[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [The Pāli Canon](https://indike.org/pramana/in.bauddha.theravada) › [Basket of Discourses](https://indike.org/pramana/in.bauddha.theravada.sp) › [The Minor Collection](https://indike.org/pramana/in.bauddha.theravada.sp.khuddaka) › [Itivuttaka](https://indike.org/pramana/in.bauddha.theravada.sp.khuddaka.itivuttaka) › 104.2 # Itivuttaka 104.2 Itivuttaka 104.2 - **Language:** Pāli ### [104.2.1](https://indike.org/pramana/in.bauddha.theravada.sp.khuddaka.itivuttaka.104.2.1) “Ye te, bhikkhave, bhikkhū sīlasampannā samādhisampannā paññāsampannā vimuttisampannā vimuttiñāṇadassanasampannā ovādakā viññāpakā sandassakā samādapakā samuttejakā sampahaṃsakā alaṃsamakkhātāro saddhammassa dassanampahaṃ, bhikkhave, tesaṃ bhikkhūnaṃ bahūpakāraṃ vadāmi; > “Mendicants, take a mendicant who is accomplished in ethics, immersion, wisdom, freedom, and the knowledge and vision of freedom. They advise and instruct. They educate, encourage, fire up, and inspire, and can rightly explain the true teaching. Even the sight of those mendicants is very helpful, I say. > — So It Was Said ### [104.2.2](https://indike.org/pramana/in.bauddha.theravada.sp.khuddaka.itivuttaka.104.2.2) savanampahaṃ, bhikkhave, tesaṃ bhikkhūnaṃ bahūpakāraṃ vadāmi; > Even to hear them, > — So It Was Said ### [104.2.3](https://indike.org/pramana/in.bauddha.theravada.sp.khuddaka.itivuttaka.104.2.3) upasaṅkamanampahaṃ, bhikkhave, tesaṃ bhikkhūnaṃ bahūpakāraṃ vadāmi; > approach them, > — So It Was Said ### [104.2.4](https://indike.org/pramana/in.bauddha.theravada.sp.khuddaka.itivuttaka.104.2.4) payirupāsanampahaṃ, bhikkhave, tesaṃ bhikkhūnaṃ bahūpakāraṃ vadāmi; > pay homage to them, > — So It Was Said ### [104.2.5](https://indike.org/pramana/in.bauddha.theravada.sp.khuddaka.itivuttaka.104.2.5) anussaraṇampahaṃ, bhikkhave, tesaṃ bhikkhūnaṃ bahūpakāraṃ vadāmi; > recollect them, > — So It Was Said ### [104.2.6](https://indike.org/pramana/in.bauddha.theravada.sp.khuddaka.itivuttaka.104.2.6) anupabbajjampahaṃ, bhikkhave, tesaṃ bhikkhūnaṃ bahūpakāraṃ vadāmi. > or go forth after them is very helpful, I say. > — So It Was Said ### [104.2.7](https://indike.org/pramana/in.bauddha.theravada.sp.khuddaka.itivuttaka.104.2.7) Taṃ kissa hetu? > Why is that? > — So It Was Said ### [104.2.8](https://indike.org/pramana/in.bauddha.theravada.sp.khuddaka.itivuttaka.104.2.8) Tathārūpe, bhikkhave, bhikkhū sevato bhajato payirupāsato aparipūropi sīlakkhandho bhāvanāpāripūriṃ gacchati, aparipūropi samādhikkhandho bhāvanāpāripūriṃ gacchati, aparipūropi paññākkhandho bhāvanāpāripūriṃ gacchati, aparipūropi vimuttikkhandho bhāvanāpāripūriṃ gacchati, aparipūropi vimuttiñāṇadassanakkhandho bhāvanāpāripūriṃ gacchati. > For one who frequents and associates with such mendicants, their incomplete spectrum of ethics is completed. Their incomplete spectrum of immersion … wisdom … freedom … knowledge and vision of freedom is completed. > — So It Was Said ### [104.2.9](https://indike.org/pramana/in.bauddha.theravada.sp.khuddaka.itivuttaka.104.2.9) Evarūpā ca te, bhikkhave, bhikkhū satthārotipi vuccanti, satthavāhātipi vuccanti, raṇañjahātipi vuccanti, tamonudātipi vuccanti, ālokakarātipi vuccanti, obhāsakarātipi vuccanti, pajjotakarātipi vuccanti, ukkādhārātipi vuccanti, pabhaṅkarātipi vuccanti, ariyātipi vuccanti, cakkhumantotipi vuccantī”ti. > Such mendicants are called ‘teachers’, ‘caravan leaders’, ‘strife-discarders’, ‘dispellers of darkness’, ‘bringers of light’, ‘luminaries’, ‘lamps’, ‘candlebearers’, ‘beacons’, ‘noble ones’, and ‘clear-eyed ones’.” > — So It Was Said ### [104.2.10](https://indike.org/pramana/in.bauddha.theravada.sp.khuddaka.itivuttaka.104.2.10) Etamatthaṃ bhagavā avoca. > The Buddha spoke this matter. > — So It Was Said ### [104.2.11](https://indike.org/pramana/in.bauddha.theravada.sp.khuddaka.itivuttaka.104.2.11) Tatthetaṃ iti vuccati: > On this it is said: > — So It Was Said ## Translations (2) - [So wurde es gesagt](https://indike.org/pramana/in.bauddha.theravada.sp.khuddaka.itivuttaka~de-sabbamitta.104.2.1) — German - [So It Was Said](https://indike.org/pramana/in.bauddha.theravada.sp.khuddaka.itivuttaka~en-sujato.104.2.1) — English ## Commentaries (1) - [Paramatthadīpanī (Itivuttaka-aṭṭhakathā)](https://indike.org/pramana/in.bauddha.theravada.sp.khuddaka.itivuttaka!paramatthadipani.4.5.104) — Dhammapāla, Pāli --- Source: [https://indike.org/pramana/in.bauddha.theravada.sp.khuddaka.itivuttaka.104.2](https://indike.org/pramana/in.bauddha.theravada.sp.khuddaka.itivuttaka.104.2) · Pramāṇa