[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [The Pāli Canon](https://indike.org/pramana/in.bauddha.theravada) › [Basket of Discourses](https://indike.org/pramana/in.bauddha.theravada.sp) › [Majjhimanikāya](https://indike.org/pramana/in.bauddha.theravada.sp.majjhima) › [Advice from Nandaka](https://indike.org/pramana/in.bauddha.theravada.sp.majjhima.146) › 16.1-16 # Advice from Nandaka 16.1-16 Nandakovādasutta 16.1-16 - **Language:** Pāli ### [16.1](https://indike.org/pramana/in.bauddha.theravada.sp.majjhima.146.16.1) Atha kho bhagavā āyasmantaṃ nandakaṃ āmantesi: > Then the Buddha said to Nandaka, > — Advice from Nandaka ### [16.2](https://indike.org/pramana/in.bauddha.theravada.sp.majjhima.146.16.2) “tena hi tvaṃ, nandaka, svepi tā bhikkhuniyo tenevovādena ovadeyyāsī”ti. > “Well then, Nandaka, tomorrow you should give those nuns the same advice again.” > — Advice from Nandaka ### [16.3](https://indike.org/pramana/in.bauddha.theravada.sp.majjhima.146.16.3) “Evaṃ, bhante”ti kho āyasmā nandako bhagavato paccassosi. > “Yes, sir,” Nandaka replied. > — Advice from Nandaka ### [16.4](https://indike.org/pramana/in.bauddha.theravada.sp.majjhima.146.16.4) Atha kho āyasmā nandako tassā rattiyā accayena pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisi. > And the next day he went to those nuns, and all unfolded just like the previous day. > — Advice from Nandaka ### [16.5](https://indike.org/pramana/in.bauddha.theravada.sp.majjhima.146.16.5) Sāvatthiyaṃ piṇḍāya caritvā pacchābhattaṃ piṇḍapātapaṭikkanto attadutiyo yena rājakārāmo tenupasaṅkami. ### [16.6](https://indike.org/pramana/in.bauddha.theravada.sp.majjhima.146.16.6) Addasaṃsu kho tā bhikkhuniyo āyasmantaṃ nandakaṃ dūratova āgacchantaṃ. ### [16.7](https://indike.org/pramana/in.bauddha.theravada.sp.majjhima.146.16.7) Disvāna āsanaṃ paññāpesuṃ, udakañca pādānaṃ upaṭṭhapesuṃ. ### [16.8](https://indike.org/pramana/in.bauddha.theravada.sp.majjhima.146.16.8) Nisīdi kho āyasmā nandako paññatte āsane. ### [16.9](https://indike.org/pramana/in.bauddha.theravada.sp.majjhima.146.16.9) Nisajja pāde pakkhālesi. ### [16.10](https://indike.org/pramana/in.bauddha.theravada.sp.majjhima.146.16.10) Tāpi kho bhikkhuniyo āyasmantaṃ nandakaṃ abhivādetvā ekamantaṃ nisīdiṃsu. ### [16.11](https://indike.org/pramana/in.bauddha.theravada.sp.majjhima.146.16.11) Ekamantaṃ nisinnā kho tā bhikkhuniyo āyasmā nandako etadavoca: ### [16.12](https://indike.org/pramana/in.bauddha.theravada.sp.majjhima.146.16.12) “paṭipucchakathā kho, bhaginiyo, bhavissati. ### [16.13](https://indike.org/pramana/in.bauddha.theravada.sp.majjhima.146.16.13) Tattha ājānantīhi ‘ājānāmā’ tissa vacanīyaṃ, na ājānantīhi ‘na ājānāmā’ tissa vacanīyaṃ. ### [16.14](https://indike.org/pramana/in.bauddha.theravada.sp.majjhima.146.16.14) Yassā vā panassa kaṅkhā vā vimati vā, ahameva tattha paṭipucchitabbo: ### [16.15](https://indike.org/pramana/in.bauddha.theravada.sp.majjhima.146.16.15) ‘idaṃ, bhante, kathaṃ; imassa kvattho’”ti. ### [16.16](https://indike.org/pramana/in.bauddha.theravada.sp.majjhima.146.16.16) “Ettakenapi mayaṃ, bhante, ayyassa nandakassa attamanā abhiraddhā yaṃ no ayyo nandako pavāretī”ti. ## Translations (4) - [Il discorso sul consiglio di Nandaka](https://indike.org/pramana/in.bauddha.theravada.sp.majjhima.146~it-giovannizappa.16.1) — Italian - [Advice from Nandaka](https://indike.org/pramana/in.bauddha.theravada.sp.majjhima.146~en-sujato.16.1) — English - [Nandakas Unterweisung](https://indike.org/pramana/in.bauddha.theravada.sp.majjhima.146~de-sabbamitta.16.1) — German - [Совет от Нандаки](https://indike.org/pramana/in.bauddha.theravada.sp.majjhima.146~ru-sv.16.1) — Russian ## Linked texts (1) - [雜阿含經](https://indike.org/pramana/in.bauddha.sanskrit.agama.samyuktagama*zh-gunabhadra.276.62) — Classical Chinese --- Source: [https://indike.org/pramana/in.bauddha.theravada.sp.majjhima.146.16.1-16](https://indike.org/pramana/in.bauddha.theravada.sp.majjhima.146.16.1-16) · Pramāṇa