Laghuvakyavrittih (Laghuvākyavṛttiḥ)

लघुवाक्यवृत्तिः

Short Advaita Vedānta treatise (prakaraṇa); 18 verses.

Language: Sanskrit
Date: 700–750 CE
Author: Śaṅkara
Extent: 21 passages, 158 words
Text: complete digital text
Source: ambuda · The Works of Sri Sankaracharya, Volume 16 (Miscellaneous Prakaranas, Vol. 2). Srirangam: Sri Vani Vilas… · CC0 1.0 Universal (public domain dedication) — "Distributed by Ambuda under a Creative Commons CC0 1.0…

Text

subtitle

|| śrīḥ ||

title

|| laghuvākyavṛttiḥ ||

1

sthūlo māṃsamayo deho
sūkṣmaḥ syādvāsanāmayaḥ |
jñānakarmendriyaiḥ sārdhaṃ
dhīprāṇau taccharīragau || 1 ||

2

ajñānaṃ kāraṇaṃ sākṣī
bodhasteṣāṃ vibhāsakaḥ |
bodhābhāso buddhigataḥ
kartā syātpuṇyapāpayoḥ || 2 ||

3

sa eva saṃsaretkarma-
vaśāllokadvaye sadā |
bodhābhāsācchuddhabodhaṃ
vivicyādatiyatnataḥ || 3 ||

4

jāgarasvapnayoreva
bodhābhāsaviḍambanā |
suptau tu tallaye bodhaḥ
śuddho jāḍyaṃ prakāśayet || 4 ||

5

jāgare'pi dhiyastūṣṇīṃ-
bhāvaḥ śuddhena bhāsyate |
dhīvyāpārāśca cidbhāsyā-
ścidābhāsena saṃyutāḥ || 5 ||

6

vahnitaptajalaṃ tāpa-
yuktaṃ dehasya tāpakam |
cidbhāsyā dhīstadābhāsa-
yuktānyaṃ bhāsayettathā || 6 ||

7

rūpādau guṇadoṣādi-
vikalprā buddhigāḥ kriyāḥ |
tāḥ kriyā viṣayaiḥ sārdhaṃ
bhāsayantī citirmatā || 7 ||

8

rūpācca guṇadoṣābhyāṃ
viviktā kevalā citiḥ |
saivānuvartate rūpa-
rasādīnāṃ vikalpane || 8 ||

9

kṣaṇe kṣaṇe'nyathābhūtā
dhīvikalpāścitirna tu |
muktāsu sūtravadbuddhi-
vikalpeṣu citistathā || 9 ||

10

muktābhirāvṛtaṃ sūtraṃ
muktayormadhya īkṣyate |
tathā vṛttivikalpaiści-
tspaṣṭā madhye vikalpayoḥ || 10 ||

11

naṣṭe pūrvavikalpe tu
yāvadanyasya nodayaḥ |
nirvikalpakacaitanyaṃ
spaṣṭaṃ tāvadvibhāsate || 11 ||

12

ekadvitrikṣaṇeṣvevaṃ
vikalpasya nirodhanam |
krameṇābhyasyatāṃ yatnā-
dbrahmānubhavakāṅkṣibhiḥ || 12 ||

13

savikalpakajīvo'yaṃ
brahma tannirvikalpakam |
ahaṃ brahmeti vākyena
so'yamartho'bhidhīyate || 13 ||

14

savikalpakacidyo'haṃ
brahmaikaṃ nirvikalpakam |
svataḥsiddhā vikalpāste
niroddhavyāḥ prayatnataḥ || 14 ||

15

śakyaḥ sarvanirodhena
samādhiryogināṃ priyaḥ |
tadaśaktau kṣaṇaṃ ruddhvā
śraddhālurbrahmatātmanaḥ || 15 ||

16

śraddhālurbrahmatāṃ svasya
cintayedbuddhivṛttibhiḥ |
vākyavṛttyā yathāśakti
jñātvāddhābhyamyatāṃ sadā || 16 ||

17

taccintanaṃ tatkathana-
manyonyaṃ tatprabodhanam |
etadekaparatvaṃ ca
brahmābhyāsaṃ vidurbudhāḥ || 17 ||

18

dehātmadhīvadbrahmātma-
dhadārḍhye kṛtakṛtyatā |
yadā tadāyaṃ mriyatāṃ
mukto'sau nātra saṃśayaḥ || 18 ||

trailer

iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchakarabhagavataḥ kṛtau laghuvākyavṛttiḥ saṃpūrṇā ||

Translations (1)

English (machine translation) — English, not yet digitised