Citrapata 11

Citrapaṭa 11

karmaṇāṃ yāgarūpāṇāṃ rājasūye pradhānatā
sarvesminrājasūye'⁴ṅgamabhiṣekavidhikriyā

tasminbhavenna saumyasya carorupasadaṅgatā
aṅgamāmanahomāsyuḥ nitya eva dadhigrahaḥ

yo vai saṃvatsaramiti kriyā naimittikī bhavet
tathā ṣaṣṭhī śitirderśe pitṛyajñasya nāṅgatā

raśanā savanīyasya yūpasaṃskārūpiṇī
svaroḥ paścajñanārthatvānnaiva yūpārthatā matā

prādhānyamiṣṭacoryāgānāṃ ṣaṇṇāṃ syātphalayoginām
somayāgasyaiva bhavet jyotiṣṭome pradhānatā

iti caturtho'dhyāyaḥ—28 kārikāḥ
atha pañcamo'dhyāyaḥ:
śrutilakṣaṇa eva syādarthānāṃ¹ nānyataḥ kramaḥ
viśeṣaṇatayārthānāṃ kramaśca vidhimarhati

²tvā śrutyā dīkṣayitveti kramaścaiva vidhīyate
agnihotre ³yavāgvādāvarthātsidhyan kramo mataḥ

⁴sarveṣāṃ kramasāmānānāmabhāve'niyamaḥ smṛtaḥ
pāṭhakramādidhīnāṃ syāt samidhāgādiṣu kramaḥ

prājāpatyapadārtheṣu sa pravṛttikramād bhavet
sādhyaske savanīyasya ⁵sthānena prathamakriyā

⁶sārasvatapadārthānāṃ bhavenmukhyakramātkramaḥ
kramo mukhyakramātpāṭhagocaro ⁷balavānmataḥ

vidhipāṭhakramādevaṃ mantrapāṭhakramo balī
vaikṛtadravyadharmāṇāṃ codakādhigataḥ kramaḥ

¹prātarmadhyaṃdinaṃ sāyamekasyaivāhna iṣṭayaḥ
syātāmutkarṣāpakarṣoṃ tadādikatadantayoḥ

savanīyāssaumikebhyaḥ prāksyurnirvāpabodhitāḥ
²yūpakarmāpakarṣasyāt na prācāmapakarṣaṇam

anuyājotkarṣe'pi notkṛṣyau dakṣiṇāgnikau
darśe vedyapakarṣe'pi na ³tatprāgapakarṣaṇam

utkarṣo nāgnihotrasya bhavetsāntapanīyayā
ukthyena syāt ṣoḍaśina utkarṣastatparākrayā

iti prathamaḥ pādaḥ

Contents