[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [General works and doxographies](https://indike.org/pramana/in.darsana.all) › [Bhagavadgītā](https://indike.org/pramana/in.darsana.all.gita) › [Gudharthacandrika](https://indike.org/pramana/in.darsana.all.gita!vanamali-misra) › 3.39 # Bhagavadgita 3.39 Gūḍhārthacandrikā 3.39 - **Language:** Sanskrit ### [3.39](https://indike.org/pramana/in.darsana.all.gita!vanamali-misra.3.39) samyak khyāyate = jñāyate yayā sā saṅkhyā buddhiḥ| tayā'vadhāraṇīyamātmatattvaṃ sāṅkhyam, tasmin sāṅkhye| tajjñānāya yā'bhidheyā sā ‘natvevāham’1 ityārabhya ‘tasmāt sarvāṇi bhūtāni’2 ityantena abhihitā| ātmayāthātmyānusandhānapūrvakaniṣkāmakarmārthaṃ cittaikāgryatvahetutvāt yujyate cittamekāgraṃ kriyate'neneti vyutpattyā yogapadenocyate| atra yoge yā vaktavyā buddhiḥ, tām imām abhidhīyamānāṃ śṛṇu| yayā buddhyā yuktaḥ karmabandhaṃ karmarūpāṃ pravāhato'nādimavidyāṃ prahāsyasi ‘madīyamidaṃ karma, ahaṃ kartā’ ityādyabhimānaśūnyatayā3 svocitasatkarmānuṣṭhānam, tato mayyacalā bhaktiḥ, tato madāparokṣyam, tato manmahāprasādaḥ, tato'vidyānivṛttipūrvakānandāvirbhāvarūpo mokṣa iti bhāvaḥ| nanu karmakaraṇe vighnabāhulyena phalābhāvapratyavāyayoḥ prasaṅgaḥ| tatrāha - neheti|| - [Previous: 3.38](https://indike.org/pramana/in.darsana.all.gita!vanamali-misra.3.38) - [Next: 3.40](https://indike.org/pramana/in.darsana.all.gita!vanamali-misra.3.40) - [Up: 3](https://indike.org/pramana/in.darsana.all.gita!vanamali-misra.3) ## Linked texts (1) - [Bhagavadgītā](https://indike.org/pramana/in.darsana.all.gita.2.39) — Vyāsa, Sanskrit --- Source: [https://indike.org/pramana/in.darsana.all.gita!vanamali-misra.3.39](https://indike.org/pramana/in.darsana.all.gita!vanamali-misra.3.39) · Pramāṇa