[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [General works and doxographies](https://indike.org/pramana/in.darsana.all) › [Bhagavadgītā](https://indike.org/pramana/in.darsana.all.gita) › [Balabodhini](https://indike.org/pramana/in.darsana.all.gita!g-s-pathak) › 16.11 # Bhagavadgita 16.11 Bālabodhinī 16.11 - **Language:** Sanskrit ### [16.11](https://indike.org/pramana/in.darsana.all.gita!g-s-pathak.16.11) asurāḥ aparimeyāṃ parimātuṃ aśakyā aparimeyā tāṃ aparimeyāṃ aparimitāṃ ciṃtāṃ idaṃ kṛtvā idaṃ kariṣyāmi idaṃ kathaṃ bhaviṣyati ityādirūpāṃ aṃtaḥkaraṇapravṛttiṃ upāśritāḥ āśritya sthitāḥ | punaḥ kathaṃbhūtāḥ asurāḥ | kāmopabhogaparamāḥ kāmyaṃte iṣyaṃti iti kāmāḥ śabdādiviṣayāḥ kāmānāṃ upabhogaḥ prītyā sevanaṃ kāmopabhogaḥ kāmopabhoga eva paramaḥ paramapuruṣārthaḥ yeṣāṃ te kāmopabhogaparamāḥ | kāmopabhogaparamatvaṃ teṣāmeva darśayati | punaḥ kathaṃbhūtāḥ | etāvat kāmopabhoga eva puruṣārthaḥ nānyatkimapi janmasāphalyaṃ iti evaṃ prakāreṇa niścitāḥ niścayaḥ saṃjāto yeṣāṃ te niścitāḥ niścayavaṃtaḥ | kathaṃbhūtāṃ ciṃtām | pralayāṃtāṃ pralaya eva maraṇameva aṃtaḥ paryavasānaṃ yasyāḥ sā pralayāṃtā tāṃ pralayāṃtām | āśāpāśaśatairiti | kiṃca asurajanāḥ iti śeṣaḥ| kāmabhogārthaṃ kāmānāṃ īpsitakāmānāṃ bhogaḥ viṣayasevanaṃ kāmabhogaḥ kāmabhogāya iti kāmabhogārthaṃ anyāyena cauryādinā arthasaṃcayān arthānāṃ dravyāṇāṃ saṃcayāḥ rāśayaḥ arthasaṃcayāḥ tān arthasaṃcayān īhaṃte icchaṃti | kurvaṃtītyarthaḥ | kathaṃbhūtāḥ asurajanāḥ | āśāpāśaśataiḥ āśā eva sadasatpadārthalipsā eva pāśāḥ baṃdhanarāghavaḥ āśāpāśāḥ āśāpāśānāṃ śatāni anekāni āśāpāśaśatāni taiḥ āśāpāśaśataiḥ baddhāḥ pāśitāḥ | punaḥ kathaṃbhūtāḥ | kāmakrodhaparāyaṇāḥ kāmaḥ viṣayābhilāṣaḥ ca krodhaḥ viṣayapratighātaḥ kāmakrodhau kāmakrodhau paraṃ gamananirodhakaṃ - [Previous: 16.10](https://indike.org/pramana/in.darsana.all.gita!g-s-pathak.16.10) - [Next: 16.12](https://indike.org/pramana/in.darsana.all.gita!g-s-pathak.16.12) - [Up: 16](https://indike.org/pramana/in.darsana.all.gita!g-s-pathak.16) ## Linked texts (1) - [Bhagavadgītā](https://indike.org/pramana/in.darsana.all.gita.16.12) — Vyāsa, Sanskrit --- Source: [https://indike.org/pramana/in.darsana.all.gita!g-s-pathak.16.11](https://indike.org/pramana/in.darsana.all.gita!g-s-pathak.16.11) · Pramāṇa