[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [General works and doxographies](https://indike.org/pramana/in.darsana.all) › [Bhagavadgītā](https://indike.org/pramana/in.darsana.all.gita) › [Tatparyabodhini](https://indike.org/pramana/in.darsana.all.gita!samkarananda) › 4.38 # Bhagavadgita 4.38 Tātparyabodhinī 4.38 - **Language:** Sanskrit ### [4.38](https://indike.org/pramana/in.darsana.all.gita!samkarananda.4.38) sukhaduḥkhe iti | lābhālābhau jayājayau ca tatphalabhūte sukhaduḥkhe ca same kṛtvā | samabuddhirbhūtvā lābhādīnāṃ siddhyasiddhyorharṣaviṣādāvakṛtvetyarthaḥ | maduktyā vidhividheyo bhūtvā tato vidhyuktāya yuddhāya svadharmānuṣṭhānāya yujyasva yatasva| evaṃ vidhyuktaṃ yattadīśvarārpaṇabuddhyā kariṣyāmītyevaṃ niścayena yuddhaṃ kurvan pāpaṃ nāvāpsyasi | ‘brahmaṇe brāhmaṇamālabheta’ iti śrutyukte naramedhe brāhmaṇamālabhya kartā yathā pāpaṃ nāpnoti tathā ‘ye yudhyante pradhaneṣu’ iti śrutyukte svadharme yuddhe gurvādṝn hatvā gurvādivadhajaṃ pāpaṃ naramedhivannāvāpsyasītyarthaḥ | nanu vedāvināśinaṃ nityamityādinā brahmavido na kiṃcitkartavyamastītyupapādyedānīṃ svadharmamapi cetyādinā karma kartavyamiti tvayā punaḥ karma vidhīyate| duḥkhabhūyiṣṭhasya karmaṇaḥ karaṇāpekṣayā kartā karaṇaṃ kāryaṃ ca sarvaṃ mithyaiveti karma sarvaṃ saṃnyasya tūṣṇīmavasthānameva sukhamiti cetsatyam, evaṃvidhajñānamevāhaṃmametyādisaṃsārabhramavidhvaṃsakaṃ bhavati, tathāpi tadārūḍhaviṣayaṃ na tvārurukṣuviṣayamiti mumukṣūṇāṃ karma tat saṃnyāsamārgaparijñānāya karmasaṃnyāsakarmayogayorviṣayavibhāgaṃ sūcayituṃ karmānuṣṭhānaprakāraṃ ca bodhayitumidamāha- - [Previous: 4.37](https://indike.org/pramana/in.darsana.all.gita!samkarananda.4.37) - [Next: 4.39](https://indike.org/pramana/in.darsana.all.gita!samkarananda.4.39) - [Up: 4](https://indike.org/pramana/in.darsana.all.gita!samkarananda.4) ## Linked texts (1) - [Bhagavadgītā](https://indike.org/pramana/in.darsana.all.gita.2.38) — Vyāsa, Sanskrit --- Source: [https://indike.org/pramana/in.darsana.all.gita!samkarananda.4.38](https://indike.org/pramana/in.darsana.all.gita!samkarananda.4.38) · Pramāṇa