[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [General works and doxographies](https://indike.org/pramana/in.darsana.all) › [Bhagavadgītā](https://indike.org/pramana/in.darsana.all.gita) › [Tattvaprakashika](https://indike.org/pramana/in.darsana.all.gita!kesava-kasmiri) › 3.61 # Bhagavadgita 3.61 Tattvaprakāśikā 3.61 - **Language:** Sanskrit ### [3.61](https://indike.org/pramana/in.darsana.all.gita!kesava-kasmiri.3.61) ta0 ṭī0-yasmādavaśīkṛtendriyāṇyanarthakāraṇāni tasmānmumukṣuṇā prathamaṃ tajjayaḥ kartavya ityāhatānīti | tāni duṣṭāni sarvāṇīndriyāṇi saṃyamya samyaṅniyamya vaśīkṛtya yuktaḥ dhyeye niyuktamanā āsīta samādadhyādityarthaḥ | nanu yadi tāni pramāthīni tarhi kathaṃ teṣāṃ saṃyamaḥ syādityata āhamatpara iti | ahaṃ hṛṣīkeśaḥ para utkṛṣṭa upāyo yasya sa tathā madāśrayo bhūtvā anāyāsena jayedityarthaḥ | madāśrayaṇaṃ vinendriyāṇi vaśīkartumaśakyānīti bhāvaḥ | indriyavaśīkaraṇameva puruṣārthakāraṇamityāhavaśe hīti | hītyavadhāraṇe | yasya sādhakasyendriyāṇi vaśe bhavanti tasyaiva prajñā pratiṣṭhitā bhavati nānyasyetyarthaḥ | etāvatā kimāsītetyasyottaramuktam | - [Previous: 3.60](https://indike.org/pramana/in.darsana.all.gita!kesava-kasmiri.3.60) - [Next: 3.63](https://indike.org/pramana/in.darsana.all.gita!kesava-kasmiri.3.63) - [Up: 3](https://indike.org/pramana/in.darsana.all.gita!kesava-kasmiri.3) ## Linked texts (1) - [Bhagavadgītā](https://indike.org/pramana/in.darsana.all.gita.2.61) — Vyāsa, Sanskrit --- Source: [https://indike.org/pramana/in.darsana.all.gita!kesava-kasmiri.3.61](https://indike.org/pramana/in.darsana.all.gita!kesava-kasmiri.3.61) · Pramāṇa