Kalattayaaniccasutta 1.1-18

1.1

Sāvatthinidānaṃ.

At Sāvatthī.

1.2

“Rūpaṃ, bhikkhave, aniccaṃ atītānāgataṃ;

“Mendicants, form of the past and future is impermanent,

1.3

ko pana vādo paccuppannassa.

let alone the present.

1.4

Evaṃ passaṃ, bhikkhave, sutavā ariyasāvako atītasmiṃ rūpasmiṃ anapekkho hoti;

Seeing this, a learned noble disciple is not concerned with past form,

1.5

anāgataṃ rūpaṃ nābhinandati;

doesn’t look forward to enjoying future form,

1.6

paccuppannassa rūpassa nibbidāya virāgāya nirodhāya paṭipanno hoti.

and they practice for disillusionment, dispassion, and cessation regarding present form.

1.7

Vedanā aniccā …pe…

Feeling …

1.8

saññā aniccā …

Perception …

1.9

saṅkhārā aniccā atītānāgatā;

Choices …

1.10

ko pana vādo paccuppannānaṃ.

1.11

Evaṃ passaṃ, bhikkhave, sutavā ariyasāvako atītesu saṅkhāresu anapekkho hoti;

1.12

anāgate saṅkhāre nābhinandati;

1.13

paccuppannānaṃ saṅkhārānaṃ nibbidāya virāgāya nirodhāya paṭipanno hoti.

1.14

Viññāṇaṃ aniccaṃ atītānāgataṃ;

Consciousness of the past and future is impermanent,

1.15

ko pana vādo paccuppannassa.

let alone the present.

1.16

Evaṃ passaṃ, bhikkhave, sutavā ariyasāvako atītasmiṃ viññāṇasmiṃ anapekkho hoti;

Seeing this, a learned noble disciple is not concerned with past consciousness,

1.17

anāgataṃ viññāṇaṃ nābhinandati;

doesn’t look forward to enjoying future consciousness,

1.18

paccuppannassa viññāṇassa nibbidāya virāgāya nirodhāya paṭipanno hotī”ti.

and they practice for disillusionment, dispassion, and cessation regarding present consciousness.”