Bhagavadgita 141
Bhagavadāśayānusaraṇabhāṣya 141
- Language
- Sanskrit
141.2
īśvarārādhanārthaṃ karmety anayā buddhyā
yuktaḥ karma kurvan parityajaty anārabdhaphale
janmāntarakṛte śubhāśubhakarmaṇī /
ye tv ārabdhaphale tayor bhogenaiva kṣayaḥ /
asmin śarīre tayor bhogarūpeṇa pariṇatatvāt /
tathā ca śrutiḥ ---
tasya tāvad eva ciraṃ yāva(d asmāc charīrā)n na
vimokṣye 'tha sampatsya iti /
yāvad asmāc charīrān na vimokṣyate
tāvad asya viduṣaś ciram ity avadhikaraṇāt /
tasmāt samatvayogāya yujyasva /
kaḥ punar yogaḥ / (yogaḥ) karmasu kauśalam /
idaṃ tāvad brahmaṇi samarpaṇaṃ karmaṇaḥ
phalasaṅkalparahitatā ca // 51 //
141.3
kiṃ punar evaṃ kṛte syāt ---
141.4
karmajaṃ buddhiyuktā hi phalaṃ tyaktvā manīṣiṇaḥ /
janmabandhavinirmuktāḥ padaṃ gacchanty anāpayam //
141.5
śubhetarakarmajaṃ phalaṃ tyaktvā manīṣiṇo manasa īṣiṇo
brahmabhāvāpāditamanovṛttayo janmaiva bandhas tato
vinirmuktāḥ padaṃ viṣṇoḥ sthānaṃ gacchanty anāmayaṃ
sarvopadravarahitam // 52 //
141.6
kadā punar evaṃ kramas tvaṃ śuddhatarabuddhir nirvedaṃ
pratipadyase / tad āha ---
141.7
yadā te mohakalilaṃ buddhir vyatitariṣyati /
tadā gantāsi nirvedaṃ śrotavyasya śrutasya ca //
Linked texts (1)
- Bhagavadgītā — Vyāsa, Sanskrit