Pathikasutta 2.13
Pāthikasutta 2.13
- Language
- Pāli
2.13.1
Atha khvāhaṃ, bhaggava, taṃ parisaṃ dhammiyā kathāya sandassesiṃ samādapesiṃ samuttejesiṃ sampahaṃsesiṃ, taṃ parisaṃ dhammiyā kathāya sandassetvā samādapetvā samuttejetvā sampahaṃsetvā mahābandhanā mokkhaṃ karitvā caturāsītipāṇasahassāni mahāviduggā uddharitvā tejodhātuṃ samāpajjitvā sattatālaṃ vehāsaṃ abbhuggantvā aññaṃ sattatālampi acciṃ abhinimminitvā pajjalitvā dhūmāyitvā mahāvane kūṭāgārasālāyaṃ paccuṭṭhāsiṃ.
Then, Bhaggava, I educated, encouraged, fired up, and inspired that assembly with a Dhamma talk. I released that assembly from the great bondage, and lifted 84,000 beings from the great swamp. Next I entered upon the fire element, rose into the air to the height of seven palm trees, and created a flame another seven palm trees high, blazing and smoking. Finally I landed at the Great Wood, in the hall with the peaked roof.
2.13.2
Atha kho, bhaggava, sunakkhatto licchaviputto yenāhaṃ tenupasaṅkami; upasaṅkamitvā maṃ abhivādetvā ekamantaṃ nisīdi. Ekamantaṃ nisinnaṃ kho ahaṃ, bhaggava, sunakkhattaṃ licchaviputtaṃ etadavocaṃ:
Then Sunakkhatta came to me, bowed, and sat down to one side. I said to him,
2.13.3
‘Taṃ kiṃ maññasi, sunakkhatta,
‘What do you think, Sunakkhatta?
2.13.4
yatheva te ahaṃ acelaṃ pāthikaputtaṃ ārabbha byākāsiṃ, tatheva taṃ vipākaṃ aññathā vā’ti?
Did the declaration I made about Pāṭikaputta turn out to be correct, or not?’
2.13.5
‘Yatheva me, bhante, bhagavā acelaṃ pāthikaputtaṃ ārabbha byākāsi, tatheva taṃ vipākaṃ, no aññathā’ti.
‘It turned out to be correct.’
2.13.6
‘Taṃ kiṃ maññasi, sunakkhatta,
‘What do you think, Sunakkhatta?
2.13.7
yadi evaṃ sante kataṃ vā hoti uttari manussadhammā iddhipāṭihāriyaṃ, akataṃ vā’ti?
If that is so, has a superhuman demonstration of psychic power been performed or not?’
2.13.8
‘Addhā kho, bhante, evaṃ sante kataṃ hoti uttari manussadhammā iddhipāṭihāriyaṃ, no akatan’ti.
‘Clearly, sir, a superhuman demonstration of psychic power has been performed.’
2.13.9
‘Evampi kho maṃ tvaṃ, moghapurisa, uttari manussadhammā iddhipāṭihāriyaṃ karontaṃ evaṃ vadesi—
‘Though I perform such a superhuman demonstration of psychic power you say this:
2.13.10
na hi pana me, bhante, bhagavā uttari manussadhammā iddhipāṭihāriyaṃ karotīti.
“But sir, the Buddha never performs any superhuman demonstrations of psychic power for me.”
2.13.11
Passa, moghapurisa, yāvañca te idaṃ aparaddhan’ti.
See how far you have strayed!’
2.13.12
Evampi kho, bhaggava, sunakkhatto licchaviputto mayā vuccamāno apakkameva imasmā dhammavinayā, yathā taṃ āpāyiko nerayiko.
Though I spoke to Sunakkhatta like this, he still left this teaching and training, like someone on the highway to hell.
Translations (3)
- O Pāṭhikaputti — sr
- About Pāṭikaputta — English
- Über Pāṭikaputta — German
Linked texts (1)
- 長阿含經 — Classical Chinese