhuman demonstration of psychic power by the holy ascetics! > — About Pāṭikaputta ### [1.19.14](https://indike.org/pramana/in.bauddha.theravada.sp.digha.24.1.19.14) handa vata, bho, gacchāmā’ti. > Let’s go!’ > — About Pāṭikaputta ### [1.19.15](https://indike.org/pramana/in.bauddha.theravada.sp.digha.24.1.19.15) Atha kho, bhaggava, abhiññātā abhiññātā licchavī, abhiññātā abhiññātā ca brāhmaṇamahāsālā gahapatinecayikā nānātitthiyā samaṇabrāhmaṇā yena acelassa pāthikaputtassa ārāmo tenupasaṅkamiṃsu. > Then all those very well-known people went to Pāṭikaputta’s monastery. > — About Pāṭikaputta ### [1.19.16](https://indike.org/pramana/in.bauddha.theravada.sp.digha.24.1.19.16) Sā esā, bhaggava, parisā mahā hoti anekasatā anekasahassā. > That assembly was large, Bhaggava; there were many hundreds, many thousands of them. > — About Pāṭikaputta ## Translations (3) - [O Pāṭhikaputti](https://indike.org/pramana/in.bauddha.theravada.sp.digha.24~sr-brankokovacevic.1.19.1) — sr - [About Pāṭikaputta](https://indike.org/pramana/in.bauddha.theravada.sp.digha.24~en-sujato.1.19.1) — English - [Über Pāṭikaputta](https://indike.org/pramana/in.bauddha.theravada.sp.digha.24~de-sabbamitta.1.19.1) — German ## Commentaries (1) - [Sumaṅgalavilāsinī](https://indike.org/pramana/in.bauddha.theravada.sp.digha!sumangalavilasini.24.20) — Buddhaghosa, Pāli ## Linked texts (1) - [長阿含經](https://indike.org/pramana/in.bauddha.sanskrit.agama.dirghagama*zh-buddhayasas.15.23) — Classical Chinese --- Source: [https://indike.org/pramana/in.bauddha.theravada.sp.digha.24.1.19](https://indike.org/pramana/in.bauddha.theravada.sp.digha.24.1.19) · Pramāṇa