Dhammapada 18.12: 12. Subhaddaparibbājakavatthu
Dhammapadaṭṭhakathā 18.12
- Language
- Pāli
12. Subhaddaparibbājakavatthu
18.12.p1
Ākāseti idaṃ dhammadesanaṃ satthā kusinārāyaṃ upavattane mallānaṃ sālavane parinibbānamañcake nipanno subhaddaṃ paribbājakaṃ ārabbha kathesi.
*There is no path through the air.* This religious instruction was given by the Teacher with reference to the Wanderer Subhadda. It was while the Teacher was lying on the Bed of the Great Decease in the Sāl-forest of the Mallas at Upavattana in the city of Kusinārā.
18.12.p2
So kira atīte kaniṭṭhabhātari ekasmiṃ sasse navakkhattuṃ aggadānaṃ dente dānaṃ dātuṃ anicchanto osakkitvā avasāne adāsi. Tasmā paṭhamabodhiyampi majjhimabodhiyampi satthāraṃ daṭṭhuṃ nālattha. Pacchimabodhiyaṃ pana satthu parinibbānakāle ‘‘ahaṃ tīsu pañhesu attano kaṅkhaṃ mahallake paribbājake pucchitvā samaṇaṃ gotamaṃ ‘daharo’ti saññāya na pucchiṃ, tassa ca dāni parinibbānakālo, pacchā me samaṇassa gotamassa apucchitakāraṇā vippaṭisāro uppajjeyyā’’ti satthāraṃ upasaṅkamitvā ānandattherena nivāriyamānopi satthārā okāsaṃ katvā, ‘‘ānanda, mā subhaddaṃ nivārayi, pucchatu maṃ pañha’’nti vutte antosāṇiṃ pavisitvā heṭṭhāmañcake nisinno, ‘‘bho samaṇa, kiṃ nu kho ākāse padaṃ nāma atthi, ito bahiddhā samaṇo nāma atthi, saṅkhārā sassatā nāma atthī’’ti ime pañhe pucchi. Athassa satthā tesaṃ abhāvaṃ ācikkhanto imāhi gāthāhi dhammaṃ desesi –
The story goes that in times long past, when Subhadda's younger brother gave alms nine times of the first-fruits of a certain crop, Subhadda himself had no desire to give alms and refused, but in the end did give alms. As the result of this, he failed to see the Teacher both in the First Period of Enlightenment and in the Second. In the Last Period of Enlightenment, however, when the Teacher was come to the time of the Great Decease, he thought to himself, "I have entertained doubts on three points and have asked the old monks to resolve my doubts for me. But because I have looked upon the monk Gotama as a novice, I have never asked him. Now, however, the time of his Great Decease is come, and if I do not ask him now, I may be sorry hereafter." Accordingly he approached the Teacher.
Elder Ānanda sought to prevent him. But the Teacher gave him leave to approach, saying to the Elder, "Ānanda, do not keep Subhadda away; let him ask me his question." Therefore Subhadda entered within the curtain, seated himself at the foot of the bed, and asked the Teacher the following questions, "Sir monk, is there such a thing as a path through the air? Can one be called a monk who is an outsider? Are the Aggregates eternal?" Thereupon the Teacher informed him that these things have no real existence, expounding the Law in the following Stanzas,
18.12.254
‘‘Ākāseva padaṃ natthi, samaṇo natthi bāhire;
Papañcābhiratā pajā, nippapañcā tathāgatā.
254. There is no path through the air; no outsider is a monk;
Mankind delights in the Hindrances; the Tathāgatas are free from the Hindrances.
18.12.255
‘‘Ākāseva padaṃ natthi, samaṇo natthi bāhire;
Saṅkhārā sassatā natthi, natthi buddhānamiñjita’’nti.
255. There is no path through the air; no outsider is a monk;
The Aggregates are not eternal; there is no variableness in the Buddhas.
18.12.255_2
Tattha padanti imasmiṃ ākāse vaṇṇasaṇṭhānavasena evarūpanti paññāpetabbaṃ kassaci padaṃ nāma natthi. Bāhireti mama sāsanato bahiddhā maggaphalaṭṭho samaṇo nāma natthi. Pajāti ayaṃ sattalokasaṅkhātā pajā taṇhādīsu papañcesuyevābhiratā. Nippapañcāti bodhimūleyeva sabbapapañcānaṃ samucchinnattā nippapañcā tathāgatā. Saṅkhārāti pañcakkhandhā. Tesu hi ekopi sassato nāma natthi. Iñjitanti buddhānaṃ pana taṇhāmānādīsu iñjitesu yena saṅkhārā sassatāti gaṇheyya, taṃ ekaṃ iñjitampi nāma natthīti attho.
18.12.255_3
Desanāvasāne subhaddo anāgāmiphale patiṭṭhahi, sampattaparisāyapi sātthikā dhammadesanā ahosīti.
18.12.255_4
Subhaddaparibbājakavatthu dvādasamaṃ.
18.12.255_5
Malavaggavaṇṇanā niṭṭhitā.
18.12.255_6
Aṭṭhārasamo vaggo.
Translations (1)
- Buddhist Legends (Harvard Oriental Series 28–30) — Eugene Watson Burlingame 1921, English
Linked texts (1)
- Dhammapada — Pāli
Discussed in (1)
- A History of Pāli Literature — Law 1933, English