[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [General works and doxographies](https://indike.org/pramana/in.darsana.all) › [Bhagavadgītā](https://indike.org/pramana/in.darsana.all.gita) › [Gudharthadipika](https://indike.org/pramana/in.darsana.all.gita!madhusudana) › 3.1.3 # Bhagavadgita 3.1.3 Gūḍhārthadīpikā 3.1.3 - **Language:** Sanskrit ### [3.1.3](https://indike.org/pramana/in.darsana.all.gita!madhusudana.3.1.3) 4 madhusūdanīvyākhyā | jīvanmuktiriti guṇātīta lakṣaṇakathanena prapañcitā | 'tadā gantāsi nirvedam' ityādinā sūtritā paravairāgyaniṣṭhā saṃsāravṛkṣacchedadvārā pañcadaśe | 'duḥkheṣvanudvignamanā' ityādinā sthitaprajñalakṣaṇena sūtritā paravairāgyopakāriṇī daivī saṃpadādeyā | 'yāmimāṃ puṣpitāṃ vācam' ityādinā sūtritā tadvirodhinyāsurarī saṃpacca heyā ṣoḍaśe | daivasaṃpado'sādhāraṇaṃ kāraṇaṃ ca sātvikī śraddhā 'nidvaindvo nityasattvasthaḥ' ityādinā sūtritā tadvirodhaparihāreṇa saptadaśe | evaṃ saphalā jñānaniṣṭhā adhyāyapañcakena pratipāditā | aṣṭādaśena ca pūrvoktasarvopasaṃhāra iti kṛtsnagītārthasaṃgatiḥ | tatra pūrvādhyāye sāṃkhyabuddhimāśritya jñānaniṣṭhā bhagavatoktā 'eṣā te'bhihitā sāṃkhye buddhiḥ' iti | tathā yogabuddhimāśritya karmaniṣṭhoktā 'yoge tvimāṃ śṛṇu' ityārabhya 'karmaṇyevādhikāraste... mā te saṅgo'stvakarmaṇi' ityantena | na cānayorniṣṭhayoradhikāribhedaḥ spaṣṭamupadiṣṭo bhagavatā | nacaikādhikārikatvasubhayoḥ samuccayasya vivakṣitatvāditi vācyam | 'dūreṇa hyavaraṃ karma buddhiyogāddhanaṃjaya' iti karmaniṣṭhāyāḥ buddhiniṣṭhāpekṣayā nikṛṣṭatvābhidhānāt 'yāvānartha udapāne' ityatra ca jñānaphale sarvakarmaphalāntarbhāvasya darśitatvāt | sthitaprajñalakṣaṇamuktvā ca 'eṣā brāhmī sthitiḥ - [Previous: 3.1.2](https://indike.org/pramana/in.darsana.all.gita!madhusudana.3.1.2) - [Next: 3.1.4](https://indike.org/pramana/in.darsana.all.gita!madhusudana.3.1.4) - [Up: 3.1](https://indike.org/pramana/in.darsana.all.gita!madhusudana.3.1) ## Linked texts (1) - [Bhagavadgītā](https://indike.org/pramana/in.darsana.all.gita.2.72) — Vyāsa, Sanskrit --- Source: [https://indike.org/pramana/in.darsana.all.gita!madhusudana.3.1.3](https://indike.org/pramana/in.darsana.all.gita!madhusudana.3.1.3) · Pramāṇa