[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [General works and doxographies](https://indike.org/pramana/in.darsana.all) › [Bhagavadgītā](https://indike.org/pramana/in.darsana.all.gita) › [Tattvaprakashika](https://indike.org/pramana/in.darsana.all.gita!kesava-kasmiri) › 3.45 # Bhagavadgita 3.45 Tattvaprakāśikā 3.45 - **Language:** Sanskrit ### [3.45](https://indike.org/pramana/in.darsana.all.gita!kesava-kasmiri.3.45) ta0 ṭī0-nanu yadi svargādikaṃ phalaṃ paramārtharūpaṃ na bhavati cettarhi apauruṣeyatayā nirdoṣā vedāḥ sarvajanasya hitārthāvabodhane pravṛttāḥ kimiti svargādyuddeśena karmāṇi vidadhatīti cettatrāha-traiguṇyaviṣayā iti | trayo guṇāḥ sattvarajastamāṃsi tatra bhavāstadvṛttisthāḥ puruṣāstraiguṇyaśabdavācyāḥ | tatra kecit sattvā'dhikāḥ kecidrajo'dhikāḥ kecittamo'dhikā iti trividhā janā bhavanti tadvipayā vedā upaniṣadyatiriktāḥ kāmyaphalādyābhidhāyakāḥ yo yatkāmastasya tadeva vihitaṃ tadanusāreṇa tattatphalastutitatprakārāṃstatsādhanāni karmāṇi bodhayanti | yadi teṣāṃ tattadguṇānusāreṇa tattaddhitasādhanaṃ vedā na bodhayeyustarhi tattvajñānaniṣṭhābhāvāt triguṇavilakṣaṇamokṣaphalamajānantaḥ svābhimatasvargādiphalahitaprāptisādhanāni karmāṇyapyavijñāyobhayathā naṣṭā bhaveyuriti taddhitakarmabodhanāttraiguṇyaviṣayā iti yuktamuktam | he arjuna ! tvaṃ tu nistraiguṇyo bhaveti triguṇamayasvargādiphalatatsādhanatatpratipādakavedāniṣṭho bhava | vedavihite'pi triguṇātmakaphalasādhanādau niḥspṛho bhaveti bhāvaḥ | nanu svargādau niḥspṛhatve'pi sarvasyānravastrādestriguṇamayatvameva tasya ca dehanirvāhārthamavaśyāpekṣitatvāt kathaṃ nistraiguṇyasambhava ityata āha-nirdvandva iti | dvandvāni śītoṣṇakṣudhāpipāsāsukhaduḥkhāni tadrahito bhava tāni sahasvetyarthaḥ| kathamiti cettatrāha-nityasattvastha iti | nityasattvaṃ rajastamobhyāmanabhibhūtaṃ sattvaṃ tallakṣaṇaṃ dhairyaṃ tatrasthaḥ san rajastamo'bhibhūtasattvaḥ puruṣaḥ śītoṣṇādiprāptau maraṇabhayena dhairyātpracalati tvaṃ tu rajastamasī abhibhūya śuddhasattvaniṣṭho bhaveti bhāvaḥ | nanu parigrahagatastadyogakṣemārthinaḥ kuto nityasattvasthatvamiti cettatrāha-niryogakṣema iti | apekṣitasya lābho yogaḥ labdhasya rakṣaṇaṃ kṣemastannirapekṣo bhava| evaṃ cetkathaṃ me nirvāho bhaviṣyatīti sandeho na kartavya ityāha-ātmavāniti | ātmā paramātmā sarvābhīṣṭaprado dhyeyatayā vidyate yasya sa tathā tadāśrito bhūtvā cintāṃ vihāya kiñcidyogakṣemāya nānyaṃ kañcana samāśrayeti bhāvaḥ | - [Previous: 3.44](https://indike.org/pramana/in.darsana.all.gita!kesava-kasmiri.3.44) - [Next: 3.46](https://indike.org/pramana/in.darsana.all.gita!kesava-kasmiri.3.46) - [Up: 3](https://indike.org/pramana/in.darsana.all.gita!kesava-kasmiri.3) ## Linked texts (1) - [Bhagavadgītā](https://indike.org/pramana/in.darsana.all.gita.2.45) — Vyāsa, Sanskrit --- Source: [https://indike.org/pramana/in.darsana.all.gita!kesava-kasmiri.3.45](https://indike.org/pramana/in.darsana.all.gita!kesava-kasmiri.3.45) · Pramāṇa