Prapancasarasamgraha 1.p4
Prapañcasārasaṃgraha 1.p4
- Language
- Sanskrit
1.p4.1
athocyate mahāyantraṃ raghunandanavigraham
saubhāgyadaṃ vaśyakaraṃ ripunāśakaraṃ param
āyurārogyadaṃ puṃsāṃ grahajvaranivāraṇam
yantraṃ mantramayaṃ proktaṃ mantrātmā devateritā
purā bhagavatāṇyuktaṃ tantre saṃmohanāhvaye
dehātmanoryathā bhedo mantradevatayostathā
tasmātpīṭhe mahāyantraṃ likhitvā tatra pūjayet
vinā yantreṇa cetpūjā devatā na prasīdati
tato vakṣyāmi yantrasya svarūpaṃ gurudarśitam
ṣaṭkoṇaṃ pūrvamālikhya tadagre vṛttamālikhet
bahiraṣṭadalaṃ padmaṃ tataḥ pārthivamaṇḍalam
evaṃ maṇḍalamālikhya śobhanaṃ vyaktamujjvalam
ṣaṭkoṇāntarlikheddhījaṃ sādhyākhyākarmagarbhitam
mānmathenaiva bījena tadbījaṃ veṣṭayedvahiḥ
avaśiṣṭairmanorvarṇaiḥ mānmathaṃ tacca veṣṭayet !
daśākṣareṇa mantreṇa tatsarvaṃ veṣṭayetpunaḥ
agrathādikoṇaṣaṭkeṣu ṣaḍaṅgāni ca vinyaset
śrīṃ hrīmiti likhetpaścāt ṣaṭkoṇasya kapolayoḥ
koṇāgreṣu ca huṃ bījaṃ kesareṣu svarān kramāt
tato mālāmanorvarṇaiḥ pūrvādyaṣṭadaleṣu ca
teṣu saptasu mantrajño vinyasedrasasaṃkhyayā
avaśiṣṭaṃ pañcavarṇaṃ vinyasedaṣṭame dale
vṛttākāreṇa tatsarvaṃ veṣṭayetkādivarṇakaiḥ
bījadvayaṃ likhetpaścāt bhūpṛhe digviṃdikṣu ca
nārasiṃhaṃ mahābījaṃ vārāhaṃ ca mune kramāt || iti
kṣaśabderepha aukārabindunā bhūṣito mune
nīlotpalānāṃ homena vaśayedakhilaṃ jagat
bilvaprasūnairjuhuyādindirāvāptaye naraḥ
dūrvāhomena dīrghāyuḥ bhavenmantrī nirāmayaḥ
raktotpalahutairmantrī dhanamāpnoti vāñchitam
medhākāmena hotavyaṃ palāśakusumairnavaiḥ
tajjaptamambhaḥ prapibetkavirbhavati vatsarāt
tanmantritānnaṃ bhuñjīta mahadārogyamāpnuyāt
1.p4.2
atha sītārāmamantropi likhyate -
suyajña ṛṣiḥ | jagatī chandaḥ | sītārāmo devatā | śrīṃ bījam
svāhā śaktiḥ | oṃ klīṃ hṛt | śrīṃ śrīṃ śiraḥ | rāṃ rāmāya namaḥ śikhā
śrīṃ sītāyai svāhā kavacam | rāṃ śrīṃ śrīṃ netrābhyām | klīṃ oṃ astram
dhyānam -
taptāṣṭāpadabhāṃ videhatanayāṃ rāmāṅkapīṭhasthitāṃ
tadvaktrekṣaṇatatparāmanimiṣāṃ hastasthitābjotpalām
rāmaṃ dāśarathiṃ ramākucalasaddhastaṃ tadāsyekṣaṇaṃ
kastūrīracitasvadakṣiṇakaraṃ dhyāyedabhīṣṭāptaye
praṇavaṃ mānmathaṃ bījaṃ lakṣmībījadvayaṃ tathā
rāmamantraṣaḍarṇaṃ ca sītāmantraṣaḍakṣaram
agnibījaṃ tataḥ paścāt ramābījadvayaṃ tathā
kāmabījaṃ tataḥ paścāt praṇavaṃ ca puṭaṃ kramāt
sītārāmamahāmantraṃ japedvāñchitamāpnuyāt
oṃ klīṃ śrīṃ śrīṃ rāṃ rāmāya namaḥ, śrīṃ sītāyai svāhā, rāṃ śrīṃ śrīṃ klīṃ oṃ
iti mantraḥ
ekaviṃśativarṇo'yaṃ bhuktimuktiprado nṛṇām
ṣaḍakṣaroktavat japapūjādikam || atha yantramṣaṭkoṇaṃ pūrvamālikhya tadagre vṛttamālikhet
bahiraṣṭadaḷaṃ padmaṃ rāmamālāṃ likhet kramāt
pūrvādidaḷaparyantamavasāne'vaśiṣṭakam
ṣoḍaśārṇānbahirlikhya tadbahiḥ praṇavaṃ likhet
ṣaṭkoṇamadhye śrīrāmaṃ lakṣmībījena veṣṭayet
evamuddhṛtya vidhivat mudrāṣaṭkaṃ pradarśayet
gandhapuṣpādidhūpaiśca dīpanaivedyamena ca
evaṃ kurvīta matimān rāmasāyujyamāpnuyāt
nārasiṃho mahāmantraḥ bhajatāṃ kalpabhūruhaḥ
pañcamasvarasaṃyukto hakāro bindubhūṣitaḥ
vārāhabījamityuktaṃ lakṣmīdhanadharāpradam
etadyantraṃ samālikhya sauvarṇe rājate paṭe
bhūrje vā samyaguddhṛtya gulikīkṛtya dhārayet
aputro labhate putramadhano dhanavān bhavet
1.p4.3
kimala bahunoktena sarvasiddhipradaṃ nṛṇām
yantrametatsamālikhya dhāraṇātpātakāpaham
• madhuhomena juhuyāt pāyaseneva vā punaḥ
kuverasadṛśo lakṣmyā vidyayā dhiṣaṇāyate
atha śrīrāmadvādaśākṣarīmantrasya agastya ṛṣiḥ | gāyatrīchandaḥ | śrīrāmo
devatā || rāṃ bījam | śrīṃ śaktiḥ | oṃ hṛt | śrīṃ śiraḥ | bharatāgraja rāma
śikhā | klīṃ kavacam | svāhā astram || dhyānaṃ pūrvavat || oṃ hrīṃ bharatāgraja
rāma klīṃ svāhā || iti mantraḥ
atha śrīrāmaṣoḍaśākṣarīmantrasya agastya ṛṣiḥ | bṛhatīchandaḥ | śrīrāmo
devatā | rāṃ bījam | śrīṃ śaktiḥ || oṃ hṛt | hrīṃ śiraḥ | mūlamantrapadaiḥ
pañcāṅgāni | dhyānaṃ pūrvavat || oṃ namaḥ sītāpataye rāmāya hana hana huṃ phaṭ
iti mantraḥ
atha śrīrāmadvātriṃśadakṣarīmantrasya agastyaṛṣiḥ | anuṣṭupchandaḥ
śrīrāmo devatā | oṃ bījam | śrīṃśaktiḥ | mantrapādaiḥ vyastaissamastaiśca
pañcāṅgāni || dhyānādi pūrvavat
oṃ rāmabhadra maheṣvāsa raghuvīra nṛpottama
daśāsyāntaka māṃ rakṣa śriyaṃ me dehi dāpaya
iti mūlamantraḥ
atha śrīrāmadvātriṃśadakṣarīmantrāntaram —
śukaṛṣiḥ | anuṣṭup chandaḥ | śrīrāmo devatā | rāṃ bījam | āyeti
śaktiḥ | pādacatuṣṭayena samastena ca pañcāṅgāni | dhyānādikaṃ pūrvavat
namo brahmaṇyadevāya rāmāyākuṇṭhatejase
uttamaślokadhuryāya hastadaṇḍārpitāṃghraye
iti mūlamantraḥ | lakṣajapaḥ | sājyapāyasena daśāṃśaṃ homaḥ
atha śrīrāmamantrāntaram —
agastyaṛṣiḥ | bṛhatī chandaḥ | śrīrāmo devatā || hrīṃ bījam
namaḥ śaktiḥ | oṃ hrīṃ śrīṃ drāṃ dāśarathāya sītāvallabhāya trailokyanāthāya namaḥ
iti mūlamantraḥ trayoviṃśatyarṇaḥ | pūrvavat dhyānādikam
1.p4.4
atha rāmamantraprasaṅgāt lakṣmaṇādimantrā likhyante —
lakṣmaṇamantrasya agastya ṛṣiḥ | gāyatrī chandaḥ | lakṣmaṇo devatā
laṃ bījam | namaḥ śaktiḥ | mama puruṣārthacatuṣṭaye(catuṣṭayasiddhyarthe) viniyogaḥ
dvibhujaṃ svarṇaruciratanuṃ padmanibhekṣaṇam
dhanurbāṇakaraṃ rāmasevāsāṃsaktamānasam
laṃ lakṣmaṇāya namaḥ || iti mantraḥ
bharataśatrughnamantrayorapi ṛṣicchandasī pūrvavat | bharataśatrughnau devatā
bhaṃ bharatāya namaḥ || śaṃ śatrughnāya namaḥ || iti mantraḥ
hanumanmantrasya īśvaraṛṣiḥ | anuṣṭup chandaḥ | hanūmān devatā
hrāṃ bījam | namaḥ śaktiḥ | maṃ kīlakam | mama hanumatprītyarthe jape viniyogaḥ
oṃ namo bhagavate āñjaneyāya hṛt | rudramūrtaye śiraḥ | vāyusutāya śikhā
agnigarbhāya kavacam | rāmadūtāya netram | brahmāstranivāraṇāya astram
etaireva karanyāsaśca
sphaṭikābhaṃ svarṇakāntiṃ dvibhujaṃ ca kṛtāñjalim
kuṇḍaladvayasaṃśobhimukhāmbhojaṃ muhurbhaje
hrīṃ oṃ namo bhagavan prakaṭaparākrama ākrāntadiṅmaṇḍala yaśovitānadhavalīkṛtajagattritaya vajradeha rudrāvatāra laṅkāpurīdahana udadhibandhana daśagrīvakṛtāntaka sītāśvāsana añjanāgarbhasaṃbhava rāmalakṣmaṇānandakara kapisainyaprākāraka
sugrīvadhāraṇa parvatotpāṭana bālabrahmacārin gambhīraśabda sarvagrahavināśana sarvajvarotsādana ḍākinīvidhvaṃsin auṃ hrīṃ hā hā hā haṃsa haṃsa ehi sarvaviṣaṃ hara hara
parabalaṃ kṣobhaya kṣobhaya mama sarvakāryāṇi sādhaya sādhaya huṃ phaṭ svāhā
iti hanumanmālāmāntraḥ
etān lakṣmaṇādimantrān rāmamantrāṅgatvena yathāśakti japet
1.p4.5
atha śrīrāmamantraprasaṅgāt śrīrāmasandhyāvandanamapi kalpāntaroktamatra
yogyatāvaśāt likhyate -asya śrīrāmasandhyāvandanasya agastyabhagavān ṛṣiḥ | gāyatrī chandaḥ
śrīraghunātho devatā | astramantreṇa jalaṃ saṃśodhya cakrīkṛtya kavacamantreṇāvakuṇṭhya paścāt , 'brahmāṇḍodaratīrthāni karaiḥ spṛṣṭāni te rave | tena satyena me deva
tīrthaṃ dehi divākara||' iti mantreṇādityāt jalaṃ prārthya aṅkuśamudrayā maṇḍalaṃ
vibhidya kare tajjalamādāya , 'gaṅge ca yamune ce'ti 'mantreṇa tajjalaṃ jale
pratiṣṭhāpya āvāhanādiṣaṇmudrāḥ pradarśayet | 'āvāhito bhava | saṃsthāpito
bhava | sannihito bhava | saṃpiṇḍito bhava | saṃmukho bhava |--amṛtāyito bhava
--iti |--paścāt gandhapuṣpadhūpadīpanaivedyaiḥ saṃpūjya , oṃ namo bhagavate raghunandanāya
--rakṣoghnaviśāradāya madhuraprasannavadanāyāmitatejase--balāya rāmāya--viṣṇave namaḥ
iti--mālāmanunā añjalinā jalamādāya , dakṣiṇakarasthaṃ jalaṃ vāmakare nikṣipya,
mālāmanuṃ navadhā vibhajya, navaprokṣaṇaṃ kuryāt | avaśiṣṭaṃ jalaṃ dakṣiṇakare
gṛhītvā , 'huṃ jānakīvallabhāya svāhā' iti pibet | paścādarghyam || asya
śrīrāmārghyamantrasya |' agastya 'ṛṣiḥ | 'gāyatrī chandaḥ | śrīrāmacandro devatā
dāśarathāya aṃguṣṭhābhyāṃ namaḥ | 'vidmahe 'tarjanībhyāṃ namaḥ | sītāvallabha
--madhyamābhyāṃ namaḥ |--dhīmahi anāmikābhyāṃ namaḥ | tanno rāmaḥ kaniṣṭhikābhyāṃ
namaḥ | pracodayāt --karatalakarapṛṣṭhābhyāṃ-- namaḥ | --iti kare nyastvā --anena
-mantreṇāṅganyāsa--kuryāt |-- dāśarathāya hṛt |-- vidmahe--śiraḥ | sītāvallabha
1.p4.6
śikhā | dhīmahi kavacam | tanno rāmaḥ netram | pracodayāt astram
iti | paścāt,
sūryyamaṇḍalamadhyasthaṃ rāmaṃ sītāsamanvitam
namāmi puṇḍarīkākṣamāñjaneyaguruṃ param
iti ślokena sūryyamaṇḍale rāmaṃ dhyātvā dāśarathāya vidmahe sītāvallabha dhīmahi
tanno rāmaḥ pracodayāt || iti ravimaṇḍalamadhyasthāya rāmāya namorghyaṃ samarpayāmi
ityarghyatrayaṃ samarpya jalamādāya tīre gatvā śrīṃ sītāyai svāheti ātmānaṃ pariṣicyādityābhimukho bhūtvā śrīrāmacandrohamasmīti ātmānaṃ bhāvayet | tato
jalamāviśya rāṃ rāmāya namaḥ rāmaṃ tarpayāmi ityekaviṃśativāraṃ saṃtarpya paścātsītādīn tattanmanunā tarpayet | avaśiṣṭaśrīrāmadevatāḥ saṃgṛhya samastaśrīrāmadevatābhyastarpayāmi iti tarpayet || tataḥ aiṃ rāmāya nama iti kare jalamādāyābhimantrya triḥ pibet | tataḥ ācamya rāmāya nama iti anuṣṭhitaṃ sarvaṃ rāmāyārpayet
Linked texts (4)
- Nāradapurāṇa — Vyāsa, Sanskrit
- Dāśarathīyatantra — Sanskrit
- Śrītattvanidhi — Sanskrit
- Tattvanidhi — Kṛṣṇadevarāya, Sanskrit