[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [General works and doxographies](https://indike.org/pramana/in.darsana.all) › [Bhagavadgītā](https://indike.org/pramana/in.darsana.all.gita) › [Tatparyabodhini](https://indike.org/pramana/in.darsana.all.gita!samkarananda) › 4.36 # Bhagavadgita 4.36 Tātparyabodhinī 4.36 - **Language:** Sanskrit ### [4.36](https://indike.org/pramana/in.darsana.all.gita!samkarananda.4.36) avācyavādāniti | ahitāḥ śatravo duryodhanakarṇavikarṇādayastava sāmarthyamatrādṛśyamānaṃ pauruṣaṃ parākramaṃ ca nindantaḥ raṇātpalāyitavatastava śauryaṃ kimiti kutsayantaḥ santaścāvācyavādān vaktumanarhānavācyān vādān dhikśabdapūrvakān dūṣaṇaśabdānekadhā ito vadiṣyanti | tataḥ karṇakaṭhorebhyo marmaghātibhyo dūṣaṇavacanebhyo duḥkhataraṃ kṣatriyasyābhimāninaḥ śūrasya kiṃtu kimasti | na tato'nyadduḥkhataramastītyarthaḥ | nanu yuddhe kṛte gurvādibadhavaśācchiṣṭanindā syādakṛte śatrunindā syādubhayathāpi nindāduḥkhameva phalāya bhavati na tato'nyadastītyāśaṅkāyāṃ na kṛte yuddhe yāgavadyuddhasya svadharmatvādurvādihiṃsāyāḥ paśuhiṃsāvattadantaḥpātitvānna śiṣṭanindā nāpi ca śatrunindāsti jaye'pyajaye ca yuddhena iṣṭaphalamastītyāha— - [Previous: 4.35](https://indike.org/pramana/in.darsana.all.gita!samkarananda.4.35) - [Next: 4.37](https://indike.org/pramana/in.darsana.all.gita!samkarananda.4.37) - [Up: 4](https://indike.org/pramana/in.darsana.all.gita!samkarananda.4) ## Linked texts (1) - [Bhagavadgītā](https://indike.org/pramana/in.darsana.all.gita.2.36) — Vyāsa, Sanskrit --- Source: [https://indike.org/pramana/in.darsana.all.gita!samkarananda.4.36](https://indike.org/pramana/in.darsana.all.gita!samkarananda.4.36) · Pramāṇa