Bhagavadgita 119
Bhagavadāśayānusaraṇabhāṣya 119
- Language
- Sanskrit
119.2
ityādi yad uktaṃ tad upasaṃhṛtam /
adhunā dharmaviṣayam adharmādhyāropaṇam /
tannirāsāya prajñāvādāṃś ca ity uktaṃ
(yat) tat prastūyate --
119.3
svadharmam api cāvekṣya na vikampitum arhasi /
dharmyād dhi yuddhāc chreyo 'nyat kṣatriyasya na vidyate //
119.4
dharmād anapetaṃ dharmyaṃ yuddham / tato 'nyan na vidyate śreyaskaram /
kṣatriyagrahaṇaṃ pradarśanārtham /
anyeṣām api svadharmānuṣṭhānaṃ
śreyaskaram / tad anena prakāreṇa śreyaskare jñānaṃ karma ca
samuccinoti // 32 //
119.5
itaś ca yuddhaṃ kartavyam ---
119.6
yadṛcchayā copapannaṃ svargadvāram apāvṛtam /
sukhinaḥ kṣatriyāḥ pārtha labhante yuddham īdṛśam //
119.7
ayatnopanītaṃ svargasya dvāram apāvṛtam udghāṭitam /
sukhinaḥ sukhabhāgino hi labhante yuddham īdṛśaṃ netare /
atha vā kiṃ sukhinaḥ kleśabhīravo labhante /
mandabhāgyā ityabhiprāyaḥ // 33 //
119.8
yadi cetthaṃ kartavyaṃ prāptam ---
119.9
atha cet tvam imaṃ dharmyaṃ saṅgrāmaṃ na kariṣyasi /
tataḥ svadharmaṃ kīrtiṃ ca hitvā pāpam avāpsyasi //
119.10
tataḥ svadharmaṃ kīrtiṃ ca mahādevādiyuddhanimittāṃ
hitvā pāpaṃ pratipadyase // 34 //
Linked texts (1)
- Bhagavadgītā — Vyāsa, Sanskrit