Citrapata 143
Citrapaṭa 143
- Language
- Sanskrit
143.p1
yāgādiṣu strīpuṃsayorubhayoradhikārādhikaraṇam (3)
'svargakāmaḥ' ityatra liṅgasya prātipadikārthatayā grahavadvivakṣitatvāt, vivakṣitaliṅgasya puṃsa evādhikāraḥ| 'bhāryāputraśca dāsaśca trayaevā dhanāssmṛtāḥ' iti vacanāt, adravyatvādapyanikārastriyāḥ| iti cet —
strīpuṃsayoradhikṛtiḥ
prakṛtyartho'pi liṅgaṃ uddeśyaviśeṣaṇatvāt grahaikatvavadavivakṣitam| na ca prakṛtyarthatvam; vibhaktivikārāṇāṃ ṭābādīnāñcānvayavyatirekābhyāṃ tadbodhakatvāt| atasstriyā apyadhikāraḥ| kartanādinā
arjanasaṃbhavāt| 'putrābhāve duhitā' ityādi vacanāt, 'dharme'rthe ca nāticaritavyā' 'pāṇigrahaṇāttu sahatvaṃ karmasu dravyaparigraheṣu ca' ityādibhyaśca nādravyatvam| 'ye yajñapatnīṃ' iti liṅgācca
'bhāryā putraśca' ityādi tu asvātantryaparam
143.p2
iti yāgādiṣu strīpuṃsayorubhayorapyadhikārādhikaraṇam || 3