[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Non-dualist Vedānta](https://indike.org/pramana/in.darsana.advaita) › [Nyayacandrika](https://indike.org/pramana/in.darsana.advaita.nyayacandrika) › 1.p731 # Nyayacandrika 1.p731 Nyāyacandrikā 1.p731 - **Language:** Sanskrit ### [1.p731](https://indike.org/pramana/in.darsana.advaita.nyayacandrika.1.p731) “duṣṭakāraṇabodhe tu jāte'pi viṣayāntare | arthāttu\[ttu\]lyārthatāṃ prāpya bodho godohanādivat ” || iti | || pramāyā iva bhramasyāpi prāmāṇyābādhaśaṅktātatparihārī || yadapyagādi-mithyājñānasyāpi prāgapavādād bodhātmakatvena prāmāṇyaprasaktau bādhānupapattiḥ- iti, tatra kiṃ prāmāṇyaprasaktirūpatiḥ, jñaptirvā | nādyaḥ; anabhyupagamāt | dvitīye'prasaktapratiṣedhaḥ kvāpi na syāt , aprasaktapratiṣedho nāṅgīkṛtaḥ, \[iti\] vidhirūpameva viśvamapadyeta || || ekasyaiva prāmāṇyāprāmāṇyayoravirodho jñaptau, na tu vastutaḥ || yadapi - na caikasyaiva bodhasya prāmāṇyāprāmāṇye yukte- ityādi , tatra prāmāṇyāprāmāṇyayorekadharmisamāveśe virodhaḥ, utaikadharminiṣṭhatayā jñaptau | prathamo' \[na?\]ṅgīkṛtaḥ | dvitīye na virodhaḥ ; prāgapavādāt prāmāṇyapratītiḥ, apavādādaprāmāṇyapratītirativṛttayeti vyavasthānāt || || bādhābhāvaviśiṣṭabodhātmakatvasyaiva prāmāṇyaprayojakatvād bādhābhāvāpekṣayā paratastvākṣepa-tparihārau bhaṭṭadṛṣṭyā || yattu - na tarhi bodhātmakatvaṃ prāmāṇyaniścāyakam , kiṃ tarhi ? traikālikabādhābhāvaviśiṣṭam - iti, tadasat ; bhramaprabhṛtau bodhābhāse bodhatvābhāvena tasya prāmāṇyaniścāyakatvopapatteḥ | kiñca vedāntasiddhānte jñāna-tatprāmāṇyayoḥ kevalasākṣi- - [Previous: 1.p730](https://indike.org/pramana/in.darsana.advaita.nyayacandrika.1.p730) - [Next: 1.p732](https://indike.org/pramana/in.darsana.advaita.nyayacandrika.1.p732) - [Up: 1](https://indike.org/pramana/in.darsana.advaita.nyayacandrika.1) ## Linked texts (2) - [Nyāyamañjarī](https://indike.org/pramana/in.darsana.nyaya.nyayamanjari.1.3.205) — Jayanta Bhaṭṭa, Sanskrit - [Nyāyacandrikā](https://indike.org/pramana/in.darsana.advaita.vada.nyaya-khandana.nyayacandrika.1.p731) — Ānandapūrṇa Vidyāsāgara, Sanskrit --- Source: [https://indike.org/pramana/in.darsana.advaita.nyayacandrika.1.p731](https://indike.org/pramana/in.darsana.advaita.nyayacandrika.1.p731) · Pramāṇa