Bhagavadgita 2

Tātparyabodhinī 2

Language: Sanskrit

2.1

adhastānmānavaṃ divyamupariṣṭādvajākṛti | parastāttamasastejaḥ purastādastu naḥ sadā |

2.2

pañcāśadvarṇarūpeṇa yayā vyāptamidaṃ jagat | śabdabrahmamayīṃ vāṇīṃ bhaje tāṃ paradevatām |

2.3

asaṃspṛṣṭyaiva prakṛtiṃ vikṛtiṃ ca guṇaiḥ saha | yaḥ sadā bhāti me'ntasthastaṃ seve kṛṣṇamīśvaram |

2.4

sanandanaṃ śrīsanakaṃ sanātanaṃ sanatkumāraṃ ca sanatsujātam | śrīvāmadevaṃ ca śukaṃ mahāntaṃ namāmi bhaktyā nijabodhasiddhayai |

2.5

bhaktyā śrīśaṃkarācāryaṃ tacchāstraṃ sadguruṃ muhuḥ | namāmi śirasā nityaṃ samyagjñānopapattaye |

2.6

bhaktyā praṇamya svagurumānandātmasarasvatīm | kriyate śrīmadbhagavadgītātātparyabodhinī |

iha khalu bhagavānamitatapobalatejaḥ śaktisaṃpannaḥ sarvavidyānidhiḥ sarvajñacūḍāmaṇiḥ sākṣādaparaḥ śrīmannārāyaṇaḥ śrīkṛṣṇadvaipāyanaḥ paramakāruṇikāgragaṇyaḥ svayamatikṛpayā bhaviṣyadvijanānāmanatiprajñāmājñāya varṇāśramiṇāṃ sakalapuruṣārthasiddhaye tatsiddhisādhanaprakāśakamanantavedarāśiṃ ṛgādibhedena caturdhā vibhajya, ekaikāṃ śākhāṃ pailavaiśaṃpāyanādiśiṣyapraśiṣyopaśiṣyaparamparādvārā saṃvardhayāmāsa| tatrāpi vedārthasya paramasa sūkṣmatvādati-

2.9

oṃ namaḥ śrīgopālakṛṣṇāya | satyaṃ jñānamanantaṃ yanniṣkalaṃ niṣkriyaṃ param | advitīyaṃ nirviśeṣaṃ brahma tatsamupāsmahe |
gūḍhatvādurvijñeyatvācca tadarthādhigamāśaktānāṃ satpuruṣāṇāṃ dharmādisarvapuruṣārthasiddhaye ‘bhārataṃ pañcamo vedaḥ’ iti pañcamavedatvena prasiddhāṃ dharmādisarvapuruṣārthatat sādhanaprakāśanaparāṃ bhāratīṃ śatasāhasrīṃ saṃhitāṃ pravarttayāṃcakāra | tasyā etasyā eva saṃhitāyā madhye kevalaṃ mumukṣūṇāmanādyavidyātatkāryanivṛttidvārā videhakaivalyaphalasiddhaye brahmātmaikatvapratipādanaparāṃ kṛṣṇārjunasaṃvādarūpāmadvaitāmṛtavarṣiṇīṃ gītopaniṣannāmnīṃ brahmavidyāṃ ślokānāṃ saptaśatyā antare ca nakṣatramālāyāścandramaṇḍalamiva sthāpayāmāsa | tasyā etasyāstvadhyayane tadarthagrahaṇe tacchrutijanyajñāne tatphalāvāptau cādhikārī sadasadvivek‍tyadharmabhīruścaihikāmuṣmikasukhavimukhaḥ śamādiṣaṭ‌saṃpanno mumukṣureveti nirdhārayituṃ brahmavidyāśrotaryarjune sadasadvivecanamadharmabhīrutvamaihikāmuṣmikasukhavaimukhyaṃ śamadamādisaṃpattiṃ ca pradarśayituṃ prathamādhyāya ārabhyate—tatrādau pāṇḍavānāṃ dhārtarāṣṭrāṇāṃ ca yuddhāya saṃnaddhānāṃ pravṛttiṃ śrotukāmo dhṛtarāṣṭra uvāca—

Linked texts (1)

Bhagavadgītā — Vyāsa, Sanskrit