Bhagavadgita 70
Bhagavadāśayānusaraṇabhāṣya 70
- Language
- Sanskrit
70.2
mā klaivyaṃ gaccha kaunteya naitat tvayy upapadyate /
kṣudraṃ hṛdayadaurbalyaṃ tyaktvottiṣṭha parantapa //
70.3
klaibyam amanuṣyatvaṃ dīnabhāvaṃ mohān mā gaccha mā āśraya
yatas tvayi khāṇḍavānalatarpaṇena saṅgrāmārādhitatryambakatayā
nivātakavacavadhaparitoṣitapurandaratvādibhir upādānair deveṣv api
prakhyātapauruṣe naitad upapadyate na sambhāvyate /
atas tvaṃ hṛdayasyālpasāratvaṃ kṣudram alpavastubhūtaṃ
nyūnahṛdayatvaṃ kāpuruṣasevitaṃ tyaktvā rathopasthād uttiṣṭha /
utthāya ca yuddhāya sajjo bhavety āśayaḥ /
parantapety anenārjunaṃ protsāhayati // 3 //
70.4
evaṃ bhagavatokte 'rjuna uvāca ---
70.5
kathaṃ bhīṣmam ahaṃ saṅkhye droṇaṃ ca madhusūdana /
iṣubhiḥ pratiyotsyāmi pūjārhāv arisūdana //
70.6
kathaṃ kena prakāreṇa kayā yuktyā bhīṣmādīn mānanīyān ahaṃ
pratiyotsyāmi / madhusūdanārisūdaneti bhaktaḥ punaḥ punar āsthāṃ
karoti samakrameṇa // 4 //
70.7
kim iti na ca pratiyotsyāmīty āha ---
70.8
gurūn ahatvā hi mahānubhāvān śreyaś cartuṃ bhaiṣkyam apīha loke /
na tv arthakāmas tu gurūn nihatya bhuñjīya bhogān rudhir apradigdhān //
Linked texts (1)
- Bhagavadgītā — Vyāsa, Sanskrit