[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Non-dualist Vedānta](https://indike.org/pramana/in.darsana.advaita) › [Polemics and dialectics](https://indike.org/pramana/in.darsana.advaita.vada) › [Critique of Nyāya-Vaiśeṣika](https://indike.org/pramana/in.darsana.advaita.vada.nyaya-khandana) › [Nyayacandrika](https://indike.org/pramana/in.darsana.advaita.vada.nyaya-khandana.nyayacandrika) › 1.p1021 # Nyayacandrika 1.p1021 Nyāyacandrikā 1.p1021 - **Language:** Sanskrit ### [1.p1021](https://indike.org/pramana/in.darsana.advaita.vada.nyaya-khandana.nyayacandrika.1.p1021) samānadharmavatsu¹ pratiniyatapratiyogivyaṅgyeṣu yugapatsaṃyuktaviśeṣaṇatayendriyasambandhe\[ddhe\]ṣu vyabhicārācca | na ca varṇātiriktadhvanerasiddhiḥ; dūrādākarṇayato varṇavyaktimapratipadyamānasya yaḥ karṇapathamavatarati, pratyāsīdataśca varṇavyaktimupajanayati, tasya dhvanitvenābhidhānāt | kiñca svapakṣasādhanamidam , parapakṣe'niṣṭaprasañjanaṃ vā | ādye yugapadindriyasambandha\[ddha\]tvamāyuṣmato'siddham | dvitīte tūpādhyuparāgadvārāaiva varṇānāmindriyasambandhaḥ, na ²svarūpeṇetyasmābhirabhyupagamād yugapadindriyasambandha\[ddha\]tvāsiddhiḥ || || varṇanityatve sādhite prakṛtaṃ vedāpauruṣeyatvasādhanamupakramate tatrānīśvaravacanatve sati śrāvaṇatvena hetunā || tadevaṃ varṇanityatvasiddhau vedasyāpauruṣeyatvaṃ prayogamadhirohati—vedaḥ, na svārthapramitipurassaraḥ, anīśvaravacanānyatve sati ³śrāvaṇatvāt ; śabdatvavaditi | anīśvarapraṇītatvātyantābhāvādhikaraṇatvamanīśvaravacanānyatvam | ato yatkiñcidanīśvaravacanānyatvam , sarvānīśvaravacanānyatvaṃ veti na vikalpāvakāśaḥ || || vedaḥ, apauruṣeyaḥ, asmaryamāṇakartṛkatvāditi māhnānumāne jayanta bhaṭṭoktaṃ dūṣaṇam—kartṛsmaraṇamaprayojakam , kālasyātidavīyastvena karturniyataśarīrābhāvena cedantayā'smaraṇamityādi || kiñca vedaḥ, uktasādhyaḥ, asmaryamāṇakartṛkatvāt ; ātmavat | yadapyudbhrānta- - [Previous: 1.p1020](https://indike.org/pramana/in.darsana.advaita.vada.nyaya-khandana.nyayacandrika.1.p1020) - [Next: 1.p1022](https://indike.org/pramana/in.darsana.advaita.vada.nyaya-khandana.nyayacandrika.1.p1022) - [Up: 1](https://indike.org/pramana/in.darsana.advaita.vada.nyaya-khandana.nyayacandrika.1) ## Linked texts (1) - [Nyāyacandrikā](https://indike.org/pramana/in.darsana.advaita.nyayacandrika.1.p1021) — Gaṅgādhara, Sanskrit --- Source: [https://indike.org/pramana/in.darsana.advaita.vada.nyaya-khandana.nyayacandrika.1.p1021](https://indike.org/pramana/in.darsana.advaita.vada.nyaya-khandana.nyayacandrika.1.p1021) · Pramāṇa