[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [General works and doxographies](https://indike.org/pramana/in.darsana.all) › [Bhagavadgītā](https://indike.org/pramana/in.darsana.all.gita) › [Bhagavadashayanusaranabhashya](https://indike.org/pramana/in.darsana.all.gita!bhaskara) › 86 # Bhagavadgita 86 Bhagavadāśayānusaraṇabhāṣya 86 - **Language:** Sanskrit ### [86.2](https://indike.org/pramana/in.darsana.all.gita!bhaskara.86.2) kasya tac charīram / sarveṣāṃ tat sambandhāviśeṣād abhisandhyādivaśāt syād vyavastheti cet abhisandhyādiṣu caikatulyatvād ekasmin manasi sarveṣāṃ samavāyāḥ saṅkalpādayaḥ samānās tatpūrvakaṃ karma tannimittaṃ ca śarīram iti sarvasādhāraṇyān na kadācid asādhāraṇyahetuḥ śakyate kenacid darśayitum / anāditvasyāsmatpakṣe 'py aviśeṣād aṇuparimāṇāś ca jīvā iṣyante / kasmāt / utkrāntigatyāgatiśruteḥ / liṅgaśarīrasya ca saṅkocavikāsadharmiṇor aṇurūpatvād aupādhikam aṇutvaṃ jīvasya gīyate / paramātmarūpeṇa tu sarvagatatvaṃ jīvasyeti sthitam // 13 // ### [86.3](https://indike.org/pramana/in.darsana.all.gita!bhaskara.86.3) (tasya) nityatve lokasiddhaṃ dṛṣṭāntam ācaṣṭe ### [86.4](https://indike.org/pramana/in.darsana.all.gita!bhaskara.86.4) dehino 'smin yathā deho kaumāraṃ yauvanaṃ jarā / tathā dehāntaraprāptir dhīras tatra na muhyati // ### [86.5](https://indike.org/pramana/in.darsana.all.gita!bhaskara.86.5) yathā bālyayauvanasthāvireṣu so 'ham asmīti pratyabhijñānān nityatvam ātmanaḥ pratyakṣapramāṇasiddham / dehasyaivāvasthāntarāpattir nātmana iti tathā nityasyaiva tatrāvasthitasya (ātmanaḥ) dehāntaraprāptiḥ / tatra dhīro dhīmān na muhyati / yadi tarhy avināśitvam ātmanas tad idānīṃ vṛthā te śokaḥ samupasthitaḥ katham // 14 // ### [86.6](https://indike.org/pramana/in.darsana.all.gita!bhaskara.86.6) śītoṣṇādikṛtaiḥ sukhaduḥkhaiḥ saṃyogā(t tada)nuparama iti / tac ca --- ## Linked texts (1) - [Bhagavadgītā](https://indike.org/pramana/in.darsana.all.gita.2.12) — Vyāsa, Sanskrit --- Source: [https://indike.org/pramana/in.darsana.all.gita!bhaskara.86](https://indike.org/pramana/in.darsana.all.gita!bhaskara.86) · Pramāṇa