[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [General works and doxographies](https://indike.org/pramana/in.darsana.all) › [Bhagavadgītā](https://indike.org/pramana/in.darsana.all.gita) › [Tattvaprakashika](https://indike.org/pramana/in.darsana.all.gita!kesava-kasmiri) › 3.63 # Bhagavadgita 3.63 Tattvaprakāśikā 3.63 - **Language:** Sanskrit ### [3.63](https://indike.org/pramana/in.darsana.all.gita!kesava-kasmiri.3.63) ta0 ṭī0-evaṃ vaśīkṛtendriyatvaṃ sthitaprajñatālakṣaṇamuktamidānīṃ bāhyendriyasaṃyame satyapi manaḥsaṃyamābhāve'narthaprāptiḥ syādityāha-dhyāyataḥ iti dvābhyām | viṣayān rūparasādīndhyāyato manasā punaḥ punaścintayataḥ puṃsasteṣu saṅga āsaktiḥ sukhahetubuddhyā prītyatiśaya upajāyate | saṅgātkāmaḥ saṅgasya pariṇāmo'vasthāviśeṣaḥ, yasmin jāte puruṣo viṣayānubhūya vadhiro'ndha unmatta iva jāyate 'sa kāmaḥ samyagjāyate | kāmāt krodho'bhijāyate kāme jāte viṣayaprāptipratibandhe sati tatpratibandhakeṣu janeṣu abhijvalanātmakacode: hi-Deva, script: Devanagari, reading order: ltrko'ntaḥkaraṇapariṇāmaḥ krodhaḥ sākṣājjāyate | krodhātsaṃmohaḥ kāryākāryāviveko bhavati | saṃmohāt smṛtivibhramaḥ smṛterācāryopadiṣṭaśāstrārthavicārasya vibhramo bhraṃśo bhavati | smṛtibhraṃśātsukharūpātmavyavasāyātmikāyā buddhernāśaḥ | buddhināśātpraṇaśyati sarvapuruṣārthahīno mṛtatulyo bhavatītyarthaḥ | tasmānmanonigraho'vaśyaṃ kartavya iti bhāvaḥ | - [Previous: 3.61](https://indike.org/pramana/in.darsana.all.gita!kesava-kasmiri.3.61) - [Next: 3.64](https://indike.org/pramana/in.darsana.all.gita!kesava-kasmiri.3.64) - [Up: 3](https://indike.org/pramana/in.darsana.all.gita!kesava-kasmiri.3) ## Linked texts (1) - [Bhagavadgītā](https://indike.org/pramana/in.darsana.all.gita.2.63) — Vyāsa, Sanskrit --- Source: [https://indike.org/pramana/in.darsana.all.gita!kesava-kasmiri.3.63](https://indike.org/pramana/in.darsana.all.gita!kesava-kasmiri.3.63) · Pramāṇa