[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [General works and doxographies](https://indike.org/pramana/in.darsana.all) › [Shaddarshanasamuccaya](https://indike.org/pramana/in.darsana.all.saddarsanasamuccaya) › 3.3-2 # Shaddarshanasamuccaya 3.3-2 Ṣaḍdarśanasamuccaya 3.3-2 - **Language:** Sanskrit ### [3.3-2](https://indike.org/pramana/in.darsana.all.saddarsanasamuccaya.3.3-2) jñāntaraṃ ^1nāma nigrahasthānaṃ bhavati | anityaḥ śabda aindriyakatvādityukte tathaiva sāmānyena vyabhicāre^2 nodite yadi ^3brūyādyuktaṃ yatsāmānyamaindriyakaṃ nityaṃ taddhi sarvagatamasarvagatastu śabda iti | so'yamanityaḥ śabda iti pūrvapratijñātaḥ pratijñāntaramasarvagataḥ śabda iti pratijānānaḥ pratijñāntareṇa nigṛhīto bhavati 2 § 110. pratijñāhetvorvirodhaḥ ^4pratijñāvirodhī nāma nigrahasthānaṃ bhavati | guṇavyatiriktaṃ dravyaṃ rūpādibhyo'rthāntarasyānupalabdheriti so'yaṃ pratijñāhetvorvirodhaḥ | yadi hi guṇavyatiriktaṃ dravyaṃ na tarhi rūpādibhyo'rthāntarasyānupalabdhiḥ | atha rūpādibhyo'rthāntarasyānupalabdhiḥ, kathaṃ guṇavyatiriktaṃ dravyamiti | tadayaṃ pratijñāviruddhāmidhānātparājīyate 3 § 111. pakṣasādhane pareṇa dūṣite taduddharaṇāśaktyā pratijñāmeva nihnuvānasya pratijñāsaṃnyāso^5 nāma nigrahasthānaṃ bhavati | anityaḥ śabda aindriyakatvādityukte tathaiva sāmānyenānakāntikatāyāmudbhāvitāyāṃ yadi brūyātka evamāha anityaḥ śabda iti pratijñāsaṃnyāsātparājito bhavati 4 § 112. aviśeṣābhihite hetau pratiṣiddhe tadviśeṣaṇamabhidadhato hetvantaraṃ^6 nāma nigrahasthānaṃ bhavati | tasminneva prayoge tathaiva sāmānyasya vyabhicāreṇa dūṣite jātimattve satītyādi viśeṣaṇamupādadāno hetvantareṇa nigṛhīto bhavati 5 § 113. prakṛtādarthādanyo'rtho'rthāntaraṃ tadanaupāyikamabhidadhato'rthāntaraṃ² nāma nigrahasthānaṃ bhavati | anityaḥ śabdaḥ kṛtakatvāditi hetuḥ | heturiti ca hinoterdhātostupratyaye kṛdantaṃ padam padaṃ ca nāmākhyātopasarganipātabhedāccaturvidhamita prastutya nāmādīni vyācakṣāṇaḥ prakṛtānupayo ginārthāntareṇa nigṛhyata iti 6 § 114. abhidheyarahitavarṇānupūrvīprayogamātraṃ nirarthakaṃ³ nāma nigrahasthānaṃ bhavati | anityaḥ śabdaḥ kacaṭatapānāṃ gajaḍadavatvāt jhabhavadityetadapi sarvathārthaśūnyatvānnigrahāya bhavati sādhyātupayogādvā 7 § 115. yatsādhanavākyaṃ dūṣaṇaṃ vā kiñcittrirabhihitamapi parṣatprativādibhyāṃ boddhuṃ na śakyate, tat kliṣṭaśabdamaprasiddhaprayogamatihrasvoccāritamityevaṃ prakāramavijñātārthaṃ⁴ nāma nigrahasthānaṃ bhavati | asāmarthyasaṃvaraṇaprakāro hyayamiti nigṛhyate 8 § 116. pūrvāparāsaṃgata mūhaprayogādapratiṣṭhitavākyārthamapārthakaṃ 1 nāma nigrahasthānaṃ bhavati yathā daśa dāḍimāni ṣaḍapūpāḥ kuṇḍamajājinaṃ palalapiṇḍa ityādi 9 § 117. pratijñāhetūdāharaṇopanayanigamanavacanakramamullaṅghyāvayavaviparyāsena prayujyamānamanumānavākyamaprāptakālaṃ 2 nāma nigrahasthānaṃ bhavati svapratipattitvatparapratipatterjanane parārthānumānakramasyopagamāt 10 - [Previous: 3.32](https://indike.org/pramana/in.darsana.all.saddarsanasamuccaya.3.32) - [Next: 3.1-2](https://indike.org/pramana/in.darsana.all.saddarsanasamuccaya.3.1-2) - [Up: 3](https://indike.org/pramana/in.darsana.all.saddarsanasamuccaya.3) ## Linked texts (2) - [Nyāyamañjarī](https://indike.org/pramana/in.darsana.nyaya.nyayamanjari.2.8.234) — Jayanta Bhaṭṭa, Sanskrit - [Nyāyakalikā](https://indike.org/pramana/in.darsana.nyaya.prakarana.nyayakalika.4) — Jayanta Bhaṭṭa, Sanskrit --- Source: [https://indike.org/pramana/in.darsana.all.saddarsanasamuccaya.3.3-2](https://indike.org/pramana/in.darsana.all.saddarsanasamuccaya.3.3-2) · Pramāṇa