[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Non-dualist Vedānta](https://indike.org/pramana/in.darsana.advaita) › [Polemics and dialectics](https://indike.org/pramana/in.darsana.advaita.vada) › [Vicaratrayi](https://indike.org/pramana/in.darsana.advaita.vada.vicaratrayi) › 13.1.18 # Vicaratrayi 13.1.18 Vicāratrayī 13.1.18 - **Language:** Sanskrit ### [13.1.18](https://indike.org/pramana/in.darsana.advaita.vada.vicaratrayi.13.1.18) virakto vā madbhakto vānapekṣakaḥ | saliṅgānāśramāṃstyaktvā caredavidhigocara' ityuddhavaṃ prati bhagavaduktermumukṣudaśāyāmeva yadā vidhyagocaratvaṃ kimu vaktavyaṃ jīvanmuktānām | kiṃcāptakāmānāṃ necchāsaṃbhavo'sti yena yatheṣṭācāra āpādanīyaḥ | nāpi śāstrasyecchāsti taduddeśena vidheradarśanāt | tavecchāyāstvakiṃcitkaratvāt | nāpi jñānājñānadaśayoḥ prakṛtivikṛtibhāvo'sti yenājñānadaśāyāṃ vihitāni karmāṇi jñānadaśāyāmatidiśyeran | akarmatvājjñānadaśāyāḥ nāpyajñānenābhimatāni varṇāśramādīni jñāne'pyabhimatya tathaivācaritavyamiti niyamo'sti| nāpi lokanindānivṛttyarthamiti vaktuṃ śakyaṃ anātmajñalokānāṃ mūrkheṣu gaṇanāt | 'avidyāyāmantare vartamānāḥ svayaṃ dhīrāḥ paṇḍitaṃmanyamānāḥ | jaṅghanyamānāḥ pariyanti mūḍhā andhenaiva nīyamānā yathāndhā' itiśrutestannindāyā aprayojakatvāt | ātmajñeṣu tu nindāstutyorasaṃbhavāt | kiṃca saṃsāraduḥkhasaṃtrastasyākhaṇḍaniratiśayasukhalābhe tatrākhaṇḍaviśrāntirevārthikī na sadācāro nācaro vā tamākramituṃ śaktaḥ | kadācidviśrāntipratibandhe punaḥ punaḥ praṇavārthavicāreṇa viśvamithyātvaṃ niścityaikātmaviśrāntiḥ saṃpādanīyā ityapi vaktumaśakyam | yathāha vasiṣṭhaḥ'cidvyomaikāntaniṣṭhatvātprayatnena vinā sukham | na vetti śuddhabodhātmā yaḥ sa viśrānta ucyate | sarva eva parikṣīṇāḥ saṃdehā yasya kṣitadhiṣaṇā śikṣitadhiṣaṇayā bādhyate śikṣāphalasya vaktavyatvāt nahi pūrvabuddhiparāvṛttimapahāyānyatphalaṃ śikṣitabuddheḥ sadūham - [Previous: 13.1.17](https://indike.org/pramana/in.darsana.advaita.vada.vicaratrayi.13.1.17) - [Next: 13.1.19](https://indike.org/pramana/in.darsana.advaita.vada.vicaratrayi.13.1.19) - [Up: 13.1](https://indike.org/pramana/in.darsana.advaita.vada.vicaratrayi.13.1) ## Linked texts (1) - [Jīvanmuktiviveka](https://indike.org/pramana/in.darsana.advaita.sastra.jivanmuktiviveka.2.17_2.p10) — Mādhava, Sanskrit --- Source: [https://indike.org/pramana/in.darsana.advaita.vada.vicaratrayi.13.1.18](https://indike.org/pramana/in.darsana.advaita.vada.vicaratrayi.13.1.18) · Pramāṇa