[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [The Pāli Canon](https://indike.org/pramana/in.bauddha.theravada) › [Basket of Discourses](https://indike.org/pramana/in.bauddha.theravada.sp) › [Dīghanikāya](https://indike.org/pramana/in.bauddha.theravada.sp.digha) › [Pathikasutta](https://indike.org/pramana/in.bauddha.theravada.sp.digha.24) › 2.6 # Pathikasutta 2.6 Pāthikasutta 2.6 - **Language:** Pāli ### [2.6.1](https://indike.org/pramana/in.bauddha.theravada.sp.digha.24.2.6.1) Yadā kho, bhaggava, jāliyo dārupattikantevāsī aññāsi: > When Jāliya knew > — About Pāṭikaputta ### [2.6.2](https://indike.org/pramana/in.bauddha.theravada.sp.digha.24.2.6.2) ‘parābhūtarūpo ayaṃ acelo pāthikaputto āyāmi, āvuso, āyāmi, āvusoti vatvā tattheva saṃsappati, na sakkoti āsanāpi vuṭṭhātun’ti, atha naṃ etadavoca— > that Pāṭikaputta had lost, he said to him, > — About Pāṭikaputta ### [2.6.3](https://indike.org/pramana/in.bauddha.theravada.sp.digha.24.2.6.3) Bhūtapubbaṃ, āvuso pāthikaputta, sīhassa migarañño etadahosi: > ‘Once upon a time, Reverend Pāṭikaputta, it occurred to a lion, king of beasts, > — About Pāṭikaputta ### [2.6.4](https://indike.org/pramana/in.bauddha.theravada.sp.digha.24.2.6.4) ‘yannūnāhaṃ aññataraṃ vanasaṇḍaṃ nissāya āsayaṃ kappeyyaṃ. > “Why don’t I make my lair near a certain forest? > — About Pāṭikaputta ### [2.6.5](https://indike.org/pramana/in.bauddha.theravada.sp.digha.24.2.6.5) Tatrāsayaṃ kappetvā sāyanhasamayaṃ āsayā nikkhameyyaṃ, āsayā nikkhamitvā vijambheyyaṃ, vijambhitvā samantā catuddisā anuvilokeyyaṃ, samantā catuddisā anuviloketvā tikkhattuṃ sīhanādaṃ nadeyyaṃ, tikkhattuṃ sīhanādaṃ naditvā gocarāya pakkameyyaṃ. > Towards evening I can emerge from my den, yawn, survey the four quarters, roar my lion’s roar three times, and set out on the hunt. > — About Pāṭikaputta ### [2.6.6](https://indike.org/pramana/in.bauddha.theravada.sp.digha.24.2.6.6) So varaṃ varaṃ migasaṅghe vadhitvā mudumaṃsāni mudumaṃsāni bhakkhayitvā tameva āsayaṃ ajjhupeyyan’ti. > Having slain the very best of the deer herd, and eaten the most tender flesh, I could return to my den.” > — About Pāṭikaputta ### [2.6.7](https://indike.org/pramana/in.bauddha.theravada.sp.digha.24.2.6.7) Atha kho, āvuso, so sīho migarājā aññataraṃ vanasaṇḍaṃ nissāya āsayaṃ kappesi. > And so that’s what he did. > — About Pāṭikaputta ### [2.6.8](https://indike.org/pramana/in.bauddha.theravada.sp.digha.24.2.6.8) Tatrāsayaṃ kappetvā sāyanhasamayaṃ āsayā nikkhami, āsayā nikkhamitvā vijambhi, vijambhitvā samantā catuddisā anuvilokesi, samantā catuddisā anuviloketvā tikkhattuṃ sīhanādaṃ nadi, tikkhattuṃ sīhanādaṃ naditvā gocarāya pakkāmi. ### [2.6.9](https://indike.org/pramana/in.bauddha.theravada.sp.digha.24.2.6.9) So varaṃ varaṃ migasaṅghe vadhitvā mudumaṃsāni mudumaṃsāni bhakkhayitvā tameva āsayaṃ ajjhupesi. ### [2.6.10](https://indike.org/pramana/in.bauddha.theravada.sp.digha.24.2.6.10) Tasseva kho, āvuso pāthikaputta, sīhassa migarañño vighāsasaṃvaḍḍho jarasiṅgālo ditto ceva balavā ca. > Now, there was an old jackal who had grown fat on the lion’s leavings, becoming arrogant and strong. > — About Pāṭikaputta ### [2.6.11](https://indike.org/pramana/in.bauddha.theravada.sp.digha.24.2.6.11) Atha kho, āvuso, tassa jarasiṅgālassa etadahosi: > He thought: > — About Pāṭikaputta ### [2.6.12](https://indike.org/pramana/in.bauddha.theravada.sp.digha.24.2.6.12) ‘ko cāhaṃ, ko sīho migarājā. > “What does the lion, king of beasts, have that I don’t? > — About Pāṭikaputta ### [2.6.13](https://indike.org/pramana/in.bauddha.theravada.sp.digha.24.2.6.13) Yannūnāhampi aññataraṃ vanasaṇḍaṃ nissāya āsayaṃ kappeyyaṃ. > Why don’t I also make my lair near a certain forest? > — About Pāṭikaputta ### [2.6.14](https://indike.org/pramana/in.bauddha.theravada.sp.digha.24.2.6.14) Tatrāsayaṃ kappetvā sāyanhasamayaṃ āsayā nikkhameyyaṃ, āsayā nikkhamitvā vijambheyyaṃ, vijambhitvā samantā catuddisā anuvilokeyyaṃ, samantā catuddisā anuviloketvā tikkhattuṃ sīhanādaṃ nadeyyaṃ, tikkhattuṃ sīhanādaṃ naditvā gocarāya pakkameyyaṃ. > Towards evening I can emerge from my den, yawn, survey the four quarters, roar my lion’s roar three times, and set out on the hunt. > — About Pāṭikaputta ### [2.6.15](https://indike.org/pramana/in.bauddha.theravada.sp.digha.24.2.6.15) So varaṃ varaṃ migasaṅghe vadhitvā mudumaṃsāni mudumaṃsāni bhakkhayitvā tameva āsayaṃ ajjhupeyyan’ti. > Having slain the very best of the deer herd, and eaten the most tender flesh, I could return to my den.” > — About Pāṭikaputta ## Translations (3) - [O Pāṭhikaputti](https://indike.org/pramana/in.bauddha.theravada.sp.digha.24~sr-brankokovacevic.2.6.1) — sr - [About Pāṭikaputta](https://indike.org/pramana/in.bauddha.theravada.sp.digha.24~en-sujato.2.6.1) — English - [Über Pāṭikaputta](https://indike.org/pramana/in.bauddha.theravada.sp.digha.24~de-sabbamitta.2.6.1) — German ## Commentaries (1) - [Sumaṅgalavilāsinī](https://indike.org/pramana/in.bauddha.theravada.sp.digha!sumangalavilasini.24.27) — Buddhaghosa, Pāli ## Linked texts (1) - [長阿含經](https://indike.org/pramana/in.bauddha.sanskrit.agama.dirghagama*zh-buddhayasas.15.27) — Classical Chinese --- Source: [https://indike.org/pramana/in.bauddha.theravada.sp.digha.24.2.6](https://indike.org/pramana/in.bauddha.theravada.sp.digha.24.2.6) · Pramāṇa