[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [General works and doxographies](https://indike.org/pramana/in.darsana.all) › [Sarvasiddhantasangraha](https://indike.org/pramana/in.darsana.all.sarvasiddhantasangraha) › 11.p2 # Sarvasiddhantasangraha 11.p2 Sarvasiddhāntasaṅgraha 11.p2 - **Language:** Sanskrit ### [11.p2.1](https://indike.org/pramana/in.darsana.all.sarvasiddhantasangraha.11.p2.1) sarvaśāstrāvirodhena vyāsokto bhārate dvijaiḥ | gṛhyate sāṅkhyapakṣāddhi vedasāro'tha vaidikaiḥ | 1| ### [11.p2.2](https://indike.org/pramana/in.darsana.all.sarvasiddhantasangraha.11.p2.2) puruṣaḥ prakṛtiśceti dvayātmakamidaṃ jagat | paraḥ śayānastanmātrapure tu puruṣaḥ smṛtaḥ | 2| ### [11.p2.3](https://indike.org/pramana/in.darsana.all.sarvasiddhantasangraha.11.p2.3) tanmātrāḥ sūkṣmabhūtāni prāyaste triguṇāḥ smṛtāḥ | prakṛtirguṇasāmyaṃ syādguṇāḥ sattvaṃ rajastamaḥ | 3| ### [11.p2.4](https://indike.org/pramana/in.darsana.all.sarvasiddhantasangraha.11.p2.4) bandhaḥ puṃso guṇāveśo muktirguṇāvivekadhīḥ | guṇasvabhāvairātmā syāduttamo madhyamo'dhamaḥ | 4| ### [11.p2.5](https://indike.org/pramana/in.darsana.all.sarvasiddhantasangraha.11.p2.5) uttamaḥ sāttvikaḥ śleṣmaprakṛtiḥ sa jalātmakaḥ | rājaso madhyamo hyātmā sa pittaprakṛtirmataḥ | 5| ### [11.p2.6](https://indike.org/pramana/in.darsana.all.sarvasiddhantasangraha.11.p2.6) adhamastāmaso vātaprakṛtiryat tamo marut | sattvaṃ śuklaṃ rajo raktaṃ dhūmraṃ kṛṣṇaṃ tamo matam | 6| ### [11.p2.7](https://indike.org/pramana/in.darsana.all.sarvasiddhantasangraha.11.p2.7) jalāgnipavanātmānaḥ śuklaraktāsitāstataḥ | tattadākāraceṣṭādyairlakṣyante sāttvikādayaḥ | 7| ### [11.p2.8](https://indike.org/pramana/in.darsana.all.sarvasiddhantasangraha.11.p2.8) priyaṅgudurvāśastrābjahemavarṇaḥ kaphātmakaḥ | gūḍhāsthibandhaḥ susnigdhapṛthuvakṣā bṛhattamaḥ | 8| ### [11.p2.9](https://indike.org/pramana/in.darsana.all.sarvasiddhantasangraha.11.p2.9) gambhīro māṃsalaḥ saumyo gajagāmī mahāmanāḥ | mṛdaṅganādo medhāvī dayāluḥ satyavāg ṛjuḥ | 9| ### [11.p2.10](https://indike.org/pramana/in.darsana.all.sarvasiddhantasangraha.11.p2.10) kṣuttṛḍ duḥkhaparikleśairatapto gharmatastathā | anekaputrabhṛtyāḍhyo bhūriśukro ratikṣamaḥ | 10| ### [11.p2.11](https://indike.org/pramana/in.darsana.all.sarvasiddhantasangraha.11.p2.11) dharmātmā mitabhāṣī ca niṣṭhuraṃ vakti na kvacit | bālye'pyarodanololo na bubhūkṣārdito bhṛśam | 11| ### [11.p2.12](https://indike.org/pramana/in.darsana.all.sarvasiddhantasangraha.11.p2.12) bhūṅkte'lpaṃ madhuraṃ koṣṇaṃ tathāpi balavānasau | apratīkārato vairaṃ ciraṃ gūḍhaṃ vahatyasau | 12| ### [11.p2.13](https://indike.org/pramana/in.darsana.all.sarvasiddhantasangraha.11.p2.13) dhṛtirbuddhiḥ smṛtiḥ prītiḥ sukhaṃ lajjāṅgalāghavam | ānṛṇyaṃ samatārogyamakārpaṇyamacāpalam | 13| ### [11.p2.14](https://indike.org/pramana/in.darsana.all.sarvasiddhantasangraha.11.p2.14) iṣṭāpūrtaviśeṣāṇāṃ kratūnāmavikatthanam | dānena cānugrahaṇamaspṛhā ca parārthataḥ | 14| ### [11.p2.15](https://indike.org/pramana/in.darsana.all.sarvasiddhantasangraha.11.p2.15) sarvabhūtadayā ceti guṇairjñeyo'tra sāttvikaḥ | rajoguṇaparicchedyo rājasotra yathā janaḥ | 15| ### [11.p2.16](https://indike.org/pramana/in.darsana.all.sarvasiddhantasangraha.11.p2.16) rajaḥ pittaṃ tadevāgniragnistat pittajastu vā | tīvratṛṣṇo bubhukṣārtaḥ paittiko'mitabhojanaḥ | 16| ### [11.p2.17](https://indike.org/pramana/in.darsana.all.sarvasiddhantasangraha.11.p2.17) piṅgakeśo'lparomā ca tāmravaktrāṅghrihastakaḥ | gharmāsahiṣṇuruṣṇāṅgaḥ svedanaḥ pūtigandhayuk | 17| ### [11.p2.18](https://indike.org/pramana/in.darsana.all.sarvasiddhantasangraha.11.p2.18) svastho virecanādevaṃ mṛdukoṣṭho'tikopanaḥ | śūraḥ sucarito mānī kleśabhīruśca paṇḍitaḥ | 18| ### [11.p2.19](https://indike.org/pramana/in.darsana.all.sarvasiddhantasangraha.11.p2.19) mālyānulepanādīcchuratisvacchojjvalākṛtiḥ | alpaśuklo'lpakāmaśca kāminīnāmanīpsitaḥ | 19| ### [11.p2.20](https://indike.org/pramana/in.darsana.all.sarvasiddhantasangraha.11.p2.20) bālyepi palitaṃ dhatte raktaromātha nīlikām | balī sāhasiko bhogī saṃprāptavibhavaḥ sadā | 20| ### [11.p2.21](https://indike.org/pramana/in.darsana.all.sarvasiddhantasangraha.11.p2.21) bhuṅkte'timadhuraṃ cārdraṃ bhakṣyaṃ kaṭvamlanispṛhaḥ | nātyuṣṇabhojī pānīyamantarā pracuraṃ piban | 21| ### [11.p2.22](https://indike.org/pramana/in.darsana.all.sarvasiddhantasangraha.11.p2.22) netraṃ tanv alpapakṣmāsya bhavecchītajalapriyaḥ | kopenārkābhitāpena rāgamāśu prayāti ca | 22| ### [11.p2.23](https://indike.org/pramana/in.darsana.all.sarvasiddhantasangraha.11.p2.23) atyāgitvamakāruṇyaṃ sukhaduḥkhopasevanam | ahaṅkārādasatkāraścintā vairopasevanam | 23| ### [11.p2.24](https://indike.org/pramana/in.darsana.all.sarvasiddhantasangraha.11.p2.24) parabhāryāpaharaṇaṃ hrīnāśo'nārjavaṃ tviti | rājasasya guṇāḥ proktāstāmasasya guṇā yathā | 24| ### [11.p2.25](https://indike.org/pramana/in.darsana.all.sarvasiddhantasangraha.11.p2.25) adharmastāmaso jñeyastāmaso vātiko janaḥ | adhanyo matsaro coraḥ prākṛto nāstiko bhṛśam | 25| ### [11.p2.26](https://indike.org/pramana/in.darsana.all.sarvasiddhantasangraha.11.p2.26) dīrghasphuṭitakeśāntaḥ kṛśaḥ kṛṣṇo'tilomaśaḥ | asnigdhaviralasthūladanto dhūsaravigrahaḥ | 26| ### [11.p2.27](https://indike.org/pramana/in.darsana.all.sarvasiddhantasangraha.11.p2.27) cañcalāsya dhṛtirbuddhiśceṣṭā dṛṣṭirgatiḥ smṛtiḥ | sauhārdamasthiraṃ tasya pralāpo'saṅgataḥ sadā | 27| ### [11.p2.28](https://indike.org/pramana/in.darsana.all.sarvasiddhantasangraha.11.p2.28) bahvāśī mṛgayāśīlo maliṣṭhaḥ kalahapriyaḥ | śītāsahiṣṇuścapalo doṣadhīrjarjarasvaraḥ | 28| ### [11.p2.29](https://indike.org/pramana/in.darsana.all.sarvasiddhantasangraha.11.p2.29) sannasaktacalālāpo gītavādyarataḥ sadā | madhurādyupabhogī ca bhakṣyapakvāmlasaspṛhaḥ | 29| ### [11.p2.30](https://indike.org/pramana/in.darsana.all.sarvasiddhantasangraha.11.p2.30) alpapittakaphaḥ prekṣyo'svalpanidro'lpajīvanaḥ | evamādiguṇairjñeyastāmaso vātiko janaḥ | 30| ### [11.p2.31](https://indike.org/pramana/in.darsana.all.sarvasiddhantasangraha.11.p2.31) pañcabhūtaguṇān vakṣye traiguṇyān nātibhedinaḥ | jaṅgamānāṃ ca sarveṣāṃ śarīre pañca dhātavaḥ | pratyekaśaḥ prabhidyante yaiḥ śarīraṃ viceṣṭate | 31| ### [11.p2.32](https://indike.org/pramana/in.darsana.all.sarvasiddhantasangraha.11.p2.32) tvak ca māṃsaṃ tathāsthīni majjā snāyuśca pañcamaḥ | ityetadiha saṅghātaṃ śarīre pṛthivīmayam | 32| ### [11.p2.33](https://indike.org/pramana/in.darsana.all.sarvasiddhantasangraha.11.p2.33) tejo hyagnistathā krodhaścakṣuruṣmā tathaiva ca | agnirjarayate yacca pañcāgneyāḥ śarīriṇaḥ | 33| ### [11.p2.34](https://indike.org/pramana/in.darsana.all.sarvasiddhantasangraha.11.p2.34) śrotraṃ ghrāṇaṃ tathāpyañca hṛdayaṃ koṣṭhaṃ eva ca | ākāśāt prāṇināṃ ete śarīre pañca dhātavaḥ | 34| ### [11.p2.35](https://indike.org/pramana/in.darsana.all.sarvasiddhantasangraha.11.p2.35) śleṣmā pittamatha khedo vasā śoṇitaṃ eva ca | ityāpaḥ pañcadhā dehe bhavanti prāṇināṃ sadā | 35| ### [11.p2.36](https://indike.org/pramana/in.darsana.all.sarvasiddhantasangraha.11.p2.36) prāṇāt praṇīyate dehī vyānādvyāyacchate tathā | gacchatyapāno'dhaścaiva samāno hṛdyavasthitaḥ | 36| ### [11.p2.37](https://indike.org/pramana/in.darsana.all.sarvasiddhantasangraha.11.p2.37) udānāducchvasiti ca pratibhedācca bhāṣate | ityete vāyavaḥ pañca ceṣṭayantīha dehinam | 37| ### [11.p2.38](https://indike.org/pramana/in.darsana.all.sarvasiddhantasangraha.11.p2.38) iṣṭaścāniṣṭagandhaśca madhuraḥ kaṭureva ca | nirhārī saṅgataḥ snigdho rukṣo viśada eva ca | evaṃ navavidho jñeyaḥ pārthivo gandhavistaraḥ | 38| ### [11.p2.39](https://indike.org/pramana/in.darsana.all.sarvasiddhantasangraha.11.p2.39) madhuro lavaṇastiktaḥ kaṣāyo'mlaḥ kaṭustathā | evaṃ ṣaḍvidhavistāro raso vārimayaḥ smṛtaḥ | 39| ### [11.p2.40](https://indike.org/pramana/in.darsana.all.sarvasiddhantasangraha.11.p2.40) hrasvo dīrghastathā sthūlaścaturasro'tha vṛttavān | śuklaḥ kṛṣṇastathā rakto nīlaḥ pīto'ruṇastathā | 40| ### [11.p2.41](https://indike.org/pramana/in.darsana.all.sarvasiddhantasangraha.11.p2.41) kaṭhinaścikkaṇaḥ ślakṣṇaḥ picchilo mṛdudāruṇaḥ | evaṃ ṣoḍaśavistāro jyotīrūpo guṇaḥ smṛtaḥ | 41| ### [11.p2.42](https://indike.org/pramana/in.darsana.all.sarvasiddhantasangraha.11.p2.42) uṣṇaḥ śītaḥ sukho duḥkhaḥ snigdho viśada eva ca | tathā kharo mṛdū rūkṣo laghurgurutaro'pi ca | evg dvādaśavistāro vāyavyo guṇa ucyate | 42| ### [11.p2.43](https://indike.org/pramana/in.darsana.all.sarvasiddhantasangraha.11.p2.43) ṣaḍjarṣabhau ca gāndhāro madhyamaḥ pañcamastathā | dhaivato niṣadhaścaiva saptaite śabdajā guṇāḥ | 43| ### [11.p2.44](https://indike.org/pramana/in.darsana.all.sarvasiddhantasangraha.11.p2.44) ākāśajaṃ śabdamāhurebhirvāyuguṇaiḥ saha | avyāhataiścetayate na vetti viṣamasthitaiḥ | 44| ### [11.p2.45](https://indike.org/pramana/in.darsana.all.sarvasiddhantasangraha.11.p2.45) āpyāyyante ca te nityaṃ dhātavastaistu pañcabhiḥ | āpo'gnirmarutaścaiva nityaṃ jāgrati dehiṣu | 45| ### [11.p2.46](https://indike.org/pramana/in.darsana.all.sarvasiddhantasangraha.11.p2.46) caturvyūhātmako viṣṇuścaturdhaivākarojjagat | brahmakṣatriyaviṭśūdrāṃścaturvarṇān guṇātmakān | 46| ### [11.p2.47](https://indike.org/pramana/in.darsana.all.sarvasiddhantasangraha.11.p2.47) vipraḥ śuklo nṛpo raktaḥ pīto vaiśyo'ntyajositaḥ | vistṛtya dharmaśāstre hi teṣāṃ karma samīritam | 47| ### [11.p2.48](https://indike.org/pramana/in.darsana.all.sarvasiddhantasangraha.11.p2.48) ekasminn eva varṇe tu cāturvarṇye guṇātmakam | mokṣadharme'dhikāritvasiddhaye munirabhyadhāt | 48| ### [11.p2.49](https://indike.org/pramana/in.darsana.all.sarvasiddhantasangraha.11.p2.49) sa karmadevatāyogajñānakāṇḍeṣv anukramāt | pravartayati tatkarmaparipākakramaṃ vidan | 49| ### [11.p2.50](https://indike.org/pramana/in.darsana.all.sarvasiddhantasangraha.11.p2.50) ṛjavaḥ śuddhavarṇābhāḥ kṣamāvanto dayālavaḥ | svadharmaniratā ye syuste dvijeṣu dvijātayaḥ | 50| ### [11.p2.51](https://indike.org/pramana/in.darsana.all.sarvasiddhantasangraha.11.p2.51) kāmabhogapriyāstīkṣṇāḥ krodhanāḥ priyasāhasāḥ | tyaktasvadharmā raktāṅgāste dvijā kṣatratāṃ gatāḥ | 51| ### [11.p2.52](https://indike.org/pramana/in.darsana.all.sarvasiddhantasangraha.11.p2.52) goṣu vṛttiṃ samādhāya pītāḥ kṛṣyupajīvinaḥ | svadharmān nānutiṣṭhanti te dvijā vaiśyatāṃ gatāḥ | 52| ### [11.p2.53](https://indike.org/pramana/in.darsana.all.sarvasiddhantasangraha.11.p2.53) hiṃsānṛtapriyā lubdhāḥ sarvakarmopajīvinaḥ | kṛṣṇāḥ śaucaparibhraṣṭāste dvijāḥ śūdratāṃ gatāḥ | 53| ### [11.p2.54](https://indike.org/pramana/in.darsana.all.sarvasiddhantasangraha.11.p2.54) samayācāraniḥśeṣakṛtyabhedairvimohayan | mokṣado viṣṇureva syāddevadaiteyarakṣasām | 54| ### [11.p2.55](https://indike.org/pramana/in.darsana.all.sarvasiddhantasangraha.11.p2.55) caturbhirjanmabhirmuktirdveṣeṇa bhajatastava | bhavediti varo dattaḥ puṇḍarīkāya viṣṇunā | 55| ### [11.p2.56](https://indike.org/pramana/in.darsana.all.sarvasiddhantasangraha.11.p2.56) rajaḥsattvatamomārgaistadātmānaḥ svakarmabhiḥ | prāpyate viṣṇurevaiko devadaityaniśācaraiḥ | 56| ### [11.p2.57](https://indike.org/pramana/in.darsana.all.sarvasiddhantasangraha.11.p2.57) brahmaviṣṇuharākhyābhiḥ sṛṣṭisthitilayānapi | harireva karotyeko rajaḥsattvatamovaśāt | 57| ### [11.p2.58](https://indike.org/pramana/in.darsana.all.sarvasiddhantasangraha.11.p2.58) sāttvikāstridaśāḥ sarve tvasurā rājasā matāḥ | tāmasā rākṣasā śīlaprakṛtyākṛtivarṇataḥ | 58| ### [11.p2.59](https://indike.org/pramana/in.darsana.all.sarvasiddhantasangraha.11.p2.59) dharmaḥ surāṇāṃ pakṣaḥ syādadharmo'surarakṣasām | piśācāderadharmaḥ syādeṣāṃ lakṣma rajastamaḥ | 59| ### [11.p2.60](https://indike.org/pramana/in.darsana.all.sarvasiddhantasangraha.11.p2.60) īśvarājjñānamanvicchecchriyamiccheddhutāśanāt | ārogyaṃ bhāskarādicchenmokṣamicchejjanārdanāt | 60| ### [11.p2.61](https://indike.org/pramana/in.darsana.all.sarvasiddhantasangraha.11.p2.61) yasmin pakṣe tu yo jātaḥ suro vāpyasuro'pi vā | svadharma eva tasya syādadharme'pyatra dharmavit | 61| ### [11.p2.62](https://indike.org/pramana/in.darsana.all.sarvasiddhantasangraha.11.p2.62) vedatrayoktā ye dharmāste'nuṣṭheyāstu sāttvikaiḥ | adharmo'tharvavedokto rājasaistāmasaiḥ śritaḥ | 62| ### [11.p2.63](https://indike.org/pramana/in.darsana.all.sarvasiddhantasangraha.11.p2.63) viṣṇukramaṇaparyanto yogo'smākaṃ yathā tathā | rājasaistāmasairbrahmarudrāv ijyau tu tadguṇau | 63| ### [11.p2.64](https://indike.org/pramana/in.darsana.all.sarvasiddhantasangraha.11.p2.64) nijadharmapathāyātānanugṛhṇātyasau hariḥ | mucyate nijadharmeṇa paradharmo bhayāvahaḥ | 64| ### [11.p2.65](https://indike.org/pramana/in.darsana.all.sarvasiddhantasangraha.11.p2.65) eka eva paro viṣṇuḥ surāsuraniśācarān | triguṇānuguṇaṃ nityamanugṛhṇāti līlayā | 65| ### [11.p2.p66](https://indike.org/pramana/in.darsana.all.sarvasiddhantasangraha.11.p2.p66) iti sarvadarśanasiddhāntasaṅgrahe vedavyāsokto bhāratapakṣo nāmaikādaśaṃ prakaraṇam | ## Linked texts (4) - [Nāradapurāṇa](https://indike.org/pramana/in.purana.narada.1.42.74) — Vyāsa, Sanskrit - [Southern recension](https://indike.org/pramana/in.lit.mahabharata.vyasa*southern.12.182.25) — Sanskrit - [Vulgate (Nīlakaṇṭha's text)](https://indike.org/pramana/in.lit.mahabharata.vyasa*vulgate.12.184.19) — Sanskrit - [Critical edition (BORI)](https://indike.org/pramana/in.lit.mahabharata.vyasa*crit.12.301.21) — Sanskrit --- Source: [https://indike.org/pramana/in.darsana.all.sarvasiddhantasangraha.11.p2](https://indike.org/pramana/in.darsana.all.sarvasiddhantasangraha.11.p2) · Pramāṇa